Josua 7:19 - Nobonob Baibel

¹⁹ Anam beum amu, Josua nug Aakan amegppa aum, “O bekkal, na Yawe, Israel dilag Kayak, na Nug binag amahlak oppiaawak ele mette! Na hipunin nahip miag mena, na da amelppa aɗi eheɗ heme amu, na amunu a! Aib da noolppa lokkumkkut heme,” awa aum.

Josua 7:19 Referans Kwoze

1 Samuel 6:5

Ag anam mattiona, ag tuɗidna appig. “Mamattin, amu tog ele ag wan imu heeg nauha auta aotte amunu, ag mamattin dottog, amu tog dottog ele hattona, ag Israel dilag Kayak mettaglag. Ag mettanna, amuppa ag Nug binag mekkulag. Ag anam binag meppeg amu, Nug heeb, ag, ahilkad kayak, amu wan ahilag ele, ag oh ena daaglagtai.

Jeremaia 13:16

Ag Yawe, ahilag Kayak, danab ah oh ag Nug binag amahlak oppiaawak ele mekkulagnu daatteb amu, ag Nug binag amu meig! Nug heeb, uug naunab bekkun daatte, amu haen imuppa, haen gamag imu, uug amu ii beum, haen imuppa ag anam heig! Ao, ag danab qaukoppa oiyaya, aam aam eeɗe, gatatu neene, na qette, ag amubia nena qemananu, ag uug amu ii beum haen gamag imuppa ag Kayak binag anam meig! Ag haen ena, amahlak bia, ag amu anidkkulagnu dabmetteb, amge Yawe Nug heeb, haen amu eɗua, haen nau, gatatu bia daamanu, ag uug amu ii beum haen gamag imuppa ag Nug binag meig!

Jon 9:24

Juda okkai ag ahilah nai doon, danab amu genab ameg gaɗuak dayom, gemu ena daatte oolagppa genab dooppig amunu, ag baula ameg gaɗuak ena dayom ele onigppa eeg uɗie, ag nug amegppa appig. “Na Kayakib binag amahlak oppiaawak ele me! Ig doottem, danab amuam hipunin danab,” aon appig.

Daniel 9:4

Da Yawe, Nug dahil Kayak, da Nug amegppa ig Israel, ig ihinig hipunin miagib mattien, da Nug inam unuqidmi. “O Naɗi, na Kayak ɠagattag ele. Ig danab ah ig nahipnu ebehinig oh bodoetta le mekkunu daattem. Na danab ah ag nahipnu oolag mauhtte, ag nahip ɗo ele dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

2 Stori 30:22

Lewi buɗub ag Yawenu maɗi ahilag hekkulagnu diignu doyak tutukku ele oinna heppig amunu, Hesekaia nug ag ɠagattag aqom. Lewi buɗub amu ag deɗ eblaih aɗit ele aɗi ee mana mettakppanu aoglagnu daappig amu, ag ee amu aon lappig. Amu ag ele laippu dayaknu ofa Kayak mettan, ag Yawe, ag mamelkad aɗi dilag Kayak, ag Nug binag meppig.

1 Samuel 14:43

Anam be amu, Saul nug Jonatan amegppa aum. “Na aɗi heme amu, na appe doyei!” awa aum. Nug anam a, Jonatan oɗeppa awa aum. “Da uppuh leppu nakokib dudqak hokkat dahil igippa ye, awen lami. Da amu hemi amunu, da gemu da amunu mauhkkulnu daattem amunu, da mauhkkul,” awa aum.

Prowerb 28:13

Aun nug hipunin nuhig tonatte, nug ena ii daama; amge aun nug hipunin nuhig miagib mattia dimadatte amu, Kayak Nug danab amunu oo gai-iitta doyaya, oo metta, ehanidtte.

Sam 32:5

Da anam hei ukke, deɗ laa da hipunin dahil mehuqe, amenppa oh miag ami. Da kobol nau dahil ii lokkummi. Da oh miagib mattien, na Yawe, na amenppa ai, na hipunin dahil uhuqna meɗae, da oolppa aab dayom am iitta meum. Sila.

Revelesen 16:9

Danab ag gakkaɗak huanaknab amu anam ewatta auta awe, ag Kayak Nug keeke nau danab uug okkai madatteb amu oh gumattom ele, ag nuhignu dabittak nai anana, ag oolag ii eɗuom, Kayak binag amahlak oppiaawak ele ii medappig.

Jems 1:20

Aɗinu? Danabnu oo nauhak am genab tutukku hak kobol, Kayak Nug ig amu dim lamidkkunignu oo hette amu, am kobol amu he ii bette.

Taitus 2:2

Na danab kaino ag doyak dabmak ena ele aon oina, ag danab laa ahilagnu ena elele dooglagnu daan, ag akka ag ahilag oiyak pehettak atognona, ag ooppa genab doyakppa, ag oo mauhak kobolppa, amu ag uug ohppa ɠagattag dayaknu kobolppa ele, ag ɠagattag daaglagnu appe doyeg!

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

Rom 10:10

Amunu diig am, danab nug nuhig oo unuqagppa ⌊Jesusnu⌋ ooppa genab dootte, amuppa ⌊Kayak he,⌋ nug genab tutukku hak danab daatte. Ge, danab nug oɗeppa nuhig ooppa genab doyaknu maditte, amu ooppa genab doyak amuppa Kayak Nug danab amu eɗua aotte.

Luk 17:18

Danab laa nug eɗua uɗia, Kayak binag mekkunu amu iittatai? Danab imu nug am wan laihnu danab, nug nukka iikkuibte?” awa aum.

Aisaia 13:12

Da heppi, geha danab ah kuɗum ag mauhkulag; am gol ena dubuttid iitta ele kuɗum wanppa ii daatte, amubia danab ah laippu laippu geha daaglag. Ao, da geha heppi, danab ah mauhkkulag; Opir appanu am gol enanag daatte, amge gol amubia wan laalappa ii daatte, Opir appa ele kuɗum ii daatte, amubia danab ah laib laibnab geha daaglag.

Sam 51:3

Aɗinu? Da hipunin hemi amu, da doottem. Yo, da hipunin hemi amu, da amu daul atikkunu elele iitta.

Josua 7:20

Josua anam a amu, Aakan nug nob ma aum. “Am genab, da Yawe, Israel dilag Kayak, da nuhigppa hipunin hemi. Da inam hemi.

2 King 20:15

Awa a amu, Aisaia nug oɗ mettom. “Ippa nahip lag enanagnabppa ag aɗi anidppig?” awa oɗ mettom. Nug anam oɗ mette amu, Hesekaia nug aum. “Dahil lag enanagnab, ippan keeke oh ag anidppig. Da keeke laippu laa, dahil en lakka daatte amu, da keeke anam laa ii lokkummi. Da dahil keeke oh ippunadmi,” awa aum.