Josua 16:10 - Nobonob Baibel

¹⁰ Josua, nuhig ehanittak ele, ag wan amu Epraim madappig, amge Epraim ag Kanan danab Gesernu ii lamadppig amunu, danab Gesernu ag Epraim oolagppa daaeg uɗie, gemu ⌊nai imu yaak haenppa⌋ ele, ag ahilag maɗi nid bia daatteb.

Josua 16:10 Referans Kwoze

Ikki Danab 1:29

Amu Israel dilag huu okkai Epraim ele, ag Kanan danab Geser daappig ii lamatteg, Kanan danab ah amu ag wan ahilag ii uun oolna goppig. Ag tuɗidna, aguppa Israel oolagppa daappig.

1 King 9:16

Aab okkai Geser am Kanan dilag aab anukkanu dayom, amge Paro nug uɗia, ban ha eɗitta awa, Kanan danab aab amunu aqa, aab amu mane ewom. Aria, haen Solomon nug Isipnu king aɗeg awe amu, king amu nug aab Geser, nug aɗeg nuhig daakkunu hamu mettom.

Josua 17:13

Amge dimppa, haen Israel ag ɠagattag ele bena daanna amu, ag Kanan danab duttunadna heeg, ahilkad maɗi nid daappig. Amge ag danab amu, ag ag ii lamadppig.

1 King 9:21

Am anukka Israel ag danab ameg amu heeg, ag Yawenuib nuhig pelemppa daappig, amge ag ohnab heppeg, Yawenuib nuhig pelemppa daaglagnu elele iitta daan, ohnab heeg, Yawenuib, pelemppa ii daappig; aakku gemu laa amu, ag buɗulkad aakku tuɗidna, Israel wanppa daappig. Ag aakku daappig amu, Solomon nug danab amu diia he, ag begbeg maɗi nid daan, nuhig uɗat heppig. Ag anam heeg uɗie, gemu ⌊nai imu yaak haenppa⌋ ele, danab amu ag maɗi nid daan, uɗat aakku hetteb.

Josua 15:63

Wan, aab ele amu aakku, Josua, nuhig ehanittak ele ag Israel dilag huu okkai Juda madappig. Amge Juda ag Jebus danab Jerusalem daappig ele amu, ag danab amu lamadkkulagnu elele iitta amunu, Jebus danab ag aguppa daaeg uɗie, gemu ⌊nai imu yaak haenppa⌋ ele, ag aguppa daatteb.

Josua 10:33

Josua nug Israel ban daup ele ag Lakis ele ban heegeg amu, Geser dilag king Horam nug nuhikkud ban daup ele ag aab amu dabmettaglagnu teppig. Amge Josuanu danab ag nug qeeg mauhe, nuhikkud ban danab oh ele aqaeg iitta meppig.

Josua 16:9

Ag amu mattanna, ag aab laala ele, aab naunau aab amu taliliattak ele Epraim madappig; amu aab amu laa ag Israel dilag huu okkai Manase mahaibnu wan, wan amuam ag aulag amu, am appa daappig.

Josua 17:12

Ag aab amu Manase buɗub madappig, amge Kanan danab ag wan atu amuppa daaglagnu dabmak aoeg ɠagattag eppe heppig amunu, Manase ag Kanan danab amu eɗadppeg goppeg, aab amuppa daaglagnu elele iitta.

1 King 9:15

Amu King Solomon nug danab kuɗum ag ɗo waappa kingnu uɗat haknuib daappig diiom. Am amunu nai am iikku. Nug diia he, ag Yawenu mettid lag buuona, ag Solomon, nuhig lag enanagnab buuna, amu Jerusalem talilidkkunu aɗ ele itappig. Nug ele he, ag wan itan meeg, aben laa aakku elele beum. Amu Solomon nug he, ag aab Hasor kalan, aab Megido kalan, amu aab Geser ele kalappig.

2 Stori 8:8

Am anukka Israel ag danab ameg amu aqappig, amge ag ohnab ii aqappig, aakku gemu laa ii aqappig ele, ag buɗulkad aakku tuɗidna, Israel wanppa daappig. Ag aakku daappig amu, Solomon nug danab amu diia he, ag begbeg maɗi nid daan, nuhig uɗat heppig. Ag anam heeg uɗie, gemu ⌊nai imu yaak haenppa⌋ ele, danab amu ag begbeg maɗi nid daan, uɗat aakku hetteb.