Kolosi 1:11 - Nobonob Baibel

¹¹ Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

Kolosi 1:11 Referans Kwoze

Epesus 3:16

Da gatel qaun oin unuqidttem amu, da Kayak Nug nuhig Ouɗippa ag ehanatta, Nug nuhig ehanittak enanagnab, Nug amuppa ag oolag ɠagattag aqakkunu,

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Epesus 4:2

Ag onig qe nak kobol dim lamidna, oolag bodoettak ele daana, ag oolag maɗoɗ ele dayeg! Ag oo mauhak kobol dim lamidna, ag nug ehanidnana dayeg!

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

2 Korint 4:7

Ig Kayak binag amahlak oppiaawak elenu doyak aomut, amge ig am danabib, waa wanppa hak amubia, ig keeke ena amu aot, laa oh ag ɠagattag okkainu diig am Kayak, ig iitta, amu dooglagnu daattem.

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

Revelesen 14:12

Uug nau danab ah amu dilagppa bekkunu daatte, doyak amuam uug beegeg, Kayaknu danab ah oppiaawak ele ag Kayaknu haknunab anak dim lamidtteb, ag Jesusnu ooppa genab doyak ahilag ele ɠagattag aɗatteb amu, ag tuɗidna uug doyaya eɗittaknuib dabmak awak kobol dim lamidkkulagoitte ippunigtte.

2 Pita 1:6

Amu ag akka ahilag oiyak pehettak atognoak kobol aon, doyak ele ouaqateg! Amu ag uug doonna eɗidkkulagnuib dabmekkulagnu kobol aon, ag akka ahilag oiyak pehettak atognoak kobol ele ouaqateg! Amu ag genab tutukku hak kobol aon, ag uug doonna eɗidkkulagnuib dabmekkulagnu kobol ele ouaqateg!

Eksodas 15:6

O Yawe, na eppen naɗiap am ɠagattag okkai huanaknab, amuppa na kobol okkai heme. Yo, O Yawe, na eppen naɗiap-ppa, na kekeɗ aqadna, oɗoɗadna autna aome.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aisaia 45:24

‘Yawe Nugib genab tutukku hak kobol diig daatte. Nugib am ɠagattag ele,’ ” aon akkulag. Amu laa oh ag Yawenu oo nauhak okkai dootteb, ag amu uɗalag nekku.

Prowerb 24:10

Uug bette haenppa, na uug amu eɗidkkutnu tuɗidna ii hettem dayeb amu; nahip ɠagattag am okkai iitta laa ippunadtte.

Sam 63:2

Da nahip mettid lagppa appa amu, da na anidkkul. Appa da nahip ɠagattag, nahip binag amahlak oppiaawak ele, da amu ele anidkkul.

Jut 1:25

Kayak Nug nukka am Kayak, amu Nug am Padal ii maknu ehanittak ihinig daatte. Anam aakku amu, Jesus Kristus, ihinig Naɗi, nuhigppa binag amahlak oppiaawak ele, dagom onig ɠagattag ele, ɠagattag, amu gumaknu ehah oh ele Kayak, nuhigppa dayeg! Keeke amu oh am anukka haen ii digmeumppa, gemu, butti aɗi ele hanhan nuhigppa daatteb. Genab.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!