Jon 7:16 - Nobonob Baibel

¹⁶ Ag anam mattieg amu, Jesus Nug ag amelagppa aum. “Da nai ag amelagppa madittem ele imuam dahil iitta. Kayak, Nug da meiɗe uɗimi ele, da nuhig nai madittem.

Jon 7:16 Referans Kwoze

Jon 14:24

Laa nug dahilnu oo ii mauhtte ele, nug nai dahil ele dim ii lamidtte. Am ag dootteb, nai amuam dahil iitta. Nai amuam Mame, Nug da meiɗe uɗimi ele, am nuhig nai.

Jon 14:10

Da Mame nuhigppa daattem, Mame Nug dahilppa daatte. Pilip na amu ootppa genab iite doottem?” awa aum. Jesus Nug anam mattiowa, Nug nai tuɗitta ag oh amelagppa aum. “Nai da ag amelagppa madittem ele imu, amuam da dakka, dahil dabmakppanu iitta. Mame Nug dahilppa daatte, Nug nuhig uɗat dahilppa hette.

Jon 17:8

Nai oh na da meɗame ele amu, da ag mattai aoppig. Da nahip-ppanu uɗimi amu, ag genab dootteb; na da meiɗe uɗimi, ag amu ele oolagppa genab dootteb.

Jon 5:30

Am da dakka dahil dabmakppa keeke laa hekkulnu elele iitta. Iitta. Da Mama toppanu nai aomi, amuppa da danab epeɗiadttem amunu, dahil epeɗiak am tutukku. Aɗinu? Da dakka dahil dabmak ii dim lamidttem. Iitta. Laa Nug da meiɗe uɗimi ele, Nug oo niitte amuib da dim lamidttem.

Jon 17:14

Nai nahip amu da ag mattai, amu danab ah wannu kobol dim lamadtteb ele ag dahilad imu dilagnu oolagppa nau ninig ele dootteb. Aɗinu? Da wanppan danab ah wannu kobol dim lamadtteb ele laippu iitta, amubia ag ele wanppan danab ah wannu kobol dim lamadtteb ele laippu iitta.

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.

Jon 3:11

Genabnab genab da na amenppa attem. Keeke ig doottem ele amu, ig amunu mehuqttem, keeke ig anidttem ele amu, ig amunu madittem, amge ihinig mattiak amu ag ii aotteb.

Jon 6:44

Am laa nug nukka dahilppa dokkunu elele iitta. Mame, Nug da meiɗe uɗimi ele amu, Nug laa amu ehanidkku dayeb aakkuib, nug dahilppa dokku. Dokku amu, da nug wan haen malakppa maɗedakkul.

Jon 3:31

Am laa Nug hab aabppanu nette amu, Nug keeke oh eɗittak daatte. Laa nug wanppa bette amu, nug wan imuppanu keekeib maditte. Laa Nug hab aabppanu nette amu Nug keeke oh eɗittak.

Revelesen 1:1

Kayak Nug Jesus Kristus Nug nuhikkud maɗi nid, ag aɗi keeke bekkunu daatte ippunadkkunu Jesus ippunittom. Ippunitte, Jesus he, nuhig engel laa Jon amu ippunitteb, nug amu bukppa yaakkunu uɗiom.

2 Jon 1:9

Am aun laa nug Kristusnu ippunittakppaib ii daatte, nug nukka nuhig dabmakppa, dabmak hambuppuak laala ele tuɗidtte amu, nug Kayak ele laippu ii daattep. Am aun laa nug Kristusnu ippunittakppa daatte amu, nug Mame amu Nug Bekka ele oh laippu daatteb.