Josua 6:19 - Nobonob Baibel

¹⁹ Keeke oh silwappa, golppa, bransppa, o aenppa hattak oh, amuam Yawenu tituanak daatteb, amu ag keeke amu oh akkan, mettid haknu peh lag, amuppan en maknu ooppa mekkulagoitte.” ⌊Josua nug matu danab ah amelagppa anam aum.⌋

Josua 6:19 Referans Kwoze

Matyu 27:6

Mana mettak danab okkai ag men doɗo amu aon appig. “Imu amu danab mauhkkunu daden maknu men doɗo. Ɗo daatte amunu, ig Kayaknu mettid lagnu ofa inaknu kunup-ppa ii memata,” aon appig.

1 Stori 26:20

Aria, Lewi buɗubppan mana mettak danab iitta, amu oolagppanu laa ag Kayak laugnu en maknu oo anen anen, amu oo anen anen keeke laala Kayaknu tituanna mettak daappig amu, ag amu gumappig.

Mak 12:41

Jesus nai amu mattiom dimppa amu Nug men doɗo mak aben guguittak dayaya, Nug danab ah kuɗum ag men doɗo kolekta kunup-ppa meegeg anattom. Laala, ag enulag kuɗum ele amu, ag kuɗum meppig.

Nehemaia 10:38

Ig keekenu obatak eblaih tanig ele ooppanu obatak laippu Lewi buɗubppan mana mettak danab iitta, ig amu ag madappupput, mana mettak danab laa, nug Aron buɗub amu, nug Lewi buɗubppan mana mettak danab iitta, nug ag ele daaglagoitte. Ig mattata malapput amu, Lewi buɗubppan mana mettak danab iitta, ag aoppignu obatak eblaih tanig ele ooppanu obatak laippu aon gona, ihinig Kayak laug, amuppa ee bakkalenu maknu oo laala, en keeke uppa maknu daatteb amu, ag aguppa mekkulag.

1 Stori 18:11

Nug keeke amu awa ukka, King Dawit mette, Dawit nug keeke amu oh Yawenu tituana mettom. Nug tatam Edom, Moap, Amon, Pilistia, Amalek ele ban haaha, wan amu ohppanu silwa, gol ele awa, Yawenu tituana mettom, anamib nug keeke Hadoram awa uɗiom ele Yawenu tituana mettom.

2 King 24:13

Nebukatnesar nug anam hewowa, nug Yawenu mettid lag ooppa noa, nug Israel dilag king Solomon lag amunu keeke golppa hattom amu, nug amu oh awa, aria en laa oh ele Yawenu mettid lagppanu awa, am kingnu lag enanagnabppan en ele awa, nug keeke amu oh akka, Babilon ukkom. Nug keeke oh akka ukkom amu, anukka Yawe Nug amunu nai mehuqom, amu Nebukatnesar nug anam haaha, nug anamib heum.

1 King 7:51

Amu Yawenu mettid lagnu uɗat, King Solomon heum ele, amu malak daye, Solomon nug mameg Dawit nug keeke Yawenu tituana mettom ele, nug keeke amu oh awa, Yawenu mettid lag, amuppa en maknu oo anen anen, nug amuppa meum. Keeke amuam silwa, gol, amu Yawenu mettid lagnu keeke laala ele.

2 Samuel 8:11

Nug keeke amu awa ukka, Dawit mette, Dawit nug keeke amu oh Yawenu tituana mettom. Nug tatam silwa, gol ele Edom, Moap, Amon, Pilistia, Amalek ele ban haaha awa, Yawenu tituana mettom, anamib nug keeke Hadoram awa uɗiom ele Yawenu tituana mettom. Aria, nug keeke Rehop bekka Hadateser, Soba dilag king, nug nuhig keeke ban ha awom amu, Dawit nug amu ele Yawenu tituana mettom.

Maika 4:13

Amunu Yawe Nug atte. “O Juda danab ah, ag ahan, danab nug ee aeg mumuɗtte, amubia ag kekeɗ ahilkad mumuɗatteg! Aɗinu? Ag amu hekkulagnu amu, da heppi, ag makau dawai qeqeɗi aenppa hak, baeg brasppa hak ele bia daan, ag wanppan wan kuɗum dilag daup eɗadna heppeg, mumuɗak haenppa wit keeke gumu heeg, huppu huppu nette, amubia ahilag kekeɗ ag nauhna autna aoglag.” Yawe Nug anam atte. Ag amu hewona amu, ag wan amu dilag danab ah dilag keeke, ag keeke amu ib pehettak iittappa aoppig ele amu, ag keeke amu aon, Yawe eppegppa mekkulag. Ao, wan amu dilag en amu, ag aon, Yawe, Nug am Naɗi, wan atu oh gumadtte ele, ag en amu aon, Nug mettaglag.

2 Stori 31:12

Ag anam babaitteg, danab ah ag keeke aon uɗiglagnu oo metta ii uuak kobol dim lamidna, ag keeke Yawenu daakkunu Nug hamu medappig, keeke obatak eblaih tanig ele ooppanu obatak laippu, amu keeke ag Yawenu tituanna medappig ele, ag keeke amu oh aon uɗin, Yawenu mettid lag, amuppa meppig. Anam mena, Lewi buɗubppan mana mettak danab iitta, ag oolagppanu laa onig Konania nug keeke amu gumeme, nug amag Simei nug waappa daya, ehanittom.

2 Stori 15:18

Asa nug mameg nug keeke laala oh Yawenu tituana mettom amu awa, am keeke laala oh nug nukka Yawenu tituana mettom, amu oh nug akka, Kayaknu mettid lag ooppa maattom. Keeke amuam silwa, gol, am tappiɗ keeke, iɗu iɗu oh ele.

1 Stori 28:12

Kayak Ouɗi Nug aɗi aɗi dabmak Dawit mettom amu, Dawit nug amunu dottog mettom. Dottog amuam Yawenu mettid lagnu haɗap, oo Nug laug heqo laih laih talilittak daatteb, en maknu oo anen anen, keeke danab ag Kayaknu tituanna medatteb, en amu maknu oo anen anen ele amu, keeke amu oh dottolkad dottog amuppa dayom.

1 Stori 26:28

Aria, propet Samuel, Kis bekka Saul, Ner bekka Apner, Seruia bekka Joap ele, ag ele keeke Kayaknu tituanna medappig amu, Selomit, nug ele tiilag laippu, ag keeke amu oh ele gumappig.

1 Stori 26:26

Selomit, laa nug ele tiilag laippu amu, ag en King Dawit, Israel danab ahilag baelkadppan okkai, ban daup 1,000 dilag ikkilkad, ban daup 100 dilag ikkilkad, amu daup dilag ikki laa ele ag Kayaknu tituanna medappig amu, ag en maknu oo anen anen amu oh gumappig.

1 King 14:26

Ag ban amu eɗidna, Jerusalem ooppa nona, Isip dilag king, Sisak, nug Yawenu mettid lagnu en oh awa, am kingnu lag enanagnab, appanu en oh ele awa, keeke ena amu oh akka, Solomon bannu guppiɗ hatta golppa tonattom, amu oh ele akka, keeke amu oh nug akka, Isip ukkom.

Jeremaia 38:11

King anam aum amunu, Ebetmelek nug danab laala diie gona, kingnu lag enanagnabppa oo laa, en maknu oo waappa dayom amu, ag amuppa wana, appan lamen alag laala, aria lamen nauhna autna aoppig laala ele aon, ag lamen amu oh aon gona, le moɗ Jeremaia dayom eleppa gona, lamen amu muɗippa paɗaeg noppig.

Namba 31:22

Keeke gol, silwa, brans, aen, tin, led, amu keeke laala eleppa hak aab aɗuppa meppeg, aab nug ii heeb nauhma amu, ag keeke amu aabppa meppeg, am oppiak bekku. Amge oppiak dayaknu gogppa tekkunu amu, ag aab aɗuppanu diin amu, ag le, amuam le heeb danab nug Kayak ele ouqa dayaknu elelenu le amu, ag le amu aon, keeke le amuppa tauɗ aqadppeg, oppia dayaknu am gogppa tekku. Amu keeke ag aab aɗuppa meppeg nauhkkulag ele amu, ag keeke amu le amuppa heppeg, oppiak daaglag; ag aib aab ewakppa meppig.

Lewitikas 19:24

Am maɗ waɗeleppa amu, ad meu amu oh Yawenu tituanak daakku. Am danab nug Yawe keeke enanag ha mette, gamag ahak doya, doɗ mana Yawe medatte, am amubia daakku.

Namba 31:11

Amu ag Midian dilag keeke oh, aria ah, nid naunau, nid, nid ahin ele, ag ag aɗalatteg, ag eppelagppa daappig, amu doɗ ele oh ag akkan, Moses, mana mettak danab Eleasar, amu Israel danab ah oh ele dilagppa goppig. Israel danab ah ag am Moap wan uɗemppa, Jodan le ihippa, laih, Jerikonu ukkakppa, appa haen tutu dayak aab kalan daappig.

Josua 7:11

Israel ag hipunin heppig; ag dahil nug tituana nai qakkak nai, da ag amu dim lamidkkulagnabnu ami amu, ag nai amu tippalppig. Ag keeke dahilnuib pelemppa daappig, ag keeke amu yab agappig. Ag yab aakkuib ii heppig. Iitta. Ag heppignu ele hambuppuak nai mattinna, keeke amu, ahilkad keeke ooppa lokkumadppig.

1 Stori 26:27

Amu Israel ag kekeɗ ele ban hena eɗadna, ag keeke ena ena aoppig, keeke amu laih ag aon gona, Yawenu mettid lag, lag amu bappaidkkulagnu, ag keeke amu Yawenu tituanna medappig, ⌊amu Selomit, nug ele tiilag laippu amu, ag keeke amu gumappig⌋.