Josua 24:33 - Nobonob Baibel

³³ Amu dimppa amu Aron bekka Eleasar nug mauhe, ag nug Gibea appa boumppig. Aben amuam Epraim wanppa, qauko qauko daattebppa dayom. Ag nug bekka Pinias wan amu matu mettaeg, ag Eleasar appa boumppig.

Josua 24:33 Referans Kwoze

Josua 22:13

Ag anam heppig, amge ag ii goppig daanna, ag Eleasar bekka Pinias, nug mana mettak danab amu, ag nug, aria Israel dilag ikki danab ebqak eblaih laih ele, ag nug ele Gileat wanppa gona, ag Ruben danab, Gad danab, amu Israel dilag huu okkai Manase mahaib danab ele, ag ag ele nai mattiglagnu maatte goppig. Danab okkai eblaih laih ele amu, ag am Israel dilag huu okkai eblaih laih ele anen anen dilag ikki danab. Ag Israel ooppan baelkadppan anen anen dilag ikki danab aakku.

Eksodas 6:25

Eleasar, nug Aron bekka, nug Putiel aɗeg awe, nug Pinias menuom. Danab amu oh ag amu Israel dilag huu okkai Lewi ooppan aab ikki amu, ag ikkilkad danab aakku.

Hibru 7:24

Amge Jesus Nug am hanhan bauklel daatte amunu, Nug mana mettak danab hanhan daakku. Baoliak laa iitta. Mana mettak dayak amuam danab laa eppegppa iinab wama

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Sekaraia 1:5

Amu Yawe Nukka Ɠagattag Oh Ele Nug atte. “Ag haen amuppa anam heppig, amge gemu amu, ag mamelkad aɗi, amu propet amu oh ele ag mauhna malappig, gemu laippu laa ii daatte,

Sam 49:10

Amuam genab. Aɗinu? Ig oh anidttem. Danab Kayaknu ii dabmena ii dim lamidtteb, kaaka danab ele, ag oh mauhtteb, amge ig ele anidttem, danab ah doyak dabmak ena ele, ag ele mauhtteb. Ag oh mauhna, ahilag en uun ukkaeg, laa ag en amu aotteb.

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

Ikki Danab 20:28

Eleasar bekka Pinias, Aron alag, nug appa, Tituanak Nainu Kunup guguittak, Yawe noobppa mana mettak danab dayom. Amu Israel ag Yawe oɗ medappig. “Ig lainkad Benyamin ele baula ban hekkunigte, o iitta, ig uugnigtai,” aon od mettan appig. Ag anam oɗ meeg, Yawe aum. “Ag goppeg, ag ele ban heig! Butti amu, da ag eppelagppa maadkkul,” awa aum.

Josua 14:1

Nan bekka Josua, mana mettak danab Eleasar, amu Israel dilag huu okkai anen anen dilag aab igippan ikkilkad danab ag wan laala Kanan appa daappig amu panin, Israel danab ah madappig am iikku. Wan amuam ag aulag daakkunu dayom.

Namba 3:32

Lewi buɗub dilag okkai, ahilag anuqak am Aron bekka Eleasar. Aron nug mana mettak danab dayom. Eleasar nug danab ag Yawenu mettid haknu peh lag, amu amunu keeke ohnu ele dabmedattappig, nug ag anattatta italadttom.

Eksodas 6:23

Aron, nug wau am Eliseba. Nug am Aminadap aɗeg, Nason appinag. Eliseba nug Nadap, Abihu, Eleasar, Itamar ele menuattom; ag am Aron, Eliseba ele bekkalti aakku.

Ikki Danab 17:8

nug aab amuppanu aha, Epraim wanppa, qauko qauko daattebppan uɗiom. Nug aben ena laa antta, amuppa daakkunu mattia oiyom. Nug wan amu obata ugakka, nug ukka, Maika laugppa teum.

1 Samuel 1:1

Aria, anukkanab, danab laa, onig Elkana, nug dayom. Elkana nug am Israel dilag huu okkai onig Epraim, nug amunu ted, amu nuhig aab ikki am Sup. Amu Elkana nug Epraim wanppa, qauko qauko daattebppa, nug aben amuppa aab laa onig Rama, appa dayom. Elkana mameg am Jeroham. Jeroham mameg am Elihu. Elihu mameg am Tohu. Aria, Tohu mameg am Sup.

1 Samuel 9:4

Kis nug Saul amegppa anam aum amunu, Saul a, nug maɗi nid laa ele aa ahaya, Epraim wanppa, qauko qauko daattebppa donki mattioya, aa goya distrik laa onig Salisa, appa ele madipiɗ, amge aa ii anidpiɗ. Aa appa ele ii anidya goya, aa distrik laa onig Salim madipiɗ, amge donki ag appa ele ii daappig amunu, aa Benyamin wan laa ohppa ele madipiɗ, amge ii anidpiɗ.

2 Samuel 20:21

Da na amebia hekkulnu ii hettem, amge danab laa, nug Bikri bekka Seba, nug Epraim wanppa, qauko qauko daattebppan danab amu, nug heeb, King Dawit na qeeb, nug aben nuhig awa, king daakkunu hette. Danab amu uɗiom, ippa ina daatte amunu, na nug ig megappe, da heppi, ig ag uuadta gokkunig,” awa aum. Joap nug anam a, ah amu nug aum. “Ig danab amunu ikki buɗipput, aɗ dimittim uɗikku,” awa aum.

1 King 4:8

Gawana amu ag onilag am: Benhur, nug am Epraim wanppa, qauko qauko daatteb, nug wan amu gumom.

2 King 5:22

Naman oɗ mette amu, Gehasi nug Naman amegppa aum. “Da maɗoɗ ele uɗimi, amge danab okkai dahil nug da na amenppa akkulnu he uɗimi. ‘Gemu propet huuppan danab aɗit laa aa da laulppa uɗipiɗ. Aa amu propet ameg laa, Epraim wanppa, qauko qauko daattebppa, aa appanu uɗipiɗ. Uɗipiɗ amunu, na aa 34 kilogram silwa, am lamen aɗit ele matakkutnu oɗ medattem,’ awa atte,” awa aum.

Ikki Danab 18:13

Appanu ag ahan, Epraim wanppa qauko qauko daattebppa tena, ag Maika laugppa wappig.

Esra 7:5

Buki mameg am Abisua. Abrisua mameg am Pinias. Pinias mameg am Eleasar. Eleasar mameg am Aron. Aron nug mana mettak ikki danab dayom.