Josua 17:16 - Nobonob Baibel

¹⁶ Josua nug anam aum, amge Josep buɗub ag appig, “Wan maha qauko qauko ele am ihinignu elele iitta. Amge Kanan danab ag qauko diigppa, uɗem okkaippa daatteb, ag atu amu mameg daatteb amu, ag bannu karis aenppa hak ele. Ag danab ɠagattag, ig eɗigkkulag elele. Ag Betsan, aab amu taliliattak aab naunau ele, amu oolnu noak onig Jesril ele, amuppa daatteb,” aon appig.

Josua 17:16 Referans Kwoze

1 King 4:12

Ahilut bekka Bana, nug am aab Tanak, Megido amu Betsan ele, amu wan aab ewam amu taliliattak daatteb, amu gumom, amge nug Betsannu wan taliliak amu nug laihigib gumom. Laih nug gumom am wan Saretan guguittak, Jesrilnu yau uɗitteppanu, laih amu, aria Betsannu ukka Abel Mehola, ukka Jokmeam batak.

Ikki Danab 4:3

Am Jabin nug bannu karis 900 aenppa hak ele, amu nug maɗ 20 Israel danab ah eheɗ hadatta, guittak mattom amunu, Israel ag Yawe ehanadkkunu gaappig.

Ikki Danab 1:19

Yawe Nug Juda danab ele daappig amunu, ag Kanan danab ah ag laih qauko qauko ele daappig eɗadna, ahilag wan ele aoppig, amge Kanannu danab ah uɗem okkaippa daappig, ag bannu karis aenppa hak ele amunu, Juda aɗi ⌊ag ag lamadkkulagnu elele oolagppa genab ii doon,⌋ ag danab amu ii lamadppig.

Ikki Danab 6:33

Anam daye, haen elab iitta, ban daup Midian, Amalek, amu danab kaɗag uɗitteppanu, appan ban danab ele ag baula aɗaeg ooho, ag gona, Jodan le mataɗna, oolnu noak onig Jesril, appa ag haen tutu dayaknu aab kalappig.

Josua 17:18

Iitta. Wan laa ele mattagnig. Ig wan maha qauko qauko ele mattamut; geha ig wan maha qauko qauko ele, amge ad kuɗum ele, ig gemu wan maha amu ele, ahilag daakkunu madattem. Aɗinu? Ag oppeg, amahalebeb, elele dayeb, wan amu ohnab ahilag daakku. Ele amu, laih laa, Kanan danab ag genab ɠagattag daatteb, ag bannu karis aenppa hak ele, amge ag ag lamadkkulag,” awa aum.

2 King 9:37

Laa nug Jesebel gaɗa antta, “Imuam Jesebel,” amananu, nug gaɗa am geha Jesril aab okkai dimittim, appa dadppa doɗ biig wan qaɗeppa daatte, nug gaɗa am amubia daakku,’ aum,” awa aum.

2 King 9:10

Jesebelnu amu, nug mauheb, nug gaɗa danab ag ii boumana. Iitta! Geha nug gaɗa amu, qai ag Jesril aab okkai, ag appa aben laappa lakkulag,’ awa atte,” awa aum. Propet nug Yawe nai aum, nug amu oh mattia malowa, nug od matula ba, qaiqaɗ ukkom.

1 King 21:23

Amu Jesebelnu amu, da Yawe, da inam attem. ‘Haen Jesebel nug Jesril aab okkaippa mauheb, geha qai ag nug beɗu aabnu aɗ daugppa lakkulag,’ awe attem.

1 King 21:1

Nabot nug am Jesril aabppanu danab laa, amu nuhig grep dad am Israel dilag King Ahapnu lag enanagnab, amu guguittak dayom. Dayeye, haen ban naɗi Aram ele heppig dimppa

1 King 18:46

Ugekke amu, aria Yawe Nug ɠagattag Elaiya mette, nug lamen nuhig daug letppa elele ina ma, qaietta ukka, Ahapnu karis, amu noobppa noob awa anuqom. Anuqeqe, huan anamib goya, Jesril aabppa nopiɗ.

Ikki Danab 4:13

Ag aeg doya, Sisera nug nuhig bannu karis aenppa hak diia, ban danab ele onilagppa e, ag Haroset Hagoimnu ukka, Kison leppa batak uɗippig.

Josua 19:18

Aab imu ag wan amuppa daappig; Jesril, Kesulot, Sunem,

Josua 17:11

Josua, nuhig ehanittak ele ag aab laala, am aab naunau aab amu taliliattak daappig ele, ag Israel dilag huu okkai Isakar, Aser ele dilah wanppa daappig amu, ag aab amu Israel dilag huu okkai Manase ele madappig. Aab amu onilkad amu, Betsan, Ibleam, Dor, onig laa am Napot Dor, Endor, Tanak, Megido ele. Aab naunau laala ele aab amu taliliattak daappig amu, ag aab amu ele ag madappig.

Josua 17:15

Ag anam amegppa aeg amu, Josua nug ag amelagppa aum. “Ag genab kuɗumnab amubia daatteb dayeb amu, ag Epraim wanppa, qauko qauko daattebppa, wan maha amu ahilagnu elele iitta daatte amunu, ag wan ad kuɗum daattebppa, wan amuam Peres danab, Repaim danab ele dilag amu, ag wan amu oppeg, amahalebeb, elele dayeb, ag ele aguppa dayeg!” awa amelagppa aum.

Josua 17:17

Ag anam Josua amegppa appig, amge nug Israel dilag huu okkai Epraim, Manase ele, Josep buɗub, nug ag amelagppa aum. “Ag am genab kuɗumnab daatteb, ag am ɠagattagnab ele amunu, ig om ena yaakppa wan maha laippuib ii mattamta,

1 King 18:45

Nug anam a amu, laippun pahanab lombig hinqak amu hab oh tonom. Aakku ulah digmeeme, gu apaɗpaɗ digma neum. Aria, Ahap nug karisppa ta ukka, Jesril aabppa nokkunu ukkom.

Jeremaia 49:2

Yawe Nug anam oɗ ma ana amu, Nug ele atte. “Gemu anam daatte, amge haen laa uɗitte. Haen amuppa da heppi, Amon dilag aab okkai Raba, appa ban ahakku. Ban aheb, aab amuam nauhakib dayebeb, aab naunau aab amu talilidna daatteb amu, aab eoglag. Ag Amon ag Israel lamadppig, amge haen amuppa Israel, ag ag lamadkkulag,” awa atte.

Josua 15:56

Jesril, Jokdiem, Sanoa,

1 Samuel 29:1

Pilistia ag uɗin, ahilkad ban danab Apek guguittak qagmena, haen tutu dayaknu aab kalan daaegeg, Israel ag am laih Jesrilnu le qeppuɗia betteppa haen tutu dayaknu aab kalan daappig.