Josua 23:13 - Nobonob Baibel

¹³ ag imu tutukkunab doyeg! Yawe, ahilag Kayak, Nug baula heeb, ag Israel, ag Kanan danab ii lamadmana. Iitta. Ag anamib daanna, eheɗ hekkulagnu eeɗadnana, ag am uhui, o pelem bia, ag Israel, ag amuppa tekkulagnu daaglag. Ag heppeg, ag Israel, ag am danab nug qaietta ugakka, qettippa guittak dootte, ag amubia doonna daaglag. Ag qaun laa amegppa ya daatte, ag ahilagppa anam bia daaglag. Wan imuam enanag, Yawe, ahilag Kayak, Nug ag madatte, amge ag Kanan danab ele laippu daaglag dayeb amu, Yawe Nug heeb, ag Israel ag ippa ii daamna. Ag wan imuppanu iitta mekkulag.

Josua 23:13 Referans Kwoze

Duteronomi 7:16

Yawe, ahilag Kayak, Nug danab ah huu laalappanu diia, ag eppelagppa mekku amu, ag hadappeg nauheg! Ag aib ahilagnu oolag gai-iitta doon, oolag mattan, ehanadppeg, ag oolagppa daappig. Ag ahilkad kayak ele noolagppa dup nona binalag aib meppig. Aɗinu? Ag amu hekkulag dayeb amu, ag doɗ pelemppa teum daatte bia daaglag.

Namba 33:55

Amge ag danab wan amuppa daatteb ele ii lamadppeg amu, danab amu ag geha qaun amelag yaatte, ag amubia ag oolagppa daaglag. Ao, ag geha danab nug qaun qetti yaatte, amubia ag oolagppa daaglag. Ag geha wan ag daaglag ele, amuppa daanna, uug mattaglag.

Eksodas 23:33

Ag hipunin dahilppa hemananu, ag danab gemu appa daatteb, ag ag uuadppeg, ahilag wanppa aib daappig. Aɗinu? Ag uuadppeg daaglag dayeb amu, geha ag ag eeɗadppeg, oolag eɗueb, ag kayak hambuppuak ahilag amu noolagppa dup nona binalag menana, hipunin hekkulag. Binalag meppeg amu, kayak hambuppuak amu ag heppeg, ag pelem nauppa tekkulag.” Yawe Nug ɗo amu oh Moses amegppa aum.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Sam 69:22

O Kayak, na heppe, kekeɗ dahil ag hobul henana, ag doɗ pelemppa tena qakkak daatteb, amubia hobul ahilagppa ag anam daaglagnu oɗ medattem. Ao, ag nena qena, nob nau aoglagnu unuqidttem.

2 Timoti 2:26

Anukka Satan danab amu ag nug dim lamidkkulagnu nuhig aɗppa maattom, amge Kayak Nug heeb, ag oolag eɗueb, ag nai genab doona, ag kobol ena ele doona amu, ag baula nuhig aɗppa ii daamna.

2 King 25:26

Ag amu heeg dimppa amu, ban daup ikki ag, danab ah oh ele, laa ag am danab okkai, laa ag danab okkai iitta, ag oh geha Babilon ahilagnu aɗi hekkulag dabmena baɗappig amunu, ag ahan, Juda wan uun, Isip goppig.

Duteronomi 30:18

da genabnab genab ag amelagppa attem; Kayak Nug heeb, ag padal mekkulag. Yo, ag haen elab wan amuppa, ag geha Jodan le mataɗna gona, wan amu aoglagnu daatteb amu, ag haen elab wan amuppa iinab daamna.

Duteronomi 29:28

Yawe Nug oo nauhak huanaknab doya, oppoɗi ele be, Nug danab ah nuhikkud, ahilag wanppanu lamatte gona, wan laa dilagppa daappig; gemu ele ag amuppaib daatteb,” aon akkulag.

Duteronomi 4:26

amunu, gemu da hab, wan ele aa dopeɗ, da nai imu Israel, ag amelagppa madippi, aa dooyya, dimppa aa da genab ag Israel danab ah, da ag amelagppa ami akkulahnu elele daaglah. Ag Israel, ag Jodan mataɗna wana, wan aon daaglagnu daatte, amuppa daaglagnu hetteb, amge diig amunuib ag haen elab appa, wan amuppa ii daamna. Iitta! Aɗinu? ⌊Ag digmen, kayak hambuppuak dim lamidkkulag dayeb,⌋ Yawe Nug genab heeb, ag padal mena autna aoglag.

2 King 25:21

Ripla am Hamat wanppa dayom. Nebusaradan nug danab amu diia, Ripla ukke, King Nebukatnesar nug he, aqaeg mauhppig. Anam amu, Juda danab ah ag ahilag wan uun gona, Babilon appa diia ukka laih me dayak danab ah daappig.

1 King 11:4

Solomon nug kaino meeme, ah amu ag heeg, nuhig dabmak amu eɗue, nug kayak hambuppuak gumatta ukkom. Nug mameg Dawit, nug Yawe meu ohppa dim lamittom amu, nug kobol amubia ii heum. Iitta.

Eksodas 10:7

Ukke amu, Paronu ehanittak anuqak danab ag Paro amegppa inam appig. “Danab imu nug nuhig uhui me, ig amuppa nota daattem; amu haen gane laa ele ukkeb, ig amubia ii daamta. Na danab imu paɗadppe gona, Yawe, ahilag Kayak, ag Nug noobppa dup nona binag meig! Na Isip nauhom daatte, na gemu ele amu iite anidttem?” aon appig.

Eksodas 34:12

Amge ag tutukku dabmeig! Ag danab ah wan ag gemu gona aoglagnu hetteb, ag aguppa daatteb amu, ag Israel, ag danab ah amu ele aib nug tituanppig! Ag anam heppeg amu, danab ah amu ag oolagppa daan, ag ahilag kobol nau hekkulagnu ag eeɗadppeg, ag nena qena, nauhna autna aoglag.

Eksodas 34:16

Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.

Esekiel 28:24

Da keeke amu oh heppi, danab nau, Israel eheɗ hattaglagnu oolag huan daatte, ag Israel taliliadna ii daamna. Danab amu ag uud keeke qaun ele, danab guittak medatteb amu, ag amubia Israel dilagppa hekkulagnu ii daamna. Da heppi, anam beeb, Israel danab ah ag dooglag, da am Naɗi Yawe,’ ” awa atte.

Ikki Danab 2:21

diig amunu da Kanan wanppa, Kanan danab ag ahilag wanppa daaegeg, ag Israel ag Josua bau dayeye, ii lamadppig ele amu, gemu ⌊ag Israel ag oolag ii eɗun oitteb ele, haen oh ag anam hekkulag amu,⌋ da heppi, ag kekeɗ amu ii lamadmana,” awa aum.

2 King 17:18

Aakku Yawe Nug Israel dilagnu oo huan nauhe, Nug he, ag Nug noobppa ii daappig. Israel dilag huu okkai Juda, agib am ahilag wanppa daappig.

2 King 17:20

Anam amunu aakku, Yawe Nug Israel buɗub oh geɗattom. Nug eheɗ matta he, kekeɗ ag uɗin, Israel dilag keeke yab akkan goppig. Amge Israel ag kobol nau hak ii uuppig amunu, Yawe Nug he, ag gona, Nug noobppa ii daappig.