Josua 11:9 - Nobonob Baibel

⁹ Ag oh aqan malona amu, Josua nug hos, ⌊ag baula banppa oiyaknu elele iitta daaglagnu,⌋ nug ag baelkad bittub diɗilkad otaɗatta, nug kekeɗ dilag bannu karis oh manatte ewadppig. Yawe Nug anam aakku hekkunu a amu, nug anam aakku heum.

Josua 11:9 Referans Kwoze

Josua 11:6

Ag anam heeg, aakku Yawe Nug Josua amegppa aum. “Na aib ahilagnu baɗame. Aɗinu? Butti, haen inamppa, ag ohnab mauhak daaglag. Ge, da heppi, ag Israel ag ag oh aqadkkulag. Na nug qak amu eɗittona amu, na ahilkad hos ⌊ag banppa baula oiyak elele iitta daaglagnu,⌋ na ag baelkad bittub diɗilkad otaɗadna, kekeɗ dilag bannu karis oh manadppe eweg!” awa aum.

Genesis 49:6

Ahilah nai mattiakppa da ii daapa. Ao, da ahilah qagmakppa ii gopa. Aɗinu? Aa oo nauhakppa danab aqaeh mauhppig. Ao, aa oo hak ahilah dim lamidya, makau okkai ebehi ele beɗulag hamu heeh nauhppig.

2 Samuel 8:4

Nug eɗitta, nug Hadatesernu bannu karis 1,000, daup ag bannu karis attan daan, ban heppig ele 7,000, danab ag baelkadppa oinna, ban heppig ele 20,000 aɗalattom. Dawit nug anam ha, nug hos karis eeɗppig ele ⌊ag baula banppa gomananu⌋, nug hos amu baelag diɗi otaɗattom. Hos 100ib nug baelag diɗi ii otaɗattom.

Nahum 2:13

⌊Amu bekkunu diig am⌋ Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ahilag bannu karis eon, iitta mekkulag. Da heppi, kekeɗ ag nid bau ahilkad qep elabppa aqappeg mauhkkulag. Da heppi, ag baula wanppan laa, laion hetteb bia, guittak ii mattamna. Ag baula wan laappan danab ele ban hena eɗadna, ahilag wan aoglagnu nai awa ukkak danab maadppeg ii gomana.” Yawe Nug anam awa atte.

Sam 46:10

Yawe Nug atte. “Danab ah wanppanu, ag toettan daan, ag imu doyeg! Da am Kayak. Da geha wanppan wan anen anen oh dilag king daakkul. Ao, da geha wan ohnu king daakkul.”