Josua 23:1 - Nobonob Baibel

¹ Amu Yawe Nug he, Israel ag kekeɗ laa ii baɗadna, ag ena daappig. Maɗ kuɗum ukke, Josua nug aakku kainonab meum.

Josua 23:1 Referans Kwoze

Josua 13:1

Haen Josua nug danab kaino meum amge nug ɠagattag ele amu, Yawe Nug amegppa aum, “Na danab kaino mettem, me Kanan wan kuɗum, Israel ag Kanan danab appa daatteb ele, ag ag eɗadna, wan amu ag eppelagppanu aoglagnu daatteb.

Josua 21:44

Amu Yawe Nug he, Israel dilag kekeɗ ag nakok laa heeg, Israel ag ii baɗadna, ag maɗoɗ, ena daappig. Yawe Nug ag mamelkad aɗi amelagppa Nug anamnab hekkunu nuhig nai ɠagattag qetta aum amu, Nug amu bianab heum. Yawe Nug Israel ehanattom amunu, ahilkad kekeɗ laa ag Israel ele ban hena, eɗadkkulagnu elele iitta daappig.

Josua 11:23

Amunu Josua nug Yawe, Moses amegppa haknunab aum, amubianab wan amu oh eɗattom. Nug Yawe, Moses amegppa aɗi aɗi hakknunab aum amu, nug tutukku dim lamitta heum. Nug wan amu Israel aulag daakkunu pania mattom. Nug otia, Israel dilag huu okkai anen anen, ag mattom. Israel ag wan aoeg dimppa amu, ag maɗoɗ daappig.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Josua 22:4

Amu Yawe, ahilag Kayak, Nug he, gemu Israel dilag huu okkai laa imu oh ag kekeɗ dilag ii baɗan, ag maɗoɗ, enaib daatteb. Nug ahilagnu aɗi hekkunu nai qakka aum amu he, ag ahilag wan aon daatteb amunu, ag ahilag wan, wan amuam Jodannu le kaɗag uɗitteppanu daatte amu, ag ahan, ahilag wan amuppa gona daaglag. Yawenu maɗi nid Moses, nug ag wan amu mattom.

Duteronomi 31:2

“Gemu da dahil maɗ 120 amunu, da anuqen, ag omalatte gokkulnu elele iitta. Yawe Nug da Jodan le mataɗe gopanu da amelppa aum.

Genesis 25:8

nug mauhom. Nug am danab kainonab. Haen elab wanppa oiya, nug mauhom.

Aisaia 63:14

Makau ag oolnu noak okkai, uɗem ele, ag amuppa nona, le lawona hik aotteb, amubia Yawenu Ouɗi Nug he, danab ah amu ag hik aon daappig. O Yawe, na danab ah oh ag na anidna, na binan amahlak oppiaawak ele dabmekkulagnu na anam henana, na nahipad danab ah omaladna gome.

1 Samuel 12:2

Da nug king abenabppa mei daatte amunu, gemu nug ag gumattatta, ulum madakkunu daatte. Da kaino mei, ikkil uɗug umimi beum. Da bekkalad ag okkai mena, ag oolagppa daan oitteb. Da nid bau dayeye, da digmein, ulum mattaiyi uɗie, gemu batak.

1 King 1:1

Haen King Dawit nug kainonab ma dayom, haen amuppa amu, nug beɗu ulah qe, oug doyeye, nuhig maɗi nid ag haen oh palanget laidttappig, amge nug beɗu ii gakkaɗttom, iitta.

1 Stori 23:25

Amu Dawit ⌊nug Lewi buɗub ag uɗat anen anen hekkulagnu tituanattomnu⌋ diignu, nug inam aum. “Yawe, Israel dilag Kayak, Nug nuhikkud danab ah ehanatte, ag maɗoɗ daaeg, Nug hanhan Jerusalem ippa daakkunu uɗiom amunu,

1 Stori 27:1

Kalam anen anen danab 24,000 ag uɗin, king ehanidnana, ban daup dilag uɗat aakku henan daappig. Kalam laa 24,000 uɗin heppig. Kalam laa 24,000 laa uɗin heppig. Ag anam heegeg ukke, maɗ laippu uue, ag baula haen ahilagppa uɗippig. Laa ag kalam anen anen uɗin, ban daup daappig, ahilkad ikki am Israelnu baelkadppan okkai, ban daup 1,000 dilag ikkilkad, ban daup 100 dilag ikkilkad, amu ban daup ikki laa ele. Danab amu ag daup kalam anen anenppa uɗin daappig, ag ag gumadppig; amu ag onilag am inam.

2 Stori 14:1

Amu Abaiya nug mauhe, ag Dawitnu Aab appa boumppig. Nug mauhe amu, nug bekka Asa nug mameg abenabppa king ba dayom. Nug king daye ukke, maɗ eblaih laih ele ban laa Juda wanppa ii dayom; maɗoɗib daappig.

2 Stori 14:5

Amu Asa nug Juda dilag aabaab ohppa aabaabppanu mettid lag nakok, amu kalu danab ile muttuɗig enanag bette elenu qaɗab oh ele loppaɗattom. Nug anam ha, king dayeye, Juda danab ah ag maɗoɗib daappig.

2 Stori 20:30

Kayak Nug he, Juda dilag kekeɗ oh ag toettan daappig amunu, Juda wan, Jehosapat gumom amu, amuppan danab ah ag maɗoɗ ele daappig.