Jon 7:18 - Nobonob Baibel

¹⁸ Am danab laa nug nukka nuhig dabmakppa nai maditte amu, nug nukka binag okkai aokkun hette. Amge danab laa, nug laa me uɗiom ele, nug binag mette amu, danab amu nug doyak diig genabib dim lamidtte; nug nuhigppa eheɗ laa ii daatte.

Jon 7:18 Referans Kwoze

Jon 5:41

Da danab ag da binal mekkulagnu ii dabmettem,

1 Tesalonaika 2:6

Amu ele, ig danab noolagppa binanig aognignu ii hemut; ag noolagppa iitta, danab ah laa noolagppa ele iitta.

Jon 12:28

Jesus Nug anam anana amu, Nug nai tuɗitta aum. “Mame, na heppe, na onin nug binag amahlak oppiaawak ele miag atikkunu oɗ medattem,” awa aum. Anam a amu, baag laa hab attannu na aum. “Da tatam anam hemi, amu da baula anam hekkul,” awa aum.

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.

Matyu 6:9

Am anam amunu, ag inam unuqitteg! ‘Ig Mamenig, na hab attan daattem. Na heppe, ig danab oh ig na onin am oppiaawak daatte dootu!

Prowerb 25:27

Uppuh leppu huana lanaknu am ena iitta; amubia danab nug nukka laa ag nug binag mekkulagnu eeɗadkku am ena iitta.

Namba 11:29

Josua anam aum, amge Moses nug nai nob ma aum. “Na aa da abenal aomyanu baɗattemte? Yawenu danab ah oh ag propet daaglagnu, Yawe Nug nuhig Ouɗi nuhikkud danab ah oh madakkunu ool daatte,” awa aum.

Jon 11:4

Jesus Nug amu doya aum. “Oɗe amunu gogppa tak am mauhak, ⌊wan imuppa baula daamanu⌋ iitta. Iitta. Oɗe imuppa Kayak Nug binag amahlak oppiaawak ele awebeb, Kayak Bekka da, da ele amuppa binal amahlak oppiaawak ele aokkulnu daatte,” awa aum.

Jon 8:54

Aon aeg amu Jesus oɗelagppa awa aum. “Da dakka da binal amahlak oppiaawak ele daakkulnu hekkul dayeb amu, dahil binal amahlak oppiaawak ele amuam hamu. Amge da Mamel, ag nuhignu, ‘Nug am ihinig Kayak,’ oɗelagib atteb amu, Nug da binal amahlak oppiaawak ele daakkulnu hette.

Jon 12:43

Ag danab ag binalag mekkulagnu oolag mauhttom. Kayak Nug ag binalag mekkunu amu, ag amunu oolag ii mauhom.

1 Jon 2:29

Ag Kristus Nug genab tutukku hak danab daatte dootteb amunu, ag imu ele doyeg! Danab ag genab tutukku hak kobolppa oitteb amu, ag aakku Kayak bekka daatte.