Wan maha eblaih aɗit ele aakkuib daaglag. Aɗinu? Lewi buɗub ag geha ag oolagppa wan laa ii aomna. Aɗinu? Ag am Yawenu uɗat henana, amuppanu teppu keeke aon, amu ahilag uɗatppa keeke laala ele aoglag; amu keeke amuam ag aulag daakku. Israel dilag huu okkai laa Gad, Ruben, amu Israel dilag huu okkai Manase mahaib laa, ag matu wan, ag aulag daakkunu aoppig. Moses, Yawenu maɗi nid, nug Jodan le laih kaɗag uɗitteppanu, appa nug wan amu ag mattom,” awa aum.
Josua 13:33 - Nobonob Baibel33 Nug wan amu Israel dilag huu okkai laala, ag aulag daakkunu ag mattom, amge nug Israel dilag huu okkai Lewi wan laa, ag aulag daakkunu ii mattom. Nug ag wan laa ii mattomnu diig am, Yawe, Israel dilag Kayak, Nug ag nuhig uɗat hekkulagnu, amuppa ag ee keeke, ag aulag aakku, ag amu aoglagnu nai ana qakkom. Gade chapit la |
Josua 13:33
7 Referans Kwoze
Israel dilag huu okkai laa oh ag wan awak ele, amge Moses nug Israel dilag huu okkai Lewi, nug ag wan laa, ag aulag daakkunu, ii mattom. Aɗinu? Ag ahilag uɗat am, ag qaɗabppa, aab aɗunu ofa henana, doɗ manadna, Yawe, Israel dilag Kayak, ag Nug mettaglag amunu, mana mettak amu kuɗumppanu ag maha aoglag. Ag aoglag, amu amunu teppu keeke, amuppanu awak, Yawe Nug ag amu aoglagnu nai ana qakkom, aakku keeke amu oh am ag aulag.
Yawe Nug Aron amegppa anam awowa, Nug tuɗitta aum. “Israel laa ag wan da ag madattem, ag appa ag aulag daakkunu wan laa aoglag, amge ag Lewi buɗub amu, ag wan amuppa wan laa, ag aulag daakkunu ii aomna. Israel laa, ag wan ag aulag daakkunu aoglag, amge ag Lewi buɗub, ag wan laa amubia ag oolagppa ii aomna. Iitta. Da, Yawe, da ahilagnu anambia daakkul.
Wan imu amu Moses nug Israel dilag huu okkai Ruben, Gad, amu Israel dilag huu okkai Manase mahaib, ag aulag daakkunu nug ag mattom. Haen amu nug Israel ele ag Moap uɗemppa, Jodan le guguittak, ag haen tutu dayaknu aab kalakppa daanna, nug wan pania ag mattom. Appanu Jeriko am qaban uɗitteppanu dayom.
Piblisite