Josua 6:17 - Nobonob Baibel

¹⁷ ⌊Am tatam nug ag amelagppa inam aum.⌋ “Aab okkai ooppa amu, danab ah, keeke ele oh am Yawenuib nuhig pelemppa daatteb. Ib baag ah Rahap, nug ihinkad lokkumakppa atu italak danab diia atognoatom amunu, nug, nug laugppan laala ele ag aakkuib anam ii daamana.

Josua 6:17 Referans Kwoze

Duteronomi 20:17

Am ag Hit danab, Amo, Kanan, Peres, Hiwi, Jebus danab ele, Yawe ahilag Kayak, Nug ag haknunab anak ag amelagppa aum bia, ag heppeg, danab amu ag Yawenuib nuhig pelemppa daaglagoitte.

Jems 2:25

Amubianab amu ib imuag ah onig Rahap, nug danab Josua he gopiɗ ele amu, nug aa diiata, laugppa atognoata, aab amuppan danab anatmananu ib laih maate goya, aben laappa dayoya, eɗuya, aa abenlahppa gopiɗ, diig amunu Kayak Nug Rahapnu, “Genab tutukku hak ah,” awa aum.

Maika 4:13

Amunu Yawe Nug atte. “O Juda danab ah, ag ahan, danab nug ee aeg mumuɗtte, amubia ag kekeɗ ahilkad mumuɗatteg! Aɗinu? Ag amu hekkulagnu amu, da heppi, ag makau dawai qeqeɗi aenppa hak, baeg brasppa hak ele bia daan, ag wanppan wan kuɗum dilag daup eɗadna heppeg, mumuɗak haenppa wit keeke gumu heeg, huppu huppu nette, amubia ahilag kekeɗ ag nauhna autna aoglag.” Yawe Nug anam atte. Ag amu hewona amu, ag wan amu dilag danab ah dilag keeke, ag keeke amu ib pehettak iittappa aoppig ele amu, ag keeke amu aon, Yawe eppegppa mekkulag. Ao, wan amu dilag en amu, ag aon, Yawe, Nug am Naɗi, wan atu oh gumadtte ele, ag en amu aon, Nug mettaglag.

Hibru 11:31

Rahap, nug am ib baag ah, nug Kayak aɗi hekkunu aum doya amu, nug Kayaknu ooppa genab doyom amunu, nug lokkumakppa atu italak danab aɗit laa, aab italaknu uɗipiɗ ele, nug aa ele laippu dayaknu ooppa eleleib doya ehanatom amunu, nug padal mak eheɗ hak danab ag aoppig ele amu, nug amuppa padal ii meum.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Galesia 3:12

Ɗo dim lamitta genab tutukku baknu kobol diig am oonigppa genab doyak iitta. Iitta. Kayak naippa kobol amu diignu nai inam daatte. “Danab nug dahil ɗo anam dim lamidkku dayeb, amuppa nug bauklel daakku.” Amuppa ig ɗo nug am uɗatnu keeke anidttem.

Galesia 3:10

Amge danab ag genab tutukku hak danab bekkulagnu amu, ag, “Ig ɗo dim lamidta genab tutukku hak danab bekkunig,” dabmenan atteb ele, danab amu ag eheɗ laa awaknu anak waappa daatteb. Aɗinu? Kayak naippa nai amunu inam daatte. “Danab oh ag nai huppu oh ɗo yaak bukppa daatte tutukkunab ii dim lamidna, oh elele ii hena amu, ag eheɗ laa awaknu anak waappa daatteb.”

1 Korint 2:7

Amu nai ig mehuqttem ele, nai amuam Kayaknu doyak dabmak ena ele, nuhig dabmakppa daye, danab dilag neekkakppa miag atiak ii daya, lokkumak dayom ⌊uɗie, gemu batak⌋. Amu Kayak Nug wan ii beum haenppa, Nug nuhig doyak dabmak ena ele amuppa ig binag amahlak oppiaawak ele aognignu maittak awom daatte.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Genesis 12:3

Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

1 Korint 16:22

Am danab laa nug Naɗinu oo ii mauhtte dayeb, nug eheɗ laa awaknu anak waappa dayaɗ! Naɗi, na uɗie!

Esekiel 39:17

Amu Yawe Nug anam awowa, Nug tuɗitta aum. “Danab bekka, da Naɗi Yawe, da inam attem. Na ai oh, amu doɗ dakkuɗ oh ele ag danab daaloblob bia, na ag onilagppa eppe uɗippeg, na ag amelagppa inam appe doyeg! ‘Ag ai oh, ag doɗ dakkuɗ oh ele ag uɗin, hobul naɗi, danab nug doɗ huanak aqa manatta, Kayak medatte bia, da hobul amubia ahilagnu Israel qaukoppa bappaidkkulnu hettemde; ag aguppa dayeg! Ag appa teppu, tiig ele lakkulag.

Jeremaia 46:10

Ag amu hekkulag, amge aun laa ag eɗadkkulag amu, keeke amuam Kayak, Nug Yawe Nukka Ɠagattag Oh Ele, amuam Nug eppegppa daatte. Deɗ amuam Yawe nob tutukku eɗua mettaknu deɗ. Ao, nuhikkud kekeɗ dilagppa Nug nob tutukku eɗua madakku. Danab nug ee, o le elelenab lana male, oo dittiom, amubia danab mauhadppeppeg, elele metteb, ban iitta mekku. Aɗinu? Danab nug doɗ kuɗum aqe mauheg, tiilag gokkaɗe, mana Yawe medatte, amubia Kayak, Nug Yawe Nukka Ɠagattag Oh Ele Nug heeb, yawalti uɗitteppanu, Yupretis le guguittak appa danab kuɗumnab mauhkkulag.

Aisaia 34:6

Tiig am Yawenu qep elab aeg am laidkku. Ao, ittag Nug qep aeg laidkku. Sipsip nag tiilag, meeme tiilag ele qep elab aeg nuhig laidkku. Ao, sipsip dawai aɗita doɗonu ittag am qep aeg laidkku. Nuhig qep elab aeg anam daakkunu diig am, Yawe Nug mana mettak okkai Edom wanppa aab onig Bosra appa daakkunu dabma, bekkunu mattia malom. Ao, Edom wanppa am mauhak huanaknab daakku.

Esra 10:8

Ag nai amu meeg ukke, nai amuppa ag nai inam ele yaappig. Aun laa nug haen amuppa digmeeb ukkeb ukkeb, deɗ ewam uueb, haen gamag amuppa nug ii uɗikku dayeb amu, Israel dilag ehanittak anuqak danab, ahilag ikki danab ele dabmena appig bia amu, nuhig lag, nuhig wan, nuhig keeke laa oh ele baula nug eppegppa ii daama. Iitta! Danab laa aoglag. Nuhig keeke nug eppegppa ii daama, amge keeke laa ele amu, ag heppeg, nug Israel danab ah ag diia ukka laih me dayak danab ah daan, eɗun uɗippig ele amu, nug ag oolagppa baula ii daama.

1 Samuel 15:6

Amu Ken buɗub ag Amalek guguittak daappig amunu, Saul nug ag dooglagnu nai imu ahilagppa me ukkom. “Israel danab ag Isip uun uɗiegeg amu, ag Ken danab, ag alalkad aɗi ag Israel, ahilagnu oo mauhaknab dooppig amunu, da dahilad daup ele ig Amalek aqadtata, ig ag ele aqadmata, ag ahan, laih ukkeg!” awa aum. Saul nug nai anam me ukke, Ken buɗub ag nai amu doon, ag ahan, laih goppig.

Josua 7:1

Amge Israel ag keeke Yawenuib nuhig pelemppa daappig, ag keeke amunu Kayak ippunattomnu oo metta ii uuak kobol ii dim lamitteg, laa nug keeke amunu laala awom. Danab onig Aakan nug keeke amu laa yab awom amunu, Kayak nug Israel dilagnu oo huana nauhom. Aakan nug Karmi bekka. Karmi nug Simri bekka. Simri nug Sera bekka. Aakan nug Israel dilag huu okkai Juda, amuppanu.

Josua 2:22

Danab aɗit aa goya, qauko nakokppa deɗ ewam daapiɗ. Kingnu danab ag ib mattan gonan neegppig, amge ii anatppig amunu, deɗ ewam uue, ag eɗun, aab okkaippa uɗippig.

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

Lewitikas 27:21

Haen maɗoɗnu gamag ahak dayaknu maɗ tituanak daatte, maɗ amu dob amu, wan amu eɗua mameg toppa ii wama. Iittanab, amuam Kayaknu tituanak daakku. Amuam wan laa Yawenuib nuhig pelemppa daatte, am amubia daakku. Amuam mana mettak danab dilag.