Josua 15:47 - Nobonob Baibel

⁴⁷ Ag anam Asdot, aab laala Asdot guguittak daappig, amu aab naunau taliliattak daappig Juda mattan, amu ag Gasa, aab laala Gasa guguittak daappig, am aab naunau taliliadna daappig ele, ag Juda madappig. Ag aab amu mattaeg, tom amuam le laa onig Isip Le, amuppa bate, am ukka Mediterenia yuppa batom.

Josua 15:47 Referans Kwoze

Josua 15:4

Asmon waum. Appan amu tom nug ukka, Isip dilag leppa waum. Le amuppanu tom amuam aakku ukka, Mediterenia yuppa noum. Amuam Juda dilag yau uɗitteppanu tom aakku.

Aposel 8:26

Aria Naɗinu engel laa nug Pilip amegppa aum. “Na ahan, laih yau uɗitteppanu gona, ib laa Jerusalemnu Gasa ukkakppa daatte amu appa ukke! Ib amuam atu taɗakppanu ib,” awa aum.

Sepanaia 2:4

⌊Yawe Nug heeb,⌋ danab laa Gasa appa ii daama. Ao, kekeɗ Askelon heppeg, nauha autanab awa daakku. Asdot appa ele kekeɗ ag danab ah lamadppeg, ag pahanab Asdotnu ahan gona malaglag. Aria, kekeɗ ag danab ah Ekron daatteb amu, ag eheɗ lamadppeg, ag ahilag aab uun gokkulag.

Jeremaia 47:5

Uug amu beebeb, danab ah Gasa daatteb doon, ag ikkilag uɗug hoiglag. Ao, danab ah Askelon daatteb, ag oɗelag qamuttak daaglag. O Pilistia oɗo yaak danab, ag uɗem naɗippa daatteb, ag akka ag ⌊ahilag kayak hambuppuak ag ag dabmattaglagnu ag⌋ beɗulag guittak medatteb; amu haen gane laa ele ukkeb, ag amu uuglag?

Jeremaia 47:1

Paro nug ahe, Pilistia danab Gasa daappig ele ban heppig, amge nug amu ii heppig haenppa Yawe Nug propet Jeremaia nai laa mette doyom. Nai nug doyom am inam.

Josua 13:3

Wan amuam Kanan danab dilag wan maha laa aakku. Wan amunu tom am, le Siho, appanu yawalti uɗitteppanu ukka, Ekron wana batak. Le Siho amu, Isipnu tom, Isipnu laih kaɗag uɗitteppanu daatte. Amu Pilistia dilag aab anuqak tanig ele, Gasa, Asdot, Askelon, Gat, Ekron ele amu, aab amu oh wan amuppa daaegeg, ahilkad danab okkai aakku guman daatteb. Ele amu, laih yau uɗitteppanu, Awim danab dilag wan, amu ele ag eɗadna aoglagnu daatte. Aria, laih yawalti uɗitteppanu Kanan danab dilag wan, Meara ukka Apek batak, wan amu oh am ag eɗadna aoglagnu daatte. Meara am Saidon dilag aab laa, amu Apek am Amo dilag tomppa daatte.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Josua 15:46

Amu Ekronnu qaban uɗitteppanu Asdot aab, amu aab laala guguittak daappig, am aab naunau taliliadna daappig ele amu, ag amu ele Juda madappig.

Josua 15:48

Josua, nuhig ehanittak ele ag aab wan qauko qauko eleppa daatteb amu, ag Juda madappig. Aab amuam, Samir, Jatir, Soko,

Duteronomi 2:23

Kobol amubianab laa amu, Kapto danab, ag Krit appanu, ag Awim danab Gasanu aab naunauppa daappig amu, ag ag hattaeg nauheg, ag appa daappig.

Josua 11:22

Anak buɗub laippu laa uuitte, Israel wanppa laa iinab dayom, amge laala ag Pilistia wanppa, aab Gasa, Gat, amu Asdot ele appa daappig.

1 King 5:4

gemu Yawe, Kayak dahil, Nug maɗoɗ haen ena da meɗa he, wan laa oh ag ig ele ena daattem, uug laa ele iitta

2 King 18:8

Hesekaia nug nuhikkud ban danab ele ag Pilistia wanppa gona, ban hena, Pilistia dilag aab ɠagattag aɗ ele, aab naunau ele oh eɗadna gona, Gasa aab okkaippa batappig.

2 Stori 26:6

Amu Usia nug aha ukka, Pilistia ele ban ha eɗatta, nug Pilistia dilag aab Gat, Jabne amu Asdot ele dilag aɗ loppaɗom. Usia nug loppaɗa, nug aab laala Asdot guguittak, Pilistia wanppa aben laalappa ele kalattom.