Josua 20:8 - Nobonob Baibel

⁸ Jodan le, laih kaɗag uɗitteppanu Jerikonu ukkakppa amu, Israel danab ag ii doyaya laa qe mauhomnu ehanittak aab okkai imu tituanadppig. Laa am Beser. Beser am Israel dilag huu okkai Ruben wanppa, atu taɗak uɗem okkai, nakok attan daatte, amuppa dayom. Laa am Ramot. Ramot am wan onig Gileat, appa dayom. Gileat amu Israel dilag huu okkai Gad wanppa dayom. Laa am aab Golan. Golan nug Basan appa dayom. Basan amu, Israel dilag huu okkai Manase wanppa dayom.

Josua 20:8 Referans Kwoze

1 Stori 6:78

Ag aab amu aona, ag Israel dilag huu okkai Ruben wan, Jodan le heqo laih, Jeriko elenu kaɗag uɗitteppanu daatte, ag appanu atu taɗakppa ag Beser ele aoppig. Aab laala ele appanu aoppig am Jaser,

Josua 21:36

Ag amu mattona, Israel ag aab laala Israel dilag huu okkai Ruben wanppanu ele madappig. Ag Beser, Jahas,

Josua 21:38

Mattona amu, Israel ag aab laala Israel dilag huu okkai Gad wanppanu ele madappig. Ag Ramot, Gileat wanppa dayom madappig. Ramot am, danab nug ii doyaya laa qe mauhomnu ehanittak aab okkai laa. Ag aab amu mattan, ag Mahanaim,

Josua 21:27

Israel ag Kohat buɗub anam mattona amu, ag Lewi buɗub Gerson, nug buɗubnu baelkadppa, Israel dilag huu okkai Manase mahaib dilag wanppanu aab madappig. Ag Golan, Basan wanppanu, Bestera ele, amu aab amunu gikkiɗah dad okkai ele madappig. Golan am danab nug ii doyaya laa qe mauhomnu ehanittak aab okkai laa.

1 Stori 6:80

Ag aab amu aona, ag Israel dilag huu okkai Gad wanppanu Ramot, Gileat wanppa daatte, Mahanaim,

1 King 22:6

Jehosapat nug anam a, aria Ahap, Israel dilag king, nug he, propet danab, ahilag ebqak am 400 anam, ag uɗieg, nug ag oɗ mattom. “Da Ramot, Gileat wanppanu, banelag ukken, aab amu eɗue aokkulte, o iitta da iitai gopa?” awa oɗ mattom. Nug ag anam oɗ matte, ag appig. “Na ahan ukke! Naɗi Nug aab amu na eppenppa mekku,” aon appig.

Duteronomi 4:43

Aab amuam iikku: Beser, Ramot, Golan ele. Aab Beser am atu taɗakppan uɗem okkai, nakok attan daatte, appa dayom. Beser amu Israel dilag huu okkai Ruben, amuppan danab laa nug ii doyaya, laa qeeb mauhkku dayeb amu, nug appa ukka ehanittak awa daakkunu otiak. Ramot amu wan onig Gileat appa dayom. Aab amuam Israel dilag huu okkai Gad, amuppan laa nug layag ii doyaya qe mauhom amu, nug ukka appa ehanittak aokkunu otiak. Aab Golan amu Basan wanppa dayom. Aab amuam Israel dilag huu okkai Manase, amuppan laa nug laa ii doyaya qe mauhom, nug ukka, appa ehanittak aokkunu dayom.

Duteronomi 3:10

Gemu amu, ig aab oh, uɗem okkai nakok attan daatte, amu wan aɗit onilah Gileat, Basan ele, ahilah wana ukkak, aab nakok Saleka, Edrei ele batakppa amu, ig appan aab oh aomut. Aab amu oh, wan amu ele am Basan appa Og waappa daappig.

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Josua 20:9

Aab okkai amuam Israel danab, amu wan laihnu danab ele, am amu oh ahilag tituanak dayom. Aun laa nug ii doyaya, laa qe mauhom dayeb amu, nug ehanittak aab amuppa ukka dayeb, ib amuppa amu, laa nug qe mauhak danab nob ma qeeb mauhkkunu daatte am, nug laa danab qe mauhom ele paha qeeb ii mauhma. Iitta. Hettoɗiak hak malak, nug genab doyaya qe mauhom dayeb amu, danab amu nug mauhkku. Doyaya ii heum dayeb amu, nug ii mauhma.

2 King 8:28

Amu haen laa King Ahasia nug ukke, nug Israel dilag king Joram, Joram nug Israel dilag king Ahap bekka amu, nug nug ele oh aa Aram dilag king Hasael ele aab Ramot, Gileat wanppanu, aa appa ban hekkulagnu gopiɗ. Aa goya ban heeheh, Aram dilag daup ag Joram guittak okkai medappig