Jon 6:19 - Nobonob Baibel

¹⁹ Duban ahe, haen ag uub el qena, nakok 5 o 6 kilomita anam ukkaegeg, Jesus Nug le qaɗeppa tappa, ag gukkuatta do anidna, ag eheɗ nau baɗappig.

Jon 6:19 Referans Kwoze

Jon 14:18

Da ag nid laa, nug anig mameg ele mauhpiɗ, nukkanab daatte, da amubia ii uuadpa. Iitta. Da gumatte uɗikkul.

Sam 93:4

Yu naɗippa, duban okkai, anam aakku uɗin heegeg, oqotti huana otte, amge O Yawe, na attan daattem amu, nahip ɠagattag am yunu ɠagattag amu eɗidtte. Yo, duban naɗi okkai, ag am ebehilag ele, amge Yawe, na attan daattem, nahip ɠagattag amu eɗidtte.

Job 9:8

Kayak, laa iitta, Kayak Nug nukka hab babaittom; Nug nukka yu duban qaɗeppa oitte.

Jona 1:13

Jona nug anam aum, amge uub gumak danab ag langppa eeɗkkulagnu wagai meppig. Ag anam heppig, amge ulah tuɗitta, naɗi naunab heum amunu, ag langppa eeɗkkulagnu elele iitta.

Esekiel 27:26

Na amubia daattem, amu uub laan elqak danab ag uub elqeegeg, uub aakku yu gamagppanab ukke, amge ulah kaɗag nau uɗia eheɗnab heehe, uub yu gamagppa nauhtte, amubia na nauhkkut.

Sam 29:10

Yawe Nug yu okkai gumatte. Ao, Nug king okkai hanhannu daatte.

Revelesen 21:16

Aab okkai amu nuhig melemel laih laih am attan ele am laippuib. Engel nug aab okkai amu nuhig melemel maknu keekeppa melemel meum amu, nuhig laih laih amu attan ele oh am okkainab, 2,200 kilomita.

Revelesen 14:20

Amu ag grep meu, grep meu tappa leppu awaknu aben aab okkainu aɗ dimittim appa bappaidppigppa tabappig. Tappaeg, grep leppu noa amba eɗua tiig ba, leta dimittim ukka, 296 kilomita ukkom. Unuqag nuhig am hapahapa ewam bia.

Jon 11:18

Jerusalemnu Betani ukkak am 3 kilomita bia, umanab iitta

Luk 24:13

Amu deɗ amuppaib ag oolagppa danab aɗit aa aab nakok onig Emaus appa gokkulahnu gopiɗ. Ib Jerusalemnu aha Emaus ukkak am 11 kilomita anam.

Luk 9:42

Nug anam a amu nug nid amu awa, Jesus toppa doodo, ouɗi nau am nid buɗie, na qa, wanppa hahaɗom. Nug anam heum, amge Jesus Nug ouɗi nau nid amu uua gokkunu haknunab ana he, nid ena daye, awa eɗua, mameg mettom.

Jon 6:18

Ukkaegeg, ulah huanak digmeum amunu, duban digma ahom.

Jon 6:20

Ag baɗappig amge Nug ag amelagppa aum. “Ag aib baɗappig, imu daib,” awa aum.