Josua 10:41 - Nobonob Baibel

⁴¹ Josua nug danab Kades Barneanu ukka, Gasa batak, amu wan atu aab Gosen talilidtte ukka, Gibeon appa batak oh eɗattom.

Josua 10:41 Referans Kwoze

Josua 11:16

Amunu Josua nug aakku wan amu oh awom. Nug laih qauko qauko ele, Negeb amu wan atu aab Gosen guguittak ele oh awom. Nug qauko nakok qauko okkai diigppa daatteb, qauko nakok amuam Kanan wan ooppa, laih qaban netteppanu, appa daatteb amu, nug amu oh awom. Amu nug wan atu onig Araba, amu Israelnu wanppan qauko, amu qauko amunu diigppan qauko nakok ele amu, nug amu oh ele awom.

Josua 15:51

Gosen, Holon, Gilo ele. Aab amu oh ebaqak am 11. Aab amu taliliattak aab naunau daappig amu, ag amu ele madappig.

Duteronomi 9:23

Kades Barnea appa amu, Yawe Nug ag nai haknunab anak imu matta aum. “Ag gona, wan da ag madattem amu aweg!” awa aum. Nug anam aum, amge ag Yawe, ahilag Kayak, nuhig nai haknunab aum, oɗe amu tappaeg ne, ag nuhignu oolagppa genab dooglagnu uun, ag Nug oɗe dim ii lamidppig.

Genesis 10:19

ahilag wan tom gigin amu Saidon aabppa digma ukka ukka, Gasa, Gerar guguittak, amuppa bata, eɗua ukka Sodom, Gomora ele wana eɗua, Atma, Seboim ele ukka amu, Lasa aabppa batom.

Aposel 8:26

Aria Naɗinu engel laa nug Pilip amegppa aum. “Na ahan, laih yau uɗitteppanu gona, ib laa Jerusalemnu Gasa ukkakppa daatte amu appa ukke! Ib amuam atu taɗakppanu ib,” awa aum.

Sekaraia 9:5

Askelon danab ah ag Tair nauheb anidna, ag eheɗ baɗaglag. Gasa danab ah ag anidna, ag eheɗ nau dooglag. Ekron danab ah ele anamib. Aɗinu? Ag ena bekkulagnu dabmak aɗan oiglagnu ib laa ii anidmana. Kekeɗ ag Gasa danab ah eɗadna, king ahilag ele qeppeg mauhkku. Danab laa Askelon appa ii daama.

1 King 3:5

Solomon nug anam ha, nug tuqan Gibeon appa niieye, Yawe Nug tul niiakppa gumitta na, amu Kayak Nug aum. “Na aɗi keeke da medakkulnu oot hette amu, na appe doyei!” awa aum.

1 Samuel 6:17

Aria, mamattin dottog golppa hak, dottog amu ag anen anen Pilistia dilag aab anen anen dilag Yawenu eheɗ haknu ofa daakkunu amu, aab amuam inam daappig. Laa am aab onig Asdotnu, laa am Gasanu, laa am Askelonnu, laa am Gatnu, amu laa am Ekronnu.

Ikki Danab 16:21

Samson anam daye, Pilistia ag nug aɗan, nug ameg doɗo kehatppig. Ag ameg doɗo kehatna, ag nug aon, Gasa gona, bras senppa qakkan, maniguittakppa mena heeg, nug ee aeg ganuɗaknu men okkai itoɗiaya dayom.

Ikki Danab 16:1

Deɗ laa Samson nug Pilistia dilag aab Gasa appa ukka, tuqanppa am ib baag ah laa ele daapiɗ.

Josua 10:12

Amu Yawe Nug Israel ag ehanatte, Amo eɗadppig, deɗ amuppa Josua nug Israel danab oh noolagppa Yawe unuqittom. Nug aum. “Da na unuqidttem. Na heppe, aam nug Gibeon amahalittak dayebeb, kalam nug oolnu noak onig Aiyalon, nug amu amahalittebeb daakkunu oɗ medattem,” awa unuqittom.

Josua 10:2

Anam amu, aria Adoni Sedek nug, amu nuhikkud danab ah ele ag Gibeon danab ag Israel ele maɗoɗ daan, ag ehanadkkulagnu ele nug tituanna nai qagappig doona, ag huananab baɗappig. Ag baɗappig diig amu, Gibeon am aab okkainab; am aab laala king ele, am aab amubia. Laa amu, Gibeon am Ai eɗittak; am ele amu, Gibeon danab oh ag am daup danab ɠagattagnab.

Namba 34:4

Amu Mauhak Le, appanu amu, tom am ukka, qauko ikki oppoɗu noak onig Apiap, aben amuppanu yau uɗitteppanu ukka, Sin atu taɗak obata ukka, Kades Barneanu yau uɗitteppanu ukka, aab okkai Hasaradar ta ukka, Asmon ele tekku.

Namba 32:8

Haen ig Kades Barnea daatta, da ag mamelkad laala wan italkkulagnu maatti goppig amu, ag eɗun uɗin, ag heppig amubiaib ag gemu hetteb.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Duteronomi 1:19

Yawe, ihinig Kayak, Nug ig anam hekkunignunab amenigppa a, ig Horep qauko uut, ahat yawaita, atu ag aakku anidppig ele amu, atu taɗak okkainab amuppa oit oit gomut. Danab nug atu taɗak amunu baɗak dookkunu elele. Ig atu taɗak amu oppat-ta gota, Amo dilag wanppa, laih qauko qauko eleppa tekkunignu teta, ig Kades Barnea temut.

Duteronomi 2:23

Kobol amubianab laa amu, Kapto danab, ag Krit appanu, ag Awim danab Gasanu aab naunauppa daappig amu, ag ag hattaeg nauheg, ag appa daappig.

Josua 11:22

Anak buɗub laippu laa uuitte, Israel wanppa laa iinab dayom, amge laala ag Pilistia wanppa, aab Gasa, Gat, amu Asdot ele appa daappig.