Jon 6:69 - Nobonob Baibel

⁶⁹ Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Jon 6:69 Referans Kwoze

Jon 11:27

Jesus anam a amu Marta aum. “Ao Naɗi, na am Kristus. Na Kayak Bekka wan imuppa uɗime. Da amu oolppa genab doottem,” awa aum.

Luk 9:20

Nuhig ippunittak awak danab ag anam aeg amu, Jesus eɗua ag oɗ mattom. “Anam aakku amge ag akka, ag dahilnu aɗi atteb?” awa aum. A amu Pita nug aum. “Na am Kristus; Kayak meitte uɗime!” awa aum.

Mak 8:29

Anam aeg amu Jesus Nug aum. “Anam amge ag akka, ag dahilnu aɗi atteb?” awa aum. Awa a amu Pita nug aum. “Na am Kristus!” awa aum.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

Rom 1:3

Nai ena amuam Kayak Nug bekka, ihinig Naɗi Jesus Kristus, nuhignu nai. Wan imuppan menuakppa amu, Nug Dawit buɗubppa aakku doum.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Jon 1:41

Amu nug paha ukka, Saimon antta, nug amegppa aum. “I Mesaia aakku anidmuɗ,” awa aum. Mesaia diig am, danab laa Kayak Nug Nug wan imu ohnu okkai daakkunu epeɗiom. Grik naippa Mesaia eɗuak amu Kristus.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Mak 1:24

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib,” awa aum.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Mak 1:1

Kayak Bekka Jesus Kristusnu Nai Ena am inam niitte.

Jon 10:36

amunu aɗinu ag dahilnu, ‘Nug Kayaknu dabittak nai maditte,’ atteb? Kayak Nug da tituaniɗa, meiɗe wanppa uɗimi. Nug anam heum, amu anukka Nug wan imuppan danab laa dilag, ‘Ag am Kayak ganiappud,’ aum amunu, ‘Da am Kayak Bekka,’ haen da ami am, aɗinu ag amunu, ‘Nug Kayak aben aokkunu hette,’ aon appig.

Epesus 4:13

Uɗat amu ukkeb ukkeb, ig oh oonigppa genab doyaknu, ig oonig laippu meta, Kayak Bekkanu doyak laippu aota, danab kalunig ele beta, ig Kristus bia bekkunig.

1 Jon 4:16

Ig Kayak Nug ihinignu oo mauhtte doottem, amu ig oo mauhak amunu oonigppa genab doottem. Kayak Nug oo mauhak kobolnu diig daatte. Laa nug oo mauhakppa daatte, nug aakku Kayak, nuhigppa daatte, amu Kayak ele nuhigppa daatte.