Josua 19:41 - Nobonob Baibel

⁴¹ Aab laala Josua aɗi ag wan Israel dilag huu okkai Dan, ag aulag daakkunu madappig amu, ag amuppa daappig. Aab amu laa onilkad am Sora, Estaol, Irsemes,

Josua 19:41 Referans Kwoze

2 Stori 11:10

Sora, Aiyalon, Hebron ele. Aab amu Juda wanppa, Benyamin wanppa ele aab okkai ɠagattag aɗ ele daappig.

1 Stori 2:53

amu aab ikki laala Kiriat Jearim daappig ele. Aab ikki amu ag am Itra danab, Put danab, Sumat danab, Misra danab ele. Danab ah Sora daappig, Estaol daappig ele, ag aab ikki amunu danab ah aakku.

Ikki Danab 18:2

Ag anam heegeg, Dan danab aab Sora amu Estaol ele, appanu ag ban danab ɠagattag tanig ele, ahilag aab ikkippan otiadna, maatteg gona, ag lokkumakppa atu italna oinna, ag wan adekkuppa daaglagnu neegna oippig. Ban danab ɠagattag amu ag oinna gona, Epraim wanppa, qauko qauko daattebppa tena, ag ukkaeg, Maika laugppa, appa tuqan laippu nug ele daappig.

Ikki Danab 16:31

Dimppa nug amakkud, amu mameg baekkudppan oh ele ag nug gaɗa aoglagnu nona, ag aon, eɗun aabppa gona, ag nug Sora, Estaol ele, aab aɗit amu gamalahppa, nug mameg Manoa boumppigppa, nug ele appa boumppig. Am Samson nug Israel dilag epeɗiak danab maɗ 20 dayom.

Ikki Danab 13:25

Anam amu, Samson nug Mahane Dan appa, aab Sora, aab Estaol ele gamalahppa dayeye, appa Yawenu Ouɗi digma, Samson nug Yawenu uɗat hekkunu dabmak maɗettom.

Ikki Danab 13:2

Haen amuppa danab laa onig Manoa, nug am Israel dilag huu okkai Dan, Sora aabppan danab amu, nug dayom. Nug wau am ah mattoi amunu, aa nid iitta daadpiɗ.

Josua 15:33

Aab laala Josua, nuhig ehanittak ele ag Juda madappig ele am qauko nakok qauko okkai diigppa daatteb, Kanan wan ooppa qaban uɗitteppanu dayom amu, aab amu aguppa daappig. Aab amuam, Estaol, Sora, Asna,

Josua 19:40

Josua nug om ena yaak ebqak eblaih aɗit ele ha antta, om ena yaak ippunittom bia nug wan maha, ebqak eblaih aɗit ele Israel dilag huu okkai Dan baekkudppa, ag aulag daakkunu mattom.

Josua 19:42

Salabin, Aiyalon, Itla,