Jon 6:45 - Nobonob Baibel

⁴⁵ Propet dilag yaakppa, nai inam niitte. ‘Danab ah oh am Kayak nukka nuhig kobol ippunadkku.’ Aria aun aɗi Nug ag ehanatta ippuanatte, ag Mame oɗe doona, nuhig kobol aona amu, ag dahilppa dotteb.

Jon 6:45 Referans Kwoze

Aisaia 54:13

Danab ah oh Jerusalem daatteb, Juda laa oh ele amu, Yawe Nug ib tutukku ippuanatteb, ag maɗoɗnab daaglag.

Hibru 10:16

“Naɗi Nug atte. Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ag oolagppa daakku. Ao, da heppi, dahil ɗo oh ahilag dabmakppa daakku.”

1 Tesalonaika 4:9

Amge layagnu oo mauhak kobolnu amu, da nai laa yaakkulnu uɗat laa ii daatte. Keeke amunu amu, Kayak Nug ag ippuanatta malom.

Maika 4:2

Danab ah wanppan wan kuɗumppanu ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” Ag anam aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Aisaia 2:3

Danab ah huu kuɗumnabppanu geha ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Jon 6:65

Jesus Nug anam ana, Nug nai tuɗitta mattiaya aum. “Diig amunu da ag amelagppa ami. Laa nug nukka nuhig dabmakppa amu da gumiɗa ii doma. Iitta. Mame Nug laa ehanidtte, nug aakkuib da gumiɗa dotte,” awa aum.

Jon 6:37

Amu danab ah aun Mame Nug da meɗatte ele, ag oh dahilppa dokkulag, am aun nug dahilppa dotte amu, da nug ii geɗidpa.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Epesus 1:17

ihinig Naɗi Jesus Kristusnu Kayak, Nug am ig Mamenig, Nug binag amahlak oppiaawak ele, Nug ag Ouɗi matteb, ag nuhig nainu diig, Kayak ele tutukku dooglagnu ool dayeye unuqidttem.

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Luk 18:31

Amu Jesus Nug nuhikkud ippunittak awak danab 12 diia piɗe bia wana, amelagppa aum. “Doyeg, ig gemu iikku Jerusalem gottem. Kayaknu propet ag anukka Danab Bekkalag da, dahilnu Kayak aum oɗe madippig amu, nai amu gemu meu okku.

Mak 1:2

Anukka Kayak Nug ⌊Nug bekka Jesus amegppa alo amubia Nug⌋ propet laa onig Aisaia amegppa a, Aisaia nug nai awa yom amu, Nai Ena amu anam digmeum. Aisaia nug inam yom. “Antte! Da heppi, dahil nai awa ukkak danab laa nug anuqa ukka, nahip ib bappaidkku.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Aposel 7:42

Ag anam heeg, Kayak Nug heqo matta, ‘Ag eheɗ hekkulagnu oolag dayeb amu uuadpput heig!’ awa aum, amu ag aam, kalam, hoɗoppai ele noolagppa dup nona binalag menana, propet naippa, nai daatte bia heppig. Nai amuam inam. ‘O Israel danab ah, ag atu taɗakppa maɗ 40 oinna, ag ⌊oolag genab meɗan, da ool hette bia⌋ ofa iɗu iɗu meɗappigte. Iitta!

Aposel 13:40

Ib laa iitta amunu ag kobol laa, propet ag amunu anukka appig ele, ag amu hemananu dabmeig! Propet ag inam appig.

Pilipai 3:15

Amu ig oh ig danab kalunig ele daattem amu, ig da nai ami amubia dabmetu! Amu ag dabmak laa ele, dahil bia iitta daappeg amu, Kayak Nug nukka ahilag dabmak tutukku medakku.

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!