Josua 10:13 - Nobonob Baibel

¹³ Nug anam unuqitte, aam, kalam ele aa aben aɗit amuppa daayya amahleheh, Israel ag ahilag kekeɗ eɗidna malappig. Buk laa onig Jaser, buk amuppa nai amu iite yaak daatte? Aam nug hab gamagppanab deɗ laippu anam, nug anam daya, laih ii ukkom; nug deɗ oh diigppan ba ukka, batakppa notte, amubia ii heum.

Josua 10:13 Referans Kwoze

Habakuk 3:11

Na nahip lat doɗo e ukkaegeg, amemɗi awom. Ao, na nahip ban ele eewo, amemɗi awom. Anam amu, aam, kalam ele hab waappa toettaya daapiɗ.

Aisaia 38:8

‘Antte! Haen doyaknu adqaɗ Ahas heum, amuppa aam amahalele, lokko noum, am adqaɗ amunu tappa ukkak 10 eɗua tekku.’ ” Yawe Nug anam aum. Nug anam ana amu, Nug he, lokko am eɗua teete, adqaɗ tappa ukkak 10 lokko dayom eleppa am ii dayom.

Josua 10:14

Genab, deɗ amuppa Yawe Nug Israel dilagnu, ag ban eɗadkkunu ehanatta, kobolnab heum amunu, deɗ anam bia laa, haen laal ii beum. Deɗ amuppa Yawe Nug Josua, Nug oɗ mettom amu, Nug amu heum, amge Nug kobol heum, anam bianab, laa dilagppa ii heum.

Ikki Danab 16:28

Amu ⌊laa nug eppeg aɗeɗe oipiɗ ele amu eppekuɗ diiata, biidod aɗalatkkunu maate, amu⌋ Samson nug Yawe unuqittom. Nug unuqitta aum. “O Naɗi Yawe, na dahilnu dabmekkutnu oɗ medattem. O Kayak, na da haen laippu laa ele ɠagattag meɗappe, Pilistia ag da amel doɗo kehalatppig imunu nob mekkulnu unuqidttem,” awa aum. Samson nug anam anana unuqittom.

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Joel 3:15

Deɗ amuppa amu, aam, kalam ele aa gatatu maiglah, hoɗopai ele ii amahalmana; iitta.

Joel 2:10

Ag oiyona ukkaegeg amu, wan hab ele uɗalttep; aam, kalam ele gatatu manaeh, hoɗoppai ele ii amahaltteb.

Sam 148:3

Aam, kalam ele, aa ⌊danab ah Nug binag metteb bia, aa⌋ Nug binag meiɗ! Hoɗoppai amahaltteb ele amu, ag ele ⌊danab ah Nug binag metteb bia, ag⌋ Nug binag meig!

Sam 19:4

Keeke amu oh baalag am wan atu ohppa ukka malom daatte. Yo, ahilag nai amu wan oh tualom daatte. Yawe Nug he, aam dayaknu aben am hab waappa daatte.

Esta 8:13

Am nai awa ukkak danab ag ɗo nai amu aon, prowins ohppa gona, appan danab mattaglagnu daappig. Prowins anen anen ohppa nailag ohppa amu, ag ɗo nai amu ag qalan ebqebeppeg, danab ah oh ag dooglagnu nai dayom. Anam hak dayeb amu, kalam 12 deɗ 13 uɗieb, Juda ag ahilkad kekeɗ aqaglagnu bappaidkkulagnu nai dayom.

2 Samuel 1:18

Nug mattia mala, nug ippunittak danab ag Juda danab ah nai oo doyak ele amu ippunadppeg, daulagppa daakkunu aum. Nai amu onig am “Lat,” amu ag buk Jaser, amuppa yaappig.

Aisaia 24:23

Yawe Nukka Ɠagattag Oh Ele, Nug uɗia, Sion qaukoppa Jerusalem appa, danab ah nuhikkud dilag ikki danab noolagppa danab ah gumattebeb, Nuhig binag amahlak oppiaawak ele am miagib daakku. Anam amunu, aamnu amahlak, kalamnu amahlak ele am geha keeke hamu bia daakku. Aam o kalam danab daalo, am nug uɗa nelo.

Ikki Danab 5:2

“Yawe binag meig! Israel dilag ikki danab ag danab ah ahilkad omaladna, ag ban hekkulagnu noolag aon goppig. Danab ag gamag ahak naɗi doonna, dim lamadna banppa goppig!

Josua 10:11

Amo ag Bethoronnu oolna, ib man noegeg, Israel ag lamattegeg, Yawe Nug he, ais hab waappanu na, kekeɗ kuɗum laa aqom. Ais na aqattette, ag gona Aseka teppig. Ais amu kekeɗ kuɗumnab aqom; Israel ag qep elabppa duulag oppig, amu eɗittak ais aqom.

Namba 31:2

“Midian danab ah ag Israel eheɗ hadappig amunu, na ag bu matte! Amu dimppa na mauhkkut,” awa aum.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Revelesen 8:12

Aria, engel ebqak 4 nug nuhig trampet iwale amu laa he, aamnu laih laippu, kalamnu laih laippu, amu hoɗoppai ameg laippu ele, amu oh ii amahalppig; aamnu laih aɗit laa, kalamnu laih aɗit laa, amu hoɗoppai ameg aɗit laa ele, amu oh amahalppig. Anam amunu, amunppa aua waɗele am amahlak iitta, tuqanppa ele aua waɗele am amahlak iitta.

Revelesen 6:12

Kayak Nug anam he amu, Sipsip Nag Nug buk itoɗiakppa qataqak ebqak 6 tolele anidmi. Tole, mim okkai wanppa neum. Aam gatatu mane, wan gatatu manom. Gatatu mane amu kalam nug kokoɗ, tiig bia, dayom.

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.

Aposel 2:20

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Naɗi, dahilnu deɗ naɗi, enanagnab ele amu, haen deɗ amu ii nak, nekkunu daakku, haen amuppa keeke amu oh bekkulag,’ awa aum. ⌊Naɗi Nug anam awa a, Joel nug yom. Amu Joel nug ele Naɗinu nai laa imu yom.⌋

Matyu 5:45

Amuppa ag Mamelag, hab attan daatte ele amu, ag Nug bekkod daaglag. Nug he, aam danab nau amu danab ena ele oh qaɗelagppa nette. Nug ele he, gu genab tutukku hak danab, amu genab tutukku hak danab iitta ele oh dilagppa nette.

Namba 21:14

Diig amunu buk onig Yawenu Ban, nai yaak amuppa nai inam daatte. “Aab onig Waheb, amu Supa, am appan oolnu noak naunau ele, am appan daatte. Aria, Arnon le,

Matyu 24:29

Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Joel 2:31

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Yawe, dahilnu deɗ naɗi, danab deɗ okkai amu antta nug ebehi oh bodoetta le mekku amu, haen deɗ amu ii nak, nekkunu daakku, haen amuppa keeke amu oh bekkulag,” awa atte.

2 King 20:10

Aisaia anam a amu, Hesekaia nug aum. “Lokko adqaɗnu tappa ukkakppa eblaih laih ele paha gokkunu am uug iitta. Am anam amunu, lokko nug eɗua, bittumttum ukkeb, adqaɗnu tappa ukkakppa eblaih laih ele batakkunu ool daatte,” awa aum.

Job 9:7

Kayak Nug aamnu a, ii amahaltte; Nug he, hoɗoppai ag wan amahlak nakok laa ii medatteb.