Josua 24:1 - Nobonob Baibel

¹ Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.

Josua 24:1 Referans Kwoze

Josua 23:2

Nug kainonab ma, nug Israel dilag ikki danab, danab okkai, epeɗiak danab, amu Israel dilag ehanittak anuqak danab ele onilagppa e ukkaeg, qagmaatta, nug ag amelagppa aum. “Da gemu kainonab mein, ⌊haen elab iitta da ag uuadkkul amunu, da nai imu madikkulnu hettem⌋.

1 Samuel 10:19

Amge gemu ag Kayak ahilag, Nug aɗi uug nau, aɗi keeke ninig ele ahilagppa bette amu, Nug amuppa ehanatte, ag ena daatteb, ag Nug dimettan, Nug amegppa, ‘Na king laa mekke!’ aon atteb. Ag anam atteb amunu, Kayak Nug ahilag king am aun ippunadkkunu ag oh Israel dilag huu okkai 12 anen anenppa, amu huu amu anen anen oolagppa aab ikki anen anenppa ele, ag uɗin, Yawe gumidna wana dayeg!” awa aum.

Aposel 10:33

Nug anam a amu da paha hei, danab laala na omaidkkulagnu ukkaeg, am na ena hena uɗime. Aria, ig oh Kayak noobppa inam daatta amu, Naɗi nuhig nai oh Nug na appe doognignu a doome ele amu, na appe doognignu daattem.” Kornilius nug Pita amegppa anam aum.

1 King 12:1

Danab ah Israel oh ag gona Sekem appa ag Rehoboam aon, ahilag king mekkulagnu goppig amunu, Rehoboam nug ele appa ukkom.

Genesis 12:6

Gona tewona, Abram nug ukka ukka, Sekem aabppa noum. Aab Sekem guguittak, appa, Morenu ad ok dayom amu, nug appa batom. Haen amuppa Kanan danab ag ele wan amuppa daappig.

Genesis 35:4

Jakop anam a amu, ag laa dilag kayak hambuppuak ahilag, am daulagppanu bid ⌊ahilag ehanittak hambuppuak laa aakku⌋, ag amu ele oh Jakop mettaeg, nug keeke amu oh awa, ad ok, Sekem dayom, nug amu diigppa boumom.

Duteronomi 29:9

Amunu ag nug tituana nai qakkak daatte amu aɗan, dim lamitteg! Ag anam hena amu, ag keeke ohppa ag eleleib hekkulag.

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Ikki Danab 20:26

Anam heeg, Israel oh ag eɗun, Betel tena, ag Yawe noobppa gaanna, ag ee ohnu kud mena daaeg ukke, uudoum. Ag manaknu ofa Yawe mettana, amu ag laippu dayaknu ofa ele Nug mettana,

2 King 23:1

Aria, King Josaia nug Juda dilag ikki danab oh, laa Jerusalemnu, laa Juda wanppa laih laihnu amu, nug ag onilagppa e uɗin qagmeppig.