Josua 14:6 - Nobonob Baibel

⁶ Anam dayom, amge amu oh ii nak haenppa, Israel ag Gilgal appa daanna, haen amuppa Israel dilag huu okkai Juda danab laala ag Josua gumidna goppig. Ag gona amu, Jepune bekka Kalep, Kenis ted, nug Josua amegppa aum. “Haen ig Kades Barnea daautut amu, Yawe Nug Kayaknu danab Moses amegppa da na ele, ihinihnu Nug aɗi aum amu, na doottem.

Josua 14:6 Referans Kwoze

Namba 14:30

Da eppel humen, ag wan imu madappi, ag amuppa daaglagnu dahil nai ɠagattag qetten mattimi, amge ⌊ag da dimeɗan, dahil nai tappaeg ne, ag eɗun Isip gokkulagnu appig amunu,⌋ laippu laa wan amuppa iinab noma; Kalep, Jepune bekka amu Nan bekka Josua ele, aa aakkuib nokkulah.

Namba 14:24

Amge dahil maɗi nid Kalep, nug am diig laa; nug oo unuqag eleppa genab da dim lamiɗtte amunu, da geha nug omale, wan nug ukkom eleppa gokkul. Amu nug buɗub ag geha wan amu aon daaglag.

Namba 13:6

Israel dilag huu okkai Judanu am, Jepune bekka Kalep.

Josua 14:14

Jepune bekka Kalep, Kenis ted, nug meu ohppa Yawe, Israel dilag Kayak, Nug dim lamittom amunu, Hebron, am nug buɗub dilag ina daatte.

Namba 14:6

Aa anam heeheh, Nan bekka Josua, amu Jepune bekka Kalep ele, aa am lokkumakppa atu italak danab wan amuppa goppig ele, aa ele ag oolagppa daayya gopiɗ amu, danab aɗit amu aa lamen ahilti pattiɗya,

Josua 15:17

Kalep nug anam aum amu, nug amag Kenas bekka Otniel nug aab amu eɗittom amunu, Kalep nug, nug aɗeg Aksa, Otniel wau daakkunu aakku nug mettom.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Sam 90:1

O Naɗi, anukkanab uɗie uɗie, gemu ele amu, na ihinig ena dayaknu aben bia dayeye daattem!

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

2 King 8:11

Elisa nug nai amu awowa, nug ameg behabe, Hasael neekkitta daye ukke, Hasael nug uɗa ne, dabmak kuɗum awewe, aria Kayaknu danab Elisa nug digma gayom.

2 King 8:7

Haen laa Elisa nug Aram wanppa Damaskus ukkom, amu gemu Aram dilag king Benhadat nug oɗe meum. Oɗe me, laa nug amegppa aum. “Elisa, Kayaknu danab, nug uɗiom, ippa Damaskus daatte,” awa aum.

2 King 4:42

Dimppa haen laappa, danab laa Balsalisa appanu Kayaknu danab Elisa gumitta uɗiom. Nug bali bret 20, bali tatam oɗuomppanu hak amu, nug amu Elisanu awa uɗiom. Amu awa uɗia, nug ee aeg bau awak ele bek laippuppa inak, nug amu ele awa uɗia mettom. Awa uɗia mette, aria Elisa nug nuhig maɗi nid amegppa aum. “Ee amu aon, propet danab umu madappe lakkulag,” awa aum.

2 King 4:16

Nug dayeye, Elisa nug ah amegppa aum. “Dimppa, maɗ laappa haen inamppa amu, na bekkat eppenppa aɗakkut,” awa aum. Nug anam a, ah nug nai nob ma, Elisa amegppa aum. “Iitta. Danab naɗi, na am Kayaknu danab, na aib da, nahip maɗi ah, na da buppuiɗme,” awa aum.

2 King 4:9

Haen laa ah amu nug gamu amegppa aum. “Da doottem, Elisa nug haen oh ig launigppa uɗieye, ig ele ee lattem amu, nug amu danab Kayaknu tituanak daatte

1 King 13:14

Propet kaino amu nug Kayaknu propet ukkom amu dim lamitta ukkom. Dim lamitta ukka, nug nug ad ok waappa dayeye anttom. Antta amu, propet kaino amu nug inam oɗ mettom. “Na am Kayaknu propet laa, Judanu uɗimete?” oɗ mettom. Oɗ mette amu, Judanu propet nug aum. “Ao, am da,” awa aum.

1 King 13:1

Aria, Jeroboam nug mana mettak hekkunu qaɗab Betel appa ha, aguppa mana mettak hekkunu ukka dayeye, Kayaknu propet danab laa Juda wanppanu aha ukke, Jeroboam nug qaɗab amu guguitta hibaitta dayeye, propet amu nug Jeroboam gumitta teum. Propet amuam Juda danab, Yawe Nug propet amu amegppa nug Judanu aha, nug Betel gokkunu a ukkom.

Josua 10:43

Anam daye amu, Josua nug Israel ban danab ele ag eɗun, ahilag haen tutu dayaknu aab kalappigppa, Gilgal appa goppig.

Josua 4:19

Kalam digmaknu deɗ eblaih tanig eleppa, Israel danab ah ag aben Jodan le daugppa daappigppa amu uun, ahan gonana, aben laa onig Gilgal, appa ag haen tutu dayaknu aab kalan daappig. Aben onig Gilgal am wan laa, aab okkai Jerikonu tomnu kaɗag uɗitteppanu daatte, am wan amuppa, tom guguittak daatte.

Duteronomi 34:10

Mosesnu haen dimppa propet laa Israel oolagppa Moses bia am iitta. Am Yawe, Moses ele, aa nug amegppanab nai madipiɗ

Duteronomi 34:5

Yawe anam aum amunu, Moses, Yawenu maɗi nid, nug Moap wanppa Yawe aum bia, appa mauhom.

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

Namba 13:30

⌊Danab ah ag lokkumakppa atu italak danab ag mattieg doona, ag huana baɗappig,⌋ amge Kalep nug Moses noobppa, danab ah toettan daaglagnu anana, nug aum. “Yawe Nug ehanigkku amunu, ig hekkunignu elelenab. Anam amunu, ig gota, wan amu, ig aguppa daagnignu aotu!” awa aum.

Namba 26:65

Aɗinu? Yawe Nug Israel danab ah amelagppa, danab ah tatam ebaqak ele ag oh atu taɗakppa mauhkkulagnu aum ele amu, genab anam aakku beum. Laippu laa ii dayom, Jepune bekka Kalep, Nan bekka Josua ele, aa aakkuib aakku daapiɗ.

Jeremaia 35:4

Da ukken, omalatte uɗien, da Yawe laug heqo laih oo laa, oo amuam Kayaknu danab laa onig Igdalia bekka Hanan bekkod dilag oo amu, da oo amuppa temi. Igdalia nug am Kayaknu danab. Oo amu heqo laih amu kingnu ehanittak anuqak danab dilag oo dayom. Oo amu waappa Salum bekka Maseanu oo dayom. Masea nug laugnu od gumom.

1 Stori 23:14

Moses, Kayaknu danab, nug bekoɗ aa Lewi buɗubppan mana mettak danab iitta, aa ag oolagppa daaglagnu tituanak daapiɗ.