Josua 9:9 - Nobonob Baibel

⁹ Josua nug anam a, ag nai nob mena appig. “Ig, ig ahilkad maɗi nid amu, ig Yawe, ahilag Kayak, ig Nug onig okkainu doomut amunu, ig wan umanabnu uɗimut. Ig Yawe, ahilag Kayak, nuhig hak ɠagattag, Isip appa heum amu doomut amunu, ig uɗimut.

Josua 9:9 Referans Kwoze

Josua 9:24

Josua nug anam a amu, Gibeon ag nob mena appig. “Ig, nahipad maɗi nid maɗi ah ele amu, ig anam hemutnu diig am, Yawe, ahilag Kayak, Nug nuhig maɗi nid Moses amegppa, nug wan imu oh ag matteb, wan imuppan danab ah ele oh heeb, padal mekkulagnu haknunab nai aum amu, ig amu doomut amunu, ig anam hemut. Ig bau dayak ihinignu dabmeta, ag baɗadta, ig anam hemut.

Duteronomi 20:15

Amge ag anam hekkulagnu anak imuam aab okkai laih uma daatteb dilagppaib hekkulag; wan miag daatteb, aab amuppa ag anam aib heppig.

Aisaia 66:19

Da uɗat naɗi, da heminu at daatte ag oolagppa heppi, ⌊aun laa nug amu antta, da dim lamiɗa amu, nug bau daakku⌋. Laa amu ag bau daaglag amu, da ag oolagppan laala ag maadppi, danab ah huu laa dilagppa gona, ag binag amahlak oppiaawak ele dahilnu ag amelagppa mattiglag. Danab amu ag da onil okkainu nai laanu ii dooppig; ag binag amahlak oppiaawak ele dahil ele ii anidppig daatteb. Danab amu ag am Tarsis, Libia, Lidia, Tubal amu Grik danab, amu nud umanabnu danab ele. Lidia danab ag am lat ewaknu doyak okkai ele.

Aisaia 55:5

⌊O dahilad danab ah,⌋ da Yawe, da am ag Israel, ahilag Kayak; ge, da am ag Israel, ahilag Kayak Oppiaawak Ele. Amu diig amunu amu, ag geha danab ah huu ag ii doyadtteb ele onilagppa eppeg, ag gumadna uɗiglag. Ao, ag huu amu ii doyadtteb, huu amu ele ag ii doyadtteb, amge ag ag onilagppa eppeg, ag qaiqaɗ ahilagppa uɗiglag. Aɗinu? Da ag, dahilad danab ah, da ag ɠagattag onig okkai ele mattami.” Yawe Nug anam atte.

Sam 148:13

Amu oh ag Yawe binag meig. Aɗinu? Nug keeke oh eɗadtte; Nug onig okkai ele attannab daatte. Nuhig ɠagattag okkai naɗi ele am ɠagattag okkai naɗi ele wanppanu, habppanu ele eɗidtte.

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

1 King 8:41

Aria, wan laihnu danab ah ag ele na onin okkainu nai dooglag. Am genab, ag na onin okkainu nai, nahip ɠagattag okkainu nai, nahip kobol danab hekkunu elele iitta okkai okkainu nai ele dooglag. Ag anam dooglag, diig amunu wan laihnu danab, Israel danab iitta, ag oolagppanu aun laa nug wan umanabnu uɗia, mettid lag imu neekkittatta, nug na unuqitteb,

Namba 14:15

Na danab ah imu haen laippu oh aqappe mauhppeg amu, danab ah laihnu ag nahip hak okkainu dooppig ele ag akkulag.

Eksodas 15:14

Wanppan wan ohppa danab daatteb amu, ag keeke imunu nai doona, ag huan baɗan, ottaikkulag. Ao, Pilistia ag eheɗ nau baɗaglag.

Eksodas 9:16

amge da geha dahil ɠagattag okkai na ippunidkkulnu, danab ah wan atu ohppa da onil dooglagnu amu, da na king meitti, na okkai aakku daattem ⌊amunu, da ag aqai ii mauhppig⌋.

Aposel 8:7

Appan danab ah laa ag ouɗi nau ele daappig amu, ouɗi nau kuɗum ag huan enana, ag uuadna ukkaegeg, danab kuɗum eppelag, baelag ele mauhak, amu ebehilag kaliak ele ag eɗun ena daappig.

Namba 20:14

Amu dimppa amu, Moses nug nai awa ukkak danab Kades appanu maatte, ag Edom dilag king toppa gona appig. “Ig, Israel danab amu, ig na laipad. Ihinigppa uug oh beum amu, na amunu doottem.

Josua 9:10

Ig Yawe Nug Hesbonnu King Sihon, amu Basannu King Og, nug Astarot dayom amu, ig Nug ahilahppa aɗi heum amu, ig doomut. King aɗit amu aa Amo dilag king, aa Jodan lenu kaɗag uɗitteppanu daapiɗ.

Josua 9:16

Ag anam heppig, amge deɗ ewam uue, Israel danab ah ag Gibeon danab ah miag daatteb, ag anam heppig dooppig.

Josua 9:17

Israel ag amu doon, ag laippun bappaidna gona, ag deɗ ewamppa Gibeon dilag aab okkai laala, amu italkkulagnu amuppa teppig. Aab okkai amu onilkad amu, Gibeon, Kepira, Berot, amu Kiriat Jearim ele.

Duteronomi 20:11

Am danab amu ag, ag ahilag nainu elele doona, aabnu od matulppeg, amu danab ah oh ooppa daatteb, ag, ag aɗi atteb am henana, ag ag waalagppa daan, ahilkad maɗi nid maɗi ah ele daaglag.

Sam 78:12

Ag mamelkad aɗi ag anttegeg, Nug keeke danab haknu elele iitta kuɗum heum. Ao, uppa Isip wanppa, wan atu onig Soan talilittak, appa Nug keeke danab haknu elele iitta kuɗum heum.