Jon 6:50 - Nobonob Baibel

⁵⁰ Amge bret hab aabppanu neum am daib, amu laa nug bret imu lakku dayeb amu, nug ii mauhma, bau daakku.

Jon 6:50 Referans Kwoze

Jon 6:33

Bret Kayak madatte ele, amuam laa hab aabppanu neum. Bret amu Nug wanppan danab ah bauklel madatte,” awa aum

Rom 8:10

Ag hipunin heppig amunu, ag beɗulag mauhtte, amge Kristus ag oolagppa daatte dayeb, ag ouɗilag bauklel daatte. Aɗinu? Kayak Nug ahilagnu, “Genab tutukku hak danab,” aum.

Jon 6:58

Bret imu amu ag mamelkad aɗi maana lappig, amge dimppa mauhppig, am amubia iitta. Bret imu am hab aabppanu neum, am aun nug bret imu latte amu, nug haen oh bau daakku,” awa aum.

Jon 6:51

Bret bauklel ele hab aabppanu uɗiom am da. Am laa nug bret imu latte amu, nug bauklel hanhan daakku. Amu ele bret da wanppan danab ah bauklel daaglagnu madakkul ele imuam, da beɗul,” awa aum.

Jon 8:51

Da genabnab genab ag amelagppa attem, laa nug dahil ippunittak nai awa dim lamidkku dayeb amu, nug iinab mauhma,” awa aum.

Jon 6:42

Ag inam mattinna appig. “Danab umu Nug am Jesus, Josep bekka. Nug anig mameg ele amu ig iite doottem? Attem he Nug, ‘Da hab aabppanu uɗimi,’ awa atte?” aon appig.

Jon 3:13

Laippu laa nug hab aabppa ii teum. Iitta. Danab Bekkalag da aakkuib appa dayeye, hab aabppanu uɗimi.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Jon 6:47

Genabnab genab da ag amelagppa attem. Aun nug dahilnu ooppa genab dootte ele, nug bauklel hanhannu ele awom daatte.