Jon 8:42 - Nobonob Baibel

⁴² Aeg am Jesus amelagppa aum. “Ag Mamelag genab Kayaklob, ag dahilnu oolag mauhlo. Aɗinu? Da Kayak ele daaɗa uɗimi. Da dahil maittakppa ii uɗimi. Iitta. Kayak Nug da meiɗe uɗimi.

Jon 8:42 Referans Kwoze

Jon 12:49

Da dakka dahil dabmakppa nai ii madittem. Iitta. Mame, Nug da meiɗe uɗimi, Nug da uɗat meɗom ele, Nug da aɗi nai akkulnunab, attem hein madikkulnunab ele meɗom.

Jon 14:10

Da Mame nuhigppa daattem, Mame Nug dahilppa daatte. Pilip na amu ootppa genab iite doottem?” awa aum. Jesus Nug anam mattiowa, Nug nai tuɗitta ag oh amelagppa aum. “Nai da ag amelagppa madittem ele imu, amuam da dakka, dahil dabmakppanu iitta. Mame Nug dahilppa daatte, Nug nuhig uɗat dahilppa hette.

Jon 17:8

Nai oh na da meɗame ele amu, da ag mattai aoppig. Da nahip-ppanu uɗimi amu, ag genab dootteb; na da meiɗe uɗimi, ag amu ele oolagppa genab dootteb.

Jon 17:25

O Mame tutukkunab, wanppan danab ah wannu kobol dim lamadtteb ele ag na ii dooidtteb, amge da na dooidttem, amu dahilad imu ag na da meiɗe uɗimi amu dootteb.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

1 Jon 4:14

Mame Nug Bekka, wan imuppan danab oh eɗua diiadkkunu me uɗiom, amu ig Nug Bekka anidta, ig amunu iikku madittem.

Jon 5:43

Da Mama onigppa uɗimi, amu ag dahilnu oolagppa genab ii dootteb. Amge danab laa nug nukka nug onigppa uɗia, nai mattieb amu, ag nuhignu oolagppa genab dooglag.

1 Korint 16:22

Am danab laa nug Naɗinu oo ii mauhtte dayeb, nug eheɗ laa awaknu anak waappa dayaɗ! Naɗi, na uɗie!

Jon 3:17

Kayak Nug, Nug Bekka wan imuppa me uɗiom, amge Nug wanppan danab ah epeɗiadkkunu me ii uɗiom. Iitta. Kayak Nug nuhigppa wanppan danab ah eɗua diiadkkunu me uɗiom.

Revelesen 22:1

Amu dimppa engel nug le laa, le amuam bauklel le, nug le amu ippuniɗom. Le amuam men onig kristal, dubuttid nakok laa iitta, amubia dubuttid nakok laa iitta ele daatte. Le amuam Kayak amu Sipsip Nag ele, ahilah sia kingppanu ba

Galesia 4:4

Am anam daye ukkom, amge haen Kayak aum amu elele mette, Kayak Nug Bekka me ne, ah nug menue, Nug ɗo waappa ba dayom.

Jon 8:14

Aon aeg am Jesus Nug aum. “Am genab, da dahil nai madittem, amge dahilnu nai amu genab. Aɗinu? Da adeppanu uɗimi amu, da doottem, amu da eɗue gokkulnu amu, da amu ele doottem. Amge ag da adeppanu uɗimi, adeppa eɗue gokkul amu, ag ii dootteb.

Jon 13:3

Jesus Nug Mameg keeke oh Nug eppegppa meum doya, Nug Kayak toppanu uɗiom, Nug eɗua Kayak toppa gokkunu ele doyom

Jon 16:30

Gemu amu ig doottem, na keeke oh doottem amunu, danab laa nug tatam na oɗ metteb, na dimppa nug nob medakkutnu iitta. Iitta. Na oɗmak amu matu doon malan, nob mekkutnu elele. Amuppa na Kayak toppanu uɗime amu, ig oonigppa genab doottem,” aon appig.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.