Jona 2:4 - Nobonob Baibel

⁴ Da anam daami amu, haen amuppa da inam ami. ‘Na da geɗilna, da ii neekkiɗttem. Ao, da nahip mettid lag nahipnu tituanak daatte, da lag amu baula ii anidpa,’ awe ami.

Jona 2:4 Referans Kwoze

Sam 31:22

O Yawe, ⌊am genab,⌋ da kekeɗ ag anam heegeg antten, da ottaien baɗak okkai doyeye, da nahipnu ami, “Yawe Nug dahil ii dabmette,” amge da na dahilnu oot gai-iitta doon oot meɗan ehaniɗkkutnu oɗ mettai, na oɗmak dahil amu doon, da ehaniɗme.

Sam 5:7

Na oo mauhaknab kobol dim lamidttem amunu, da na lautppa wakkulnu elele. Da nahipnu ebehil oh bodoetta le me doyen, nahip mettid lag nahipnu tituanak daatte ele, da amu neekkitten, da dup noin binan mekkul.

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

2 Stori 6:38

ig kekeɗ, ag ig eɗigna aɗaikkeg, ig ag eppelagppa daattem ele, ig wan ag awigna goppig ele, ig appa ag eppelagppa daatta, ig oonig ohppa, meunig ohppa ele oonig genab eɗueb amu, ig neegpput, wan imu, na ig mamenkad aɗi mattame, am aab okkai imu, na nahip daakkunu tituanme, amu mettid lag imu, na onin amuppa daakkunu da buumi amu, ig keeke amu oh neegpput uɗieb, na unuqidpput,

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Jeremaia 7:15

Ag Juda danab ah, da heppi, ag da noolppa ii daamna. Da Israel danab ah, onig laa Epraim, da ahilagnu hemi, amubia da ag Juda, da ahilagppa anamib aakku hekkul.

Esekiel 37:11

Aria, ebehilkad oh ag anam bau bena daaegeg, Yawe da amelppa aum. “Danab bekka, Israel danab ah ag am ebehilkad imubia daatteb. Israel ag atteb, ‘Ig ebehinkad am qaɗaiedappig. Ig ena daagnignu dabmak aɗa oiyaknu ib laa iitta. Ig neta qeta auta aomut.’

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Aisaia 49:14

Yawe Nug anam hette, amge Juda danab ah ag atteb. “Yawe Nug uuikka ii dabmegatte. Ao, Naɗi Nug ihinignu daug atiom,” aon atteb.

1 King 9:7

da geha ag Israel danab ah da wan ag mattami imu amu, da wan imuppanu lamatten, mettid lag imu, da onil aguppa daakkunu dahilnu tituana meɗak daakkunu hemi amu, geha da baula amunu ii dabmepa. Am laa ele, wan atu ohppa, danab ah ag Israel ag nau bekkunu at daatte dabmena, ag aon aon aqaglag.

1 King 8:48

ig kekeɗ, ag ig eɗigna aɗaikkeg, ag eppelagppa daattem ele amu, ig amu dilag wanppa appa anam daatta, ig oonig ohppa, meunig ohppa ele oonig genab eɗueb, ig neegpput, wan imu, na ig mamenkad aɗi mattame, am aab okkai imu, na nahip daakkunu tituanme, amu mettid lag imu, na onin amuppa daakkunu da buumi amu, ig keeke amu oh neegpput uɗieb, na unuqidpput,

Jona 2:7

O Yawe, da mauhkkulnu hein dayeye, da nahipnu dabmein unuqitti, na nahip mettid lag nahipnu tituanak daatte, na amuppa daanna, na unuqittak dahil aakku doome.

Sam 42:8

Anam aakku daatte, amge Yawe Nug deɗ ohppa nuhig oo mauhaknab kobol ii uutte. Tuqan da nuhig ahi edette, da Kayak dahil, Nug da bau meɗatte amu, da Nug unuqidttem.

Sam 88:6

Na da moɗ umanab noak amuppa meiɗme daattem. Ao, da moɗ ooppa aben gatatunabppa nomi daattem.

Sam 88:7

Na dahilnu oppoɗi bak doon, bu huana iuttem. Na da bu huana meɗattem, amuam duban iutte bia. Sila.

Gayak Nai 3:54

Danab le umanab noa ukkakppa le ooppa no, le ikki eɗitte padal mette, da amubia padal mekkulnu dabmemi.