Jon 4:45 - Nobonob Baibel

⁴⁵ Amu haen Nug ukka, Galili teum amu, Galili danab ag ele Pasowanu Hobulppa gona, ag Jesus Jerusalem appa hobul amuppa uɗat heehe anidppig, diig amunu ag Nug ele laippu dayaknu oolagppa eleleib dooppig.

Jon 4:45 Referans Kwoze

Jon 2:23

Amu Jesus Nug Jerusalem appa Pasowanu Hobul amuppa dayaya, Kayak dabmettaknu kobol danab haknu elele iitta kuɗum heehe, danab ag anidna, nuhignu oolagppa genab dooppig.

Jon 3:2

danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.

Duteronomi 16:16

Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

Luk 9:53

Amge danab aab amuppanu ag Jesus ele laippu dayaknu oolagppa eleleib ii dooppig. Aɗinu? Ag dooppig, Nug Jerusalem tekkunu ɠagattag dabmeum.

Luk 8:40

Haen Jesus Nug Galili le ameg heqo laihnu eɗua uɗie amu, danab ah kuɗum ag Nug ele laippu dayaknu oolagppa eleleib dooppig. Aɗinu? Ag oh Nug ameg mena daappig.

Luk 13:1

Haen amuppa amu danab laala ag daanna, Galili danab laala ag mana mettak heegeg, Pailat he, aqaeg mauhppig amu, ag amunu Jesus amegppa appig.

Jon 4:54

Jesus Nug Judanu Galili uɗia, Nug Kayak dabmettaknu kobol danab haknu elele iitta ebqak aɗit aakku heum.