Josua 20:3 - Nobonob Baibel

³ Aun laa nug ii doyaya laa qe mauhom amu, nug aab okkai amunu laa, nug amuppa oola ukka daakku amunu, nug ukka appa dayebeb, laa nug qe mauhak danab nob ma qeeb mauhkkunu daatte, nug danab amu qeeb mauhkkunu elele ii daakku.

Josua 20:3 Referans Kwoze

Lewitikas 4:2

“Na Israel amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Laa nug ii doyaya ib apiɗitta, nug Yawe aɗi keeke ii haknunab aum amu haaha, hipunin hekku amu, nug inam iikku hekku.

Namba 35:12

Aab okkai amuam, laa nug laa qe mauhom ele, mauhak layag laa nug qe mauhak danab qeeb mauhkkunu daatte amu, nug wana qeeb mauhmanu, laa layag qe mauhom amu, nug aab amuppa, guppiɗ dimugppa lokkumak dayak bia, nug appa nuhig hettoɗiak ii hak haenppa daakkunu daaglag.

Josua 20:2

“Gemu na Israel amelagppa, da Moses amegppa ag hekkulagnu ami, na amubia appe, ag ii doyaya laa qe mauhomnu ehanittak aab okkai tituanadkkulag.

Josua 20:4

Laa nug laa ii doyaya qe mauhom ele, nug aab okkai amunu laappa oola ukka, nug ikki danab dilag qagmak aben aab odppa daatte, nug appa ta, nug aab amunu ikki danab amelagppa hibaitta, nug aɗi heumnu mehuqeb dooglag. Mehuqeb doona, ag danab nug laa ii doyaya qe mauhom ele amu uuidppeg, nug aab ooppa noob, ag nug aab amuppa, ag oolagppa dayaknu aben medappeg, oh daaglag.

Namba 35:19

Hettoɗiak danab ag laa nug layag qe mauhom ele tutukku hettoɗidna malan, danab amu nug doyaya, laa qe mauhom anidna, ag heppeg, danab nug layag doyaya, qe mauhom ele amu, ag nug eɗua, aab digppa ukkeb, laa nug qe mauhak danab nob ma qeeb mauhkkunu daatte amu, nug qeeb mauhkku. Ao, laa nug qe mauhak danab qeeb mauhkkunu daatte amu, nug antta, amu qeeb mauhkku.

Namba 35:22

Amge laa nug kekeɗ ii metta, layag ehaleb na qa mauhkku, o iitta keeke laa ii doyaya buɗieb ukka, layag qeeb mauhkku,

2 Samuel 14:11

Nug anam a amu, ah nug aum. “O dahil king, anam dayeb, laa nug qe mauhak danab nob ma qeeb mauhkkunu daatte amu, nug amu hemanu na Yawe, nahip Kayak, na Nug onig aon, nahip nai ɠagattag qettan, am laa nug da bekkal qeeb ii mauhmanu akkutnu ool daatte,” awa aum. Nug anam a amu, king nug aum. “Yawe Nug genab bau daatte, genab amubia laa nug eheɗ nakok laa na bekkat beɗuppa iinab hema,” awa aum.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.