Josua 22:20 - Nobonob Baibel

²⁰ Am haen Sera bekka Aakan, nug keeke Yawenuib nuhig pelemppa dayom amu, nug amunu Yawe ippunittomnu oo metta ii uuak kobol ii dim lamitte, Yawe Nug Israel danab ah ig oh bu iite mekkom? Nug nukka aakkuib hipunin amunu ii mauhom,” aon appig.

Josua 22:20 Referans Kwoze

Josua 7:5

Ai danab ag Israel lamadnana, ag aabnu aɗ odppanu ukka, lag keeke, haknu men awaknu abenppa batak, ag lamadnana gona, ag Israel danab 36 aqaeg mauhppig. Ai danab ag anam heeg, Israel ag oolagppa ɠagattag doyak ahilag iitta meum.

Josua 7:1

Amge Israel ag keeke Yawenuib nuhig pelemppa daappig, ag keeke amunu Kayak ippunattomnu oo metta ii uuak kobol ii dim lamitteg, laa nug keeke amunu laala awom. Danab onig Aakan nug keeke amu laa yab awom amunu, Kayak nug Israel dilagnu oo huana nauhom. Aakan nug Karmi bekka. Karmi nug Simri bekka. Simri nug Sera bekka. Aakan nug Israel dilag huu okkai Juda, amuppanu.

1 Korint 10:6

Keeke amu oh beppig, ag antte oo maittak kobol daatteb. Amu Israel anukka heppig bia ig eheɗ hekkunignu oonig okkai daamanu, ig nau aomanu dabmettak kobol imu anidta doognignu daatte.

Josua 7:24

Ag maatteg daaegeg amu, Josua, Israel laa oh ele ag Sera buɗub Aakan, silwa, lamen elab, gol maha, bekkod, aɗekkud, nuhikkud makau, donki, sipsip, peh, nuhig keeke oh ele diin, Akornu oolnu noak, ag appa goppig.

Josua 7:18

Amu Josua nug Simri baegppan danab oh laib laib diiadna waeg amu, Yawe Nug Aakan, nug eheɗ heumnu awom. Aakan nug Karmi bekka. Karmi nug Simri bekka. Simri nug Sera bekka. Aakan nug Israel dilag huu okkai Juda, amuppanu.

2 Pita 2:6

Amu Kayak Nug he, aab okkai aɗit, Sodom Gomora ele, aa iite padal mepiɗ? Yo, Nug he, aab naɗi ewatom. Kobol amu danab laa oh ag aab okkai aɗit nauhpiɗ, amu dilah haen dimppa daanna, Kayaknu nuhig haknu ele uuak danab oiglag amu, ag Sodom Gomora danab padal mak aoppig anam aakku ahilagppa uɗikku, ag amu anidna dabmekkulagnu heum.

Lewitikas 10:6

Aakku Moses nug Aron, amu nug bekoɗ aɗit, Eleasar, Itamar ele amelagppa aum. “Ag mauhmananu, Yawe Nug Israel dilag tamaniak danab ah oh dilagnu oo nauhmanu, ag aib heppeg, ikkilag uɗug mauhnoak dayom, o iitta aib lamen ahilkad pattiɗadppig. Israel laala, amu na laipad ele ag amu, ag Nadap, Abihu ele dilah, Yawe Nug aab aɗuppa he nauhpiɗ ele, ag ahilahnu mahiglagnu nai iitta.

Josua 22:21

Pinias laikkud ele ag anam Israel dilag huu okkai Ruben, Gad amu Israel dilag huu okkai Manase mahaib ele amelagppa anam aeg, ag oɗelagppa aon inam appig.

2 Stori 24:18

Ag anam aeg, Joas nug ahilag nai dim lamittom amunu, Juda danab ah ag ahan, ag Yawe, ag mamelkad aɗi dilag Kayak, ag Nug laugppa gona, Nug noobppa dup nona binag mekkulagnu uunna, ag kayak hambuppuak Aserah dabmekkulagnu biidod, kayak hambuppuak laala dottolkad ele noolagppa dup nona, ag binalag meppig. Juda danab ah, laa Jerusalemnu, laa Juda wanppa laih laihnu amu, ag amu heppig amunu, ag beɗulagppa aab ele daaeg, Kayak Nug danab ah amu dilagnu oppoɗi beum.

Job 35:8

Na nau hettem dayeb amu, na danab, na bia, na amu dilagppa hettem. Ge, na genab tutukku hak kobol hettem dayeb amu, na danab laa, nug ah ooppan laa aakku, na nuhigppa hettem.