Josua 9:17 - Nobonob Baibel

¹⁷ Israel ag amu doon, ag laippun bappaidna gona, ag deɗ ewamppa Gibeon dilag aab okkai laala, amu italkkulagnu amuppa teppig. Aab okkai amu onilkad amu, Gibeon, Kepira, Berot, amu Kiriat Jearim ele.

Josua 9:17 Referans Kwoze

Esra 2:25

Kiriat Jearim, Kepira, Berot elenu uɗippig, ahilag ebqak am 743.

Nehemaia 7:29

Kiriat Jearim, Kepira, Berot elenu uɗippig, ahilag ebqak am 743.

1 Stori 21:29

Yawenu mettid haknu peh lag, Moses atu taɗakppa heum, aria manaknu ofa haknu qaɗab ele amu, lag, qaɗab amu ele haen amuppa Gibeon appa, appan mettid haknu abenppa daapiɗ.

1 Samuel 7:1

Bet Simes danab ag nai amu meeg ukke, Kiriat Jearim danab ag uɗin, Yawenu Tituanak Nainu Kunup aon gona, Kiriat Jearim ted onig Abinadab, nug laugppa meppig. Abinadab nug Kiriat Jearim appa, qauko nakok igippa dayom. Amu ag Tituanak Nainu Kunup aon gona, nug laugppa meeg dayeye, ag Abinadab bekka Eleasar, nug Yawenu tituana mettak dayaya, ag nug nainu kunup atognokkunu otieg, nug Kayak noobppa uɗat amu hekkunu dayom.

Josua 18:14

Appanu amu, tom am laih yau uɗitteppanu ukka, qauko nakok amu heqo laih qaban uɗitteppanu, appa ukka, Kiriat Bal appa batom. Kiriat Bal, onig laa am Kiriat Jearim, amuam aab laa Israel dilag huu okkai Juda dilag. Amuam Israel dilag huu okkai Benyamin dilag qaban uɗitteppanu tom aakku.

Josua 15:60

Josua, nuhig ehanittak ele ag Kiriat Bal, onig laa am Kiriat Jearim, amu Raba ele Juda madappig. Aab amu oh ebqak am aɗit. Aab amu taliliattak aab naunau daappig amu, ag amu ele madappig.

Josua 15:9

Oolnu noak amu batakppa amu qauko laa appa ana, amunu tom am qauko amu igippa ta ukka noa, Neptoanu le nagppa wana, aab qauko Epron guguittak daappig, appanu waum. Appanu amu, eɗua ukka Bala, onig laa Kiriat Jearim appa waum.

Josua 10:2

Anam amu, aria Adoni Sedek nug, amu nuhikkud danab ah ele ag Gibeon danab ag Israel ele maɗoɗ daan, ag ehanadkkulagnu ele nug tituanna nai qagappig doona, ag huananab baɗappig. Ag baɗappig diig amu, Gibeon am aab okkainab; am aab laala king ele, am aab amubia. Laa amu, Gibeon am Ai eɗittak; am ele amu, Gibeon danab oh ag am daup danab ɠagattagnab.

Josua 9:3

Amge haen Gibeon danab ah ag Josua nug Jeriko, Ai ele dilahppa aɗi heum, ag amu doona,

Josua 9:9

Josua nug anam a, ag nai nob mena appig. “Ig, ig ahilkad maɗi nid amu, ig Yawe, ahilag Kayak, ig Nug onig okkainu doomut amunu, ig wan umanabnu uɗimut. Ig Yawe, ahilag Kayak, nuhig hak ɠagattag, Isip appa heum amu doomut amunu, ig uɗimut.

Josua 9:16

Ag anam heppig, amge deɗ ewam uue, Israel danab ah ag Gibeon danab ah miag daatteb, ag anam heppig dooppig.

Josua 9:18

Amge Israel ag aab amu ii loppaɗadppig. Ahilkad ikki danab ag Gibeon ele ban ii hemananu Yawe, Israel dilag Kayak, Nug onigppa ahilag nai anan qagappig amunu, ag ii heppig. Anam amu, Israel danab ah ag ahilkad ikki danab dilagnu naittuɗ okkai heppig, Aɗinu? Ag Gibeon danab ele maɗoɗ daaglagnu nug tituanna, nai qakkan, ag amu hekkulagnu ahilag nai ɠagattag qena appig.

Josua 18:15

Aria, yau uɗitteppanu tom am Kiriat Jearim aab gigin qaban uɗitteppanu digma ukka, Neptoa guguittak, le qeppuɗia betteppa waum.

Ikki Danab 18:12

Ag gona, Juda wan ooppa, Kiriat Jearimnu qaban uɗitteppanu, aben amuppa ag haen tutu dayaknu aab kalappig. Amu diig amunu aben amunu onig am Mahane Dan ataɗppig; gemu ⌊nai imu yaak haenppa⌋ ele, ag anam atteb.

1 Samuel 6:21

Ag anam anana amu, ag nai meeg, Israel dilag aab laa onig Kiriat Jearim, ag danab appa daappig ele, ag nai meeg, ahilagppa ukkom. Ag nai meeg ukke, ag appig. “Pilistia danab ag heeg, Yawenu Tituanak Nainu Kunup eɗua, ihinigppa uɗiom amunu, ag ahan uɗin, ag maon ahilagppa ukkeg!” aon appig.

2 Samuel 4:2

Amge Apner ii mauhom haenppa Saul bekka Isboset nug nuhikkud danab laala ag ukkaeg, kekeɗ ele ban henana, kekeɗ eɗadna, ahilkad keeke eɗun akkan uɗiglagnu tituanattom. Nug anam tituanatta, nug danab amu ag huu aɗit daaglagnu ele maatta, nug danab laa onig Bana, nug huu laanu ikki daakkunu tituana, nug danab laa onig Rekap huu laanu ikki daakkunu tituanom. Bana, Rekap ele aa Rimon bekoɗ. Rimon nug appag diig am Berot, amu nug Israel dilag huu okkai Benyaminnu danab. Aɗinu? Berot am Benyamin wanppa dayom.

1 Stori 2:50

Amuam Kalep buɗub aakku. Aria, Epratah nid ⌊danab⌋ tatamnu am Hur. Hur bekkod am Sobal, Salma, Harep ele. Sobal nug aab Kiriat Jearim kalom,

1 Stori 2:52

Sobal, aab Kiriat Jearim kalom amu, nug buɗub am Haroe danab, Manuhot danab oppatak laihib,

1 Stori 2:53

amu aab ikki laala Kiriat Jearim daappig ele. Aab ikki amu ag am Itra danab, Put danab, Sumat danab, Misra danab ele. Danab ah Sora daappig, Estaol daappig ele, ag aab ikki amunu danab ah aakku.

Jeremaia 26:20

Amu Semaia bekka Uraia, nug Kiriat Jearim ted, nug ele Yawe oɗeppanu nai awa, dimppa aɗi bekkunu nai mattiom amu, nug Jeremaia uug okkainab Jerusalem, amu Juda wan ohppa ele bekkunu aum bia, nug ele anamib aum.

1 Stori 12:4

Laa am Gibeon ted Ismaia. Ismaia nug ban danab ɠagattagnab okkai ele. Ban danab 30 oolagppan laa am nug. Nug amu dilag ikki danab laa dayom. Aria, laa am Jeremaia, Jahasiel, Johanan, am Gedera ted Josabat,