Josua 10:2 - Nobonob Baibel

² Anam amu, aria Adoni Sedek nug, amu nuhikkud danab ah ele ag Gibeon danab ag Israel ele maɗoɗ daan, ag ehanadkkulagnu ele nug tituanna nai qagappig doona, ag huananab baɗappig. Ag baɗappig diig amu, Gibeon am aab okkainab; am aab laala king ele, am aab amubia. Laa amu, Gibeon am Ai eɗittak; am ele amu, Gibeon danab oh ag am daup danab ɠagattagnab.

Josua 10:2 Referans Kwoze

Duteronomi 11:25

Ag Nug oɗe dim lamidkkulag dayeb amu, ahilkad kekeɗ ag ag ii eɗadmana; kekeɗ ag geha oolna gokkulag. Ele amu Yawe, ahilag Kayak, Nug ahilkad kekeɗ dilagppa heeb, kekeɗ ag ahilagnu baɗak eheɗ nau dooglag. Nug amu hekkunu nai anan qakkom, amu aakku hekkunab. Nug ag wan madatte, ag wan amuppa adeppa adeppa oiglag amu, Nug amuppa anamnab aakku hekku.

Josua 2:24

Aa ele apiɗ, “Yawe Nug genabnab wan imu oh ig mekkom amunu, danab ah wan amuppa daatteb, ag oh ihinignu baɗak okkai dootteb,” aoya apiɗ.

Hibru 10:31

Amu danab laa nug hipunin nuhignu, Kayak bauklel ele eppegppa epeɗiak aokkunu gokkunu am keeke hamu iitta. Keeke amuam keeke baɗak, uug naunab ele.

Hibru 10:27

Iitta! Ig Kayaknu hettoɗiak okkai amu aab gakkaɗaknab, Kayaknu kekeɗ oh ewadkku ele, amuib baɗidta ameg mekkunig.

Prowerb 10:24

Nau hak danab nug aɗi keekenu baɗak okkai dootte amu, keeke amu aakkuib nuhigppa bekku; amge Kayak Nug genab tutukku hak danab nug aɗi keekenu oo hette ele amu, Kayak Nug keeke amu aakku nug medakku.

2 Samuel 12:26

Amge amu oh ba ii malom, haen amuppa Joap nug Raba appa Amon danab ele ban heppig. Ag ban henana, aab amu ooppa aben aɗ ɠagattagnab ele amu Joap eppegppa daakkunu daye,

1 Samuel 27:5

Anam daye ukke, Dawit nug Akis oɗ metta aum. “Da nahip maɗi nid amu, da aab imuppa daappi, na da ehaniɗak henana, na amunu uug doomnanu, nahip dabmakppa da am danab ena doottem dayeb amu, na aab laa, aab amu piɗe daatte, aab okkai daatte guguittak ii daatte, na laa amubia meɗappe, da daakkulnu ool daatte. Da nahip aab okkai imuppa daakkulnu ii daatte bia,” awa aum.

Duteronomi 28:10

Ag anam daappeg, wan atu ohppan danab ah ag anadkkulag amu, ag Yawe Nug ag nuhikkudnab daaglagnu diiom anadna, ag ahilagnu ebehilag oh bodoetta le mekku.

Josua 9:3

Amge haen Gibeon danab ah ag Josua nug Jeriko, Ai ele dilahppa aɗi heum, ag amu doona,

Duteronomi 2:25

Gemu digmak da heppi, wan ohppan danab ag digmena, baɗak eheɗ nau ele ahilagnu dooglag. Ag aɗi hettebnu doona amu, ag naunab doon, ag baɗak okkai dooglag,” awa aum.

Josua 9:24

Josua nug anam a amu, Gibeon ag nob mena appig. “Ig, nahipad maɗi nid maɗi ah ele amu, ig anam hemutnu diig am, Yawe, ahilag Kayak, Nug nuhig maɗi nid Moses amegppa, nug wan imu oh ag matteb, wan imuppan danab ah ele oh heeb, padal mekkulagnu haknunab nai aum amu, ig amu doomut amunu, ig anam hemut. Ig bau dayak ihinignu dabmeta, ag baɗadta, ig anam hemut.