Jon 7:7 - Nobonob Baibel

⁷ Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Jon 7:7 Referans Kwoze

Jon 3:19

Nob nau awaknu hettoɗiak diig am iikku. Amahlak wanppa uɗiom, amge danab ag wanppanu gatatu, ag amunu oolag mauhom; ag amahlaknu oolag ii mauhom. Aɗinu? Ahilag kobol am nau.

Galesia 4:16

Gemu da nai doyak diig genabibppanu ag amelagppa attem amunu, diig amunu ag dahilnu, “Nug ihinig kekeɗ beum daatte,” attebte?

1 Jon 4:5

Amu propet hambuppuak ag am wanppanu amunu, ag wanppanu naiib maditteb. Mattiegeg, wanppanu danab ag dootteb.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

Jon 17:14

Nai nahip amu da ag mattai, amu danab ah wannu kobol dim lamadtteb ele ag dahilad imu dilagnu oolagppa nau ninig ele dootteb. Aɗinu? Da wanppan danab ah wannu kobol dim lamadtteb ele laippu iitta, amubia ag ele wanppan danab ah wannu kobol dim lamadtteb ele laippu iitta.

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

1 King 21:20

Elaiya nug Yawe nai aum amu awa, nug Ahap gumitta ukkom. Ukka te amu, haen Ahap nug Elaiya antta, nug inam amegppa aum. “Kekeɗ dahil na, na eɗun dahilppa bemete?” awa aum. Awa a amu, Elaiya nug aum. “Ao, da na maditte uɗimi. Aɗinu? Na kobol eheɗib nahip ɠagattag ohppa hekkutnu dabmenan oittem. Yawe Nug nuhig neekkakppa kobol amunu am nauib dootte.

Jeremaia 20:8

Aɗinu? Haen da nai attem amu, da nai qale, danab ag laa guittak nau mauhnoak madatteb, amu danab ag laa dilag keeke heeg nauhtteb, da amu dilagnu ai, nai amu ag yaaladtte. Yawe na da nai akkulnu, na amu ippuniɗme amunu, nahipnu nai, nai amu he, danab ah ag hanhan awa awa qettak nai naunab dahilnu anana, da nai madittemnu ele ag dahilnu nau dootteb,” awa aum.

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Luk 6:26

O gadonnab gadon ag danab ag gemu daaegeg, danab ah laa oh ag ag binalag metteb. Ag dabmeig! Aɗinu? Anukka ag alalkad ag anamib propet hambuppuak dilagppa heppig.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 29:21

Danab nau amu, ag am laa ag hettoɗiakppa danab eheɗ laa ii he, nug eheɗ heum atteb. Ao, ag am laa ag hettoɗiakppa danab eheɗ ii heum laikkud, ag nug ehanittegeg, laa amu ag amu dilagnu pelem meeg, ag eheɗ aotteb. Ge, ag am laa ag hettoɗiakppa danab eheɗ ii he, ag hambuppun, “Nug eheɗ amu heum,” ag nai amu ag nug hamu yaatteb amunu, danab nug eheɗ ii heum, nug hamu guittak aotte.

Prowerb 15:12

Awa awa qettak danab nug tolitta mettak uutte; nug danab doyak dabmak ena ele nug ulum mettaglagnu gumatta iinab goma.

1 King 22:8

Jehosapat nug Ahap anam oɗ mette, Israel dilag king Ahap nug aum. “Laippu laa ig hepput, nug Yawe oɗ metteb, aɗi ab doya, nug ab doognignu elele. Nug am Imla bekka Mikaia, amge da danab amunu nau ninig ele doottem. Aɗinu? Haen oh nug dimppa aɗi bekkunu nai dahilnu da amelppa maditte amu, keeke ena laa bekkunu ii maditte. Iitta. Nug nauib bekkunu atte,” awa aum. Ahap nug anam a, Jehosapat nug aum. “O king, na anam madikkutnu am ena iitta,” awa aum.

Sam 109:5

Da ag ena hadattem, amge ag eɗun, da eheɗ heɗatteb. Da ahilagnu ool mauhtte, amge ag eɗun, dahilnu nau ninig ele dootteb.

Lewitikas 13:10

Amu mana mettak danab nug danab amu beɗuppa titiɗak laa dayeb, amuppa teppu miag atiak, gaɗappa tonak iitta ele, gaɗa uɗikkudppa appa hakkab eppak ele anidkku amu,