Jon 8:47 - Nobonob Baibel

⁴⁷ Laa ag Kayak bekkod daatteb ele, ag Kayak oɗe dim lamidtteb. Ag amu Kayak bekkod ii daatteb amunu, ag nai ii doon aotteb,” awa aum.

Jon 8:47 Referans Kwoze

2 Jon 1:9

Am aun laa nug Kristusnu ippunittakppaib ii daatte, nug nukka nuhig dabmakppa, dabmak hambuppuak laala ele tuɗidtte amu, nug Kayak ele laippu ii daattep. Am aun laa nug Kristusnu ippunittakppa daatte amu, nug Mame amu Nug Bekka ele oh laippu daatteb.

Jon 18:37

Jesus anam a amu, Pailat nug Jesus amegppa aum. “Na anam attem amunu, na aakku king daattem,” awa aum. Nug anam a amu, Jesus Nug aum. “Na dahilnu, ‘Na am king daattem,’ mattina attem amu na tutukku attem. Da anil nug da doyak diig genabib mehuqeqe oikkulnu menuiɗom. Ge, diig amunu da wanppa uɗimi. Laa oh ag doyak diig genabib dim lamidtteb amu, ag dahil nai dootteb,” awa aum.

1 Jon 3:10

Anam amunu, ig kobol imuppa aun nug am Kayak Bekka, aun nug am Kayak Bekka iitta, nug Satan bekka daatte, amu ele doottem. Am inam. Aun nug kobol tutukkuppa ii oitte amu, nug Kayak Bekka iitta. Am laa nug layagnu oo ii mauhtte, nug ele Kayaknu iitta.

Jon 8:45

Ag Satan bekkod daatteb amunu, da nai genab madittem amu, ag dahil nai amu oolagppa genab ii dootteb.

Jon 8:37

Da doottem, ag Abraham buɗuppud, amge nai dahil amu ahilagppa ii daatte amunu, ag da iuppeg mauhkkulnu hetteb.

Jon 8:43

Am aɗinu ag dahil nai tutukku dab-ii-medatteb? Amunu diig am ag dahil nai ii doon aotteb.

Jon 6:65

Jesus Nug anam ana, Nug nai tuɗitta mattiaya aum. “Diig amunu da ag amelagppa ami. Laa nug nukka nuhig dabmakppa amu da gumiɗa ii doma. Iitta. Mame Nug laa ehanidtte, nug aakkuib da gumiɗa dotte,” awa aum.

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

Daniel 12:10

Laa kuɗum Kayak Nug uug bekkulagppa heeb, ag oppiaawak, dubuttid iitta, ahilagppa eheɗ nakok laa ii daama, ag anam daaglag. Ag enanag anam daaglag, amge nau hak danab ag tuɗidna, nau hekkulag. Nau hak danab ag ⌊nai amunu meu, Kayaknu hak ele⌋ diignu doyak tutukku ii aomna, amge danab ah doyak dabmak ena ele, ag diignu doyak tutukku aoglag.

Jon 5:25

Da genabnab genab ag amelagppa attem. Haen laa uɗikkunu hette, gemu iikku uɗiom amu, mauhak aɗi ag Kayak Bekka da, da baal dooglag. Am danab amu oolagppanu aun aɗi ag amu doona amu, ag bau daaglag.

Jon 12:48

Laa nug da dimeɗa, dahil nai ii aokku amu, nuhig epeɗiak nug aokkunu appa ana daatte. Nai da nug dookkunu mattimi ele amu, nai amu geha gog tak haenppa nug hettoɗiakppa epeɗikku.