Jon 5:30 - Nobonob Baibel

³⁰ Am da dakka dahil dabmakppa keeke laa hekkulnu elele iitta. Iitta. Da Mama toppanu nai aomi, amuppa da danab epeɗiadttem amunu, dahil epeɗiak am tutukku. Aɗinu? Da dakka dahil dabmak ii dim lamidttem. Iitta. Laa Nug da meiɗe uɗimi ele, Nug oo niitte amuib da dim lamidttem.

Jon 5:30 Referans Kwoze

Jon 6:38

Aɗinu? Da hab attannu wanppa uɗimi amu, da dahil dabmaknab awak dim lamidkkulnu ii uɗimi. Iitta. Da am laa, Nug da meiɗe uɗimi ele, da nuhig dabmaknab awak dim lamidkkulnu uɗimi.

Jon 5:19

Juda okkai ag amunu eheɗ dooppig amunu, Jesus Nug amelagppa inam aum. “Genabnab genab, da ag amelagppa attem. Kayak Bekka da, dahil dabmakppa keeke laa ii hettem. Iitta. Da Mamel he anidmi amu, da ele anamib hettem. Keeke oh Mama hette amu, Nug Bekka da, da ele hettem.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Jon 14:10

Da Mame nuhigppa daattem, Mame Nug dahilppa daatte. Pilip na amu ootppa genab iite doottem?” awa aum. Jesus Nug anam mattiowa, Nug nai tuɗitta ag oh amelagppa aum. “Nai da ag amelagppa madittem ele imu, amuam da dakka, dahil dabmakppanu iitta. Mame Nug dahilppa daatte, Nug nuhig uɗat dahilppa hette.

Matyu 26:39

Nug anam awowa, Nug nakok baula wana ukka, appa Nug laippun gateg qaun o, gomela, iɗu wanppa ma, unuqitta aum. “O Mama, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu da ii lapa, amge na dahil dabmaknab aottem ii dim lamidmana. Iitta. Na nahip dabmaknab aottem amuib dim lamidkkutnu ool daatte!” awa aum.

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.

Rom 15:3

Aɗinu? Kristus ele, Kayak naippa nai nuhignu daatte amu, Nug nukka nuhig dabmak ii dim lamidttom. Nai amuam inam. “⌊O Kayak,⌋ danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.”

Jon 8:50

Da dakka da binal amahalak oppiaawak ele daakkulnu ii hettem. Iitta! Laa, amuam Kayak, Nug da amu ele daakkulnu hette. Nug da epeɗila, eheɗ laa ii anidtte.

Jon 8:42

Aeg am Jesus amelagppa aum. “Ag Mamelag genab Kayaklob, ag dahilnu oolag mauhlo. Aɗinu? Da Kayak ele daaɗa uɗimi. Da dahil maittakppa ii uɗimi. Iitta. Kayak Nug da meiɗe uɗimi.

Jon 17:4

Uɗat na da meɗame amu, da hein malami, amuppa da wan imuppa na binan amahlak oppiaawak ele mettami.

Sam 96:13

Ao, ag Yawe noobppa daanna, ahi ettaglag. Aɗinu? Nug wan imuppa uɗitte. Ao, Nug wan imu epeɗikkunu uɗitte. Nug genab tutukku hak kobol dim lamittatta, Nug danab ah epeɗiadkku. Ao, Nug doyak diig genabib dim lamittatta, danab ah oh epeɗiadkku.

Jon 18:11

Anam he amu Jesus Pita amegppa aum. “Na nahip qep elab eɗun abenppa me! Attemu? Le mua kap-ppa daatte, Mame meɗom ele amu, da iite lapa?” awa aum.

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Rom 2:2

Na nakka na anam epeɗiak pehettak ii hettem, amge ig doottem, Kayak Nug anam ii hette. Nug danab kobol nau anam hetteb ele amu, Nug ag nob nau tutukkuib, doyak diig genabib ippunigtte bia madatte

Aisaia 28:6

Yawe Nug geha danab ag epeɗiak danab daatteb, Nug ag nai doya mala hettoɗia epeɗia elele mettak kobol elele hekkulagnu doyak ena matteb heppeg, amu Nug daup ag aab okkainu odppa daan, kekeɗ ag ooppa nona, danab ah aqamnanu ib oo netteb ele amu, Nug ag ɠagattag aqadkku.

Sepanaia 3:15

Aɗinu ag Israel danab ah ag amu hekkulag? Yawe Nug ag bu aoglagnu nai daatte am heeb, bu awak amu am iitta meeb, ag baula ii aomna. Nug ahilkad kekeɗ lamadkku. Yawe, Nug am Israel dilag king daatte, Nug Israel danab oolagppa daakku amunu, ag Israel, ag baula uug naunab laa ahilagppa tekkunu ii baɗamna; iitta.