Jon 5:5 - Nobonob Baibel

⁵ Aria, danab laa appa dayom amu nug maɗ 38 diɗi aɗak ele daattom.

Jon 5:5 Referans Kwoze

Aposel 3:2

Ukkaeh, danab laa ag danab laa, nug baekuɗ kubuku bata noak kaliak daapiɗ, ag nug maon uɗippig. Nug anig ooppanu anam doum. Ag deɗ oh nug aon gona, Kayaknu mettid lagnu aɗ odppa, od amunu ag, Anttaknu Enanag atteb, amu gukkuidna meeg dayeye, danab ah ag Kayaknu mettid lag ooppa noegeg, men doɗo mettaglagnu unuqadkkunu dayom.

Luk 8:43

Ukkaegeg, ah laa ele appa dayom amu, nug tiig nak oɗe maɗ 12 nuhigppa dayom. Iitta ii mettom. Nug dokta gumatta ukke bappaidnana, ehanidkkulagnu elele iitta, nug men doɗo nuhig iitta meum, amge nug eɗua ena ii dayom.

Mak 9:21

Anam heehe amu Jesus Nug nid mameg oɗ mettom. “Nid imu nug inam hette ele amu, haen adekkuppanab digmeum?” Awa a amu nid mameg nug aum. “Nug nid nakokppa imu digmeum.

Aposel 14:8

Am Listra appa danab laa dayeye anidpiɗ. Nug baekuɗ kaliak amunu ii oiyom, dayakib dayom. Nug anig ooppan baekuɗ amu anam ele doa, laa ii oiyom.

Luk 13:16

Amu ah imu, nug amu Abraham aɗeg laa, am Satan nug maɗ 18 oɗe metta aɗa dayom. Amu diig aɗinu da Sabat deɗppa da nug beɗu ii uhuqkkul? Am aɗinu amuam elele iitta?” awa aum.

Aposel 9:33

Daanna aab amuppa Pita nug danab laa anttom, nug onig Ainias. Nug eppeg baeg ele mauhak amu, nug maɗ eblaih ewam ele anam abenppa niiakib niiom.

Jon 9:1

Jesus Nug ukka wana, ib man ugakka, danab ameg gaɗuak ele anttom. Nug anig ooppanu ameg gaɗuak ele anam doum.

Jon 5:14

Danab amu nug Jesus ii doyom, amge dimppa Jesus Nug danab amu Kayaknu mettid lakka appa antta amegppa aum. “Antte! Gemu na beɗun pahaettom. Uug naɗinab na tonidmanu, na hipunin tuɗidna aib heme,” awa aum.

Aposel 4:22

Danab nug kobol danab haknu elele iitta, amuppa eɗua ena dayom ele amu, nug nuhig maɗ 40 anam amunu, diig amunu danab ah ag Kayak binag meppig.

Jon 9:21

Amge attem ha, nug aakku neegtte, o aun nug ameg he, ena dayom amu i ii doottep. Ag nug oɗ metteg! Nug okkai meum. Nug nukka nuhig nai mattieb doyeg!” aoya apiɗ.

Jon 5:4

((Ag le amemɗul mettak ameg mena daadttappig. Haen laala engel nug le amuppa na, le amu amemɗul medattom. Le amemɗul mettak male amu, aria danab aun nug tatam anuqa leppa nottom, nug oɗe nuhig attemutai ele amu, haen aguppa nug ena daattom.))

Jon 5:6

Jesus Nug danab amu niieye antta, Nug oɗe haen elab niiom amu Nug doya, danab amu oɗ mettom. “Na ena daakkutnu oot daattete?” awa aum.