Jon 5:18 - Nobonob Baibel

¹⁸ Amuppa Juda okkai ag Jesus qeppeg mauhkkununab oolag dayom. Aɗinu? Nug Sabat deɗnu ɗoib ii tippalom. Iitta! Nug, “Kayak Nug am da Mamelnab,” aum amunu, nai amuppa Nug Kayak ele, elele elele daattep ippuanattom.

Jon 5:18 Referans Kwoze

Jon 10:33

Jesus anam a amu Juda ag appig. “Ig uɗat ena laa dabmeta, na menppa oidpput mauhkkutnu ii hettem. Iitta. Na Kayaknu dabittak nai madittem. Na danab hamu amge na, ‘Da am Kayak,’ aon ame amunu, ig hettem,” aon appig.

Jon 10:30

Da Mamel ele amu i am laippu,” awa aum.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Jon 8:58

Anam aeg, Jesus ag oɗelagppa awa aum. “Da genabnab genab ag amelagppa attem. Abraham ii dayom haenppa da daami, gemu daattem, butti aɗi daakkul,” awa aum.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Pilipai 2:6

Amuam inam. Nug am Kayak genab dayom, amge Nug Kayak daatte, Nug amubianab daakkunu wagai ii meum.

Revelesen 22:3

Amu keeke oh, Kayak Nug amunu oo iinab dayom ele amu, Kayak Nug heeb, iitta mekkulag; keeke amu baula ii daamna. Kayak amu Sipsip Nag ele, ahilah sia king aab amuppa daakku. Dayeb, Kayaknu maɗi nid ag Nug waappa daan Nug oɗe dim lamidkkulag.

Revelesen 22:1

Amu dimppa engel nug le laa, le amuam bauklel le, nug le amu ippuniɗom. Le amuam men onig kristal, dubuttid nakok laa iitta, amubia dubuttid nakok laa iitta ele daatte. Le amuam Kayak amu Sipsip Nag ele, ahilah sia kingppanu ba

Jon 8:54

Aon aeg amu Jesus oɗelagppa awa aum. “Da dakka da binal amahlak oppiaawak ele daakkulnu hekkul dayeb amu, dahil binal amahlak oppiaawak ele amuam hamu. Amge da Mamel, ag nuhignu, ‘Nug am ihinig Kayak,’ oɗelagib atteb amu, Nug da binal amahlak oppiaawak ele daakkulnu hette.

Jon 7:19

Anukka Moses nug ag ɗo mattom, amge ag oolagppa laippu laa nug ɗo amu tutukkunab dim ii lamidtte amunu, aɗinu da iuppeg mauhkkulnu hetteb?” awa aum.

Jon 7:1

Keeke amu oh dimppa Jesus Nug laih Galili appa ukka oiyom. Juda wanppanu Juda okkai ag Nug qeppeg mauhkkunu heppig amunu, Nug wan amuppa oiyaknu uua aha ukka, Galili appa oiyom.

Jon 5:16

Nug anam a, Jesus Nug keeke amu Sabat deɗppa heum dooppig amunu, diig amunu Juda okkai ag digmena, Jesus eheɗ hedappig.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Jon 14:9

Pilip anam a amu, Jesus aum. “Pilip, haen elabnab da ag ele daamut, am na iite dooiɗttem? Danab nug da aniɗtte amu, nug Mama anidtte. Am aɗinu na Mama anidkkutnu oɗ meɗattem?

Matyu 12:5

Laa ele amu, mana mettak danab dilag uɗatnu yaak ɗoppa niitte amu, ag Sabat deɗppa Kayaknu mettid lakka uppa uɗat amu hetteb, amge am hipunin iitta, ag amu iite ebqeppig?

Jon 1:19

Aria, deɗ laa Juda okkai ag Lewi buɗubppan mana mettak danab, Lewi buɗubppan mana mettak danab iitta ele Jerusalem appanu Jon nukka nuhignu oɗ mettaglagnu maatteg gona, “Na am aun?” ana oɗ mettaeg, Jon nug nai anana,

Jon 5:15

Jesus anam a amu, danab amu nug ukka, Juda okkai amelagppa aum. “Danab Nug he, da ena daami ele, Nug am Jesus,” awa aum.

Jon 5:17

Ag anam heppig, amge Jesus Nug amelagppa aum. “Mama Nug hanhan uɗat heehe uɗiom, gemu ele haaha daatte, amu da ele uɗat hettem,” awa aum.