Josua 5:9 - Nobonob Baibel

⁹ Haen ag beɗulkad pahaette amu, Yawe Nug Josua amegppa aum. “Gemu da hei, Isip danab ah dilag uug ag qaɗelagppa dayom amu, uug amuam iitta meum,” awa aum. Nug anam aum amunu, aben am onig Gilgal ataɗppig. Ag anam ataɗeg, onig amu gemu ⌊nai imu yaak haenppa⌋ ele daatte.

Josua 5:9 Referans Kwoze

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.

Josua 4:19

Kalam digmaknu deɗ eblaih tanig eleppa, Israel danab ah ag aben Jodan le daugppa daappigppa amu uun, ahan gonana, aben laa onig Gilgal, appa ag haen tutu dayaknu aab kalan daappig. Aben onig Gilgal am wan laa, aab okkai Jerikonu tomnu kaɗag uɗitteppanu daatte, am wan amuppa, tom guguittak daatte.

Genesis 34:14

Ag appig. “Ig appinanig danab gaɗa ii otaɗak mettagnignu elele iitta. Ig anam ii hemata. Aɗinu? Ig anam hekkunig amu, ig Kayak noobppa ena ii daamta.

Lewitikas 24:14

“Laa nug dahilnu dabittak nai aum amu, ag nug aon, haen tutu dayaknu aab kalak dimittim gona appeg, aun aɗi ag nug nai aawo dooppig ele amu, ag eppelag igippa meppeg, tamaniak oh ag nug menppa oppeg mauhaɗ!

Esekiel 23:8

Nug Isip appa ah makkun dayaya, nug digma ib baag ah dayaya he, danab digdig ele niippig. Haen amuppa nug Isip appa kobol amu digmeum amu, nug kobol amu ii uuom. Iitta. Nug haahaib dayom. Nug Isip appa ah makkun daya, anam heehe, danab ag ahilag kobol nug beɗuppa henana, ag nug ele niiglagnu oo hak nau doyegeg, ag amu dim lamidna, nug ele aakku niippig.

Esekiel 23:3

Ah aɗit amu aa Isip wanppa aa ah makkun appa daayya, aa ib baag ah beya, kobol amu tuɗidya heeheh ukke, ah okkai meya, anamib hepiɗ. Aa heeh, danab ag ahilag kobolppa heegeg, ib baag ah daapiɗ.

Jeremaia 9:25

Amu Yawe Nug atte. “Isip danab, Juda danab, Edom danab, Amon danab, Moap danab, amu laa ag atu taɗak uma daatte, ag appa daatteb, ag oh gaɗa otaɗak dim lamidtteb. Ag kobol amu ag beɗulagppa hetteb, amge ag gaɗalagppaib anam da dim lamiɗtteb. Ag oolagppa ele da ii dim lamiɗtteb. Israel danab ah oh ele anamib; ag da oolagppanab ele ii dim lamiɗtteb. Anam amunu qinob, haen adekkuppa, da danab ah oh ag gaɗalagppaib da dim lamiɗtteb, ag da oolagppanab ele da ii dim lamiɗtteb amu, da ag bu madakkul.” Yawe Nug anam awa atte.

Sam 119:39

Nahip ɗo am ena amunu, na da ehaniɗppe, uɗa nak nau guittak ele, da amunu dookkulnu uug okkainab doottem amu, uug amu dahilppa ii uɗimanu oɗ medattem.

1 Samuel 17:36

Da, nahip maɗi nid, da laion am bea ele aqati mauhpiɗ, amubia Pilistia danab umu, nug iitta aɗi laa amu, da qeppi mauhkku. Aɗinu? Nug nuhig ewakppa, nug Kayak Bauklel elenu ban danab dilagnu guhig ahaknu nai eum.

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.

Josua 24:14

Amu Josua nug nai amu mattiowa, nug tuɗitta aum. “Gemu amu, ag Yawenu ebehilag oh bodoetta le meeb, ag Nug waappa daan, Nug oɗe dim lamidkkulagnu oo metta ii uuak kobol tutukkuppa heig! Ag mamelkad aɗi Yupretis le laih appa, Isip wanppa ele kayak hambuppuak noolagppa dup nona binalag meppig ele amu, ag kayak hambuppuak amu oh agappeg goppeg, ag Yawe, Nugib waappa daan, Nug oɗe dim lamitteg!

Josua 5:8

Amu haen danab amu ag gaɗalkad tuqak daye amu, danab oh haen tutu dayaknu aab kalak amuppaib daaegeg, beɗulkad pahaettom.

1 Samuel 7:16

Samuel nug aab onig Rama, appa dayom, amge maɗ oh nug Ramanu aha, Betel ukka, nakok dayowa aha, Gilgal ukka, nakok dayowa aha, Mispa ukka, nakok dayowa, appanu aha eɗua Rama gottom. Nug ukka, aab amu ohppa daya oiyaya, nug Israel dilag nai babaittom.

2 Samuel 19:15

Juda ag nai amu meeg ukke, King Dawit doya, nug aha ukka, nug Jodan leppa teum. Nug appa te, Juda danab ag matu Dawit omalppeg, Jodan le mataɗkkunu uɗin, Gilgal daappig.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Sepanaia 2:8

Yawe Nug inam atte. “Da Moap ag dahilad danab ah dilagnu awa awa qettak nai naunab madippig amu, da ahilag nai amu da doomi. Ge, Amon danab ag dahilad danab ah dilagnu hippeg qakkak nai madippig amu, da ahilag nai amu da doomi. Amu oh ag dahilad danab ah dilagnu awa awa qettak nai naunab madippig, amu da nai amu doomi. Ele amu, da ag oh ag dahilad danab ah eɗadna, ag ahilag wan aoglagnu madippig amu, da amu ele doomi,” awa atte.

Hosea 4:15

Ag Israel, danab ah ag ewau pakkuna gappai hetteb, amubia ag da uuiɗna, kayak hambuppuak laala dilagppa dup nona binalag metteb, amge Juda danab ah, ag anam aib heppig. O Juda danab ah, ag kayak hambuppuak noolagppa dup nona binalag mekkulagnu Gilgal aib goppig. Ao, ag amu hekkulagnu Bet Awen aib goppig. Ge, ag kayak hambuppuak noolagppa dup nona binalag menana, ag ahilag nai ɠagattag qettan, ‘Yawe genab bau daatte, genab amubia da inam inam hekkul,’ aib anan heppig.

Amos 5:5

Amge ag amu hekkulagnu ag Betel appa aib mattiɗna goppig. Ag Gilgal ele aib goppig. Berseba ele aib goppig. Aɗinu? Kekeɗ ag genab uɗin, danab ah Gilgal appanu diin goppeg, Gilgal danab ah ag wan laappa diia ukka laih me dayak danab ah daaglag. Ao, kekeɗ ag ele Betel loppaɗna heppeg, nauha autanab awa daakku.” Yawe anam atte.