Jon 4:3 - Nobonob Baibel

³ Ɗo gumak danab-Parasia ag nai amu doyeg, Jesus Nug amu doyom amunu, Nug Juda uua, eɗua Galili ukkom.

Jon 4:3 Referans Kwoze

Matyu 10:23

Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.

Jon 11:54

amunu, Jesus Nug baula Juda oolagppa miag atiak ii oiyom. Nug aab amu uua, aha aab laa onig Epraim, atu taɗak guguittak, appa ukkom. Ukke, nuhikkud ippunittak awak danab ele ag aab amuppa daappig.

Jon 10:40

Anam daye amu, Jesus Nug eɗua Jodan le mataɗa, anukka Jon nug danab ah digma layattak mattomppa, appa ukka dayom.

Jon 3:22

Anam matti malaeh, dimppa Jesus Nug nuhikkud ippunittak awak danab ele ag Jerusalemnu ahan, Juda wanppa aben laih gona, Nug ag ele deɗ laala daanna, danab ah layattom.

Jon 2:11

Aria, Jesus Nug amu heum amu, amuppa Nug Kayak dabmettaknu kobol danab haknu elele iitta, kobol amu hekkunu digma heum. Nug Galilinu aab Kana appa anam ha, amuppa Nug Nug binag amahlak oppiaawak ele he miag atie, nuhikkud ippunittak awak danab ag nuhignu oolagppa genab dooppig.

Jon 1:43

Wagɗe deɗ amuppa Jesus Nug Galili gokkunu dabmaama, Nug Pilip, nug am Betsaida ted, nug Andru, Pita ele, ag oh appalag laippu amu, Jesus Nug nug mattia antta amu nug amegppa aum. “Na da dim lamiɗe!” awa aum.

Mak 3:7

Jesus Nug anam he amu, Nug nuhikkud ippunittak awak danab ele ag ahan, aab amu uun, Galili le amegppa ukkaegeg, danab ah kuɗumnab Nug dim lamidna uɗippig. Ag Galilinu,

Jon 3:32

Laa Nug hab attannu neum amu, keeke Nug doya malom, keeke Nug anttom ele, Nug amunu maditte, amge laala ag oolagppa genab ii dootteb.

Luk 17:11

Amu Jesus Nug Jerusalem ukkaknu ib amu dim lamitta, nug Samaria, Galili ele dilah tomppa ukka,

Jon 4:47

Haen amu danab amu nug Jesus Judanu aha, Galili teum doya, nug ab, Jesus Kaperneam ukka heeb, bekka ena daakkunu unuqkkunu ukkom. Aɗinu? Nug bekka oɗe ele amu nug mauhkkunu miag dayom. Danab amu ukka, Jesus gumitta ta, nug bekkanu Jesus unuqitte,

Jon 7:1

Keeke amu oh dimppa Jesus Nug laih Galili appa ukka oiyom. Juda wanppanu Juda okkai ag Nug qeppeg mauhkkunu heppig amunu, Nug wan amuppa oiyaknu uua aha ukka, Galili appa oiyom.