Josua 12:1 - Nobonob Baibel

¹ Israel danab ag matu king aɗit laa Jodan le laih kaɗag uɗitteppanu eɗatna, wan ahilah aoppig. Wan amuam oolnu noak onig Arnon, appa digma ukke, qauko Hermon batak. Aria, atu onig Araba, Jodan leppanu kaɗag uɗitteppanu, wan amu ele. ⌊King aɗit eɗatppig ele amuam Sihon, Og ele.⌋

Josua 12:1 Referans Kwoze

Ikki Danab 11:18

Daaeg ukke ukke, ag aakku Edom, Moap ele wan aiɗna wana, atu taɗakppa goppig. Ag Moap tom kaɗag uɗitteppanu daatte amu gona gona, Arnon le laih appa, ag haen tutu dayaknu aab kalappig. Amge ag Aron le mataɗna wana, Moap iinab wappig. Aɗinu? Le Arnon, am Moapnu tom aakku.

Josua 1:15

ag wan ahilag, wan amuam Jodan lenu qaban uɗitteppanu daatte, Yawe, ahilag Kayak, Nug ag madatte ele amu, ag wan amu ahilag daakkunu aon malan, aguppa ena daappeg, ag eɗun uɗin, wan imuppa, wan imuam Jodan lenu kaɗag uɗitteppanu daatte, Yawenu maɗi nid Moses nug ag wan imu mattom amu, ag eɗun uɗin, wan imuppa daaglagnu elele daaglag,” awa aum.

Namba 21:24

Amge Sihon nug ban ii eɗittom. Iitta. Israel ag nug, nuhig ban daup ele eɗadna, ag nug qeeg mauhom. Ag nuhig wan, Arnon leppan digma ukka, Jabok batak amu, ag amu oh aoppig. Sihon nuhig wan amu ukka, Amon dilagppa batom, Israel ag wan nuhig amu aakkuib aoppig. Aɗinu? Amon, ag ahilag wan tom amu, ag ɠagattag aɗappig.

Namba 21:13

Amu ag Seret oolnu noak uun, ahan gona amu, ag Arnon le ihippa, appa haen tutu dayaknu aab kalappig. Arnon le am atu taɗakppa dayom. Arnon le am Moap danab, amu Amo danab ele gamalagppa tom dayom amunu, atu taɗak amunu laih am, Amo dilag dayom, laih am Moap dilag dayom.

Aisaia 16:2

Moap ah ag oolna gona, Arnon leppa, le baag qak daattebppa, ag appa daanna, ag geha adeppa gokkulagnu amu, ag ii doomna. Ag ai nug nuhig kekeɗ teɗ nuhigppa daatte doya, eɗua gokkunu elele iitta amunu, oo uug ele hagagaɗa laih ukka, laihnu eɗua uɗitte, ag amubia hekkulag.

Sam 133:3

Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.

Josua 22:4

Amu Yawe, ahilag Kayak, Nug he, gemu Israel dilag huu okkai laa imu oh ag kekeɗ dilag ii baɗan, ag maɗoɗ, enaib daatteb. Nug ahilagnu aɗi hekkunu nai qakka aum amu he, ag ahilag wan aon daatteb amunu, ag ahilag wan, wan amuam Jodannu le kaɗag uɗitteppanu daatte amu, ag ahan, ahilag wan amuppa gona daaglag. Yawenu maɗi nid Moses, nug ag wan amu mattom.

Josua 11:17

Israel wan tom gemu am Helak qauko, Seir guguittak, appanu ukka Balgat waum. Amuam qauko Hermon guguittak. Balgat am Lebanonnu atu oolnu noakppa daatte. Josua nug wan amuppanu king oh eɗatta, aɗalatta aqom.

Josua 11:3

Nug ahilagppa me ukke, amu nug ele Kanan dilag king laih kaɗag uɗitteppanu, amu laih qaban uɗitteppanu ele batak, nug ahilagnu nai me ukkom. King amu ag am, Amo dilag king, Hit dilag king, Peres dilag king, Jebus dilag king ele, ag laih qauko qauko ele daappig. Amu nug Hiwi danab, ag Hermon qauko guguittak daappig, ahilagnu ele nai me ukkom. Wan atu amu onig Mispa.

Duteronomi 4:48

Israel ag danab ag aab Aroer, Arnon oolnu noak daug aiɗa daatte, aben appanu danab eɗadna, ahilag wan aoeg ukke, Sirion qaukoppa batak ele eɗadna, wan amu oh aoppig. Sirion qaukonu, ag Hermon qauko ele adappig.

Duteronomi 2:24

Amu Yawe Nug tuɗitta aum. “Ahappeg! Gemu ag Arnonnu oolnu noak oppatna ukkeg! Iikkude antteg! Da ag ehanatte heppi, ag Amo dilag king Sihon, Hesbon daatte eɗidppeg, da nuhig wan ag madakkul. Ag banelag gona, nug qekkulagnu ban hena, digmen wan aweg!

Namba 32:19

Aɗinu? Yawe Nug ig wan aunig, ippa Jodan laih kaɗag uɗitteppanu mekkom amunu, ig wan aunig Israel laala ele oh laih Jodannu qaban nedeppanu amu, ig amu ii aomta,” aon appig.

Namba 32:33

Ag anam aeg amu, Moses nug Amo dilag king Sihon, amu Basan dilag king Og ele, ahilti wan amu Gad buɗub, Ruben buɗub, amu Israel dilag huu okkai Manase mahaib, Manase nug Josep bekka amu, nug ag mattom. Nug wan amu, wan amunu aab okkai, amu wan aab okkai amu taliliattom ele ag mattom.

Josua 13:8

Aria, Israel dilag huu okkai Manase mahaib, amu Israel dilag huu okkai Ruben, Gad ele, ag ahilag wan, Jodan laih kaɗag uɗitteppanu, ag aulag daakkunu amu, wan amu otia mattak, wan amu Yawenu maɗi nid Moses nug matu obata otia mattom.

Sam 89:12

Na wan ukka yawalti uɗitteppanu, o wan ukka yau uɗitteppanu amu, na amu oh heme. Aam nodeppan wan, qauko Tabor am aam nodeppa daatte amu, aria aam bedeppan wan, qauko Hermon aam bedeppan daatte amu, appan danab ah ag na ɠagattag oh ele doon, ag na onin humatteb.

Sam 136:21

⌊Yawe,⌋ Nugib king aɗit amu dilah wan diiata, Israel danab aulag daaglahnu Israel danab mattom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte. Ao, ⌊Ig Yawe,⌋ Nug king amu dilah wan diiata, ag aulag daaglahnu, nuhig maɗi nid Israel mattom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Namba 21:21

Israel danab ag qauko Pisga guguittak appa tena amu, ag nai awa ukkak danab, Amo dilag king Sihon nai appeg dokkunu maatteg goppig.

Namba 32:32

Ig geha Yawe noobppa ban hekkunignu bannu keeke aɗualadta, ig le mataɗta, laih Kanan wakkunig, amge keeke aulag ig aognig ele, amuam Jodan le laih ippanu daakku,” aon appig.

Duteronomi 2:32

Yawe Nug da amelppa anam a, dimppa Sihon nug nuhig daup ele, Jahas appa ig ele ban hekkunignu uɗippig,

Duteronomi 3:1

Amu dimppa amu, ig eɗut, aot Basannu ib ukkak, amu gomut. Ig ukkautut amu, Basan dilag king Og, nug nuhikkud ban daup oh ele ag Edrei appa ig banenig uɗippig.

Duteronomi 4:44

Ɗo imu Moses nug Israel danab ah ippuanattom.

Duteronomi 4:46

Ag haen tutu dayaknu aab Betpeor guguittak appa oolnu noakppa kalan daaegeg, haen amuppa nug mattom. Betpeor am Jodan lenu kaɗag uɗitteppanu, appa daatte. Sihon, Amo dilag king, nug Hesbon dayaya, nuhikkud danab ah gumattom, ag appa, nuhig wanppa daappig. Moses, Israel ele ag Isip uun, Kanan gokkulagnu gonana, ag Sihon, nuhikkud danab ele eɗadna, heeg nauheg, appa haen tutu dayaknu aab kalan daaegeg, Moses nug ɗo imu oh ag mattom.

1 King 4:19

Uri bekka Geber, nug am wan obatak Gileat gumom. Wan obatak amuam anukka Amo danab, ag ahilag King Sihon ele, ag daadppig. Amu Basan danab, amu ahilag King Og ele ag ele wan amuppa daadppig. Amge gemu Geba nukka wan obatak amu gumom. Danab amu ag wan obatak anen anen dilag anam daappig, amu laippu laa nug amu oh dilag anuqak danab dayom.