Jon 4:20 - Nobonob Baibel

²⁰ na appe doyei! Ig mamenkad amu, ag qauko imuppa dup noa binag mak kobol heppig, amge ag Juda, ag ig danab ah oh Jerusalem appa dup noa binag mak kobol hekkunignunab daatte atteb. ⌊Anam amu ig attem hekkunig?⌋” awa aum.

Jon 4:20 Referans Kwoze

Duteronomi 27:12

Haen ag Jodan le mataɗna wana amu, Israel dilag huu okkai Simeon, Lewi, Juda, Isakar, Josep, amu Benyamin ele ag qauko Gerisim appa danab ah itadkkulagnu dayeg!

Duteronomi 11:29

Aria, haen Yawe, ahilag Kayak, Nug ag wan amu aon daaglagnu omalatteb, wan amu ooppa wakkulag dimppa amu, ag nai imu dabmekkulagnu, danab laa ag qauko Gerisim igippa daanna, ag Kayak dim lamidna, itittak ena aoglagnu nai eppeg dooglag. Dooppeg, laa ag qauko Ebal igippa daanna, ag Kayak dim ii lamidna, itittak nau aoglagnu nai ekkulagoitte.

2 Stori 7:12

Amu tuqanppa Yawe Nug eɗua, Solomon toppa na, nug amegppa inam aum. “Da nahip unuqittak doye, da lag imu, ⌊na dahilnu buume amu,⌋ da lag amu danab ah amuppa doɗ manan da meɗaglagnu tituanmi.

Luk 9:53

Amge danab aab amuppanu ag Jesus ele laippu dayaknu oolagppa eleleib ii dooppig. Aɗinu? Ag dooppig, Nug Jerusalem tekkunu ɠagattag dabmeum.

Sam 132:13

Aɗinu ⌊Yawe Nug anam aum⌋? Nug Sion tituanom. Nug appa daakkunu oo daatte.

Sam 78:68

Nug Israel dilag huu okkai amu ii tituanom. Iitta. Nug Israel dilag huu okkai Juda epeɗiom. Nug qauko Sion, ⌊qauko amuam Juda wanppa daatte,⌋ Nug qauko amunu oo mauhtte amu, Nug qauko amu tituanom.

2 Stori 7:16

Da, da onil hanhan aguppa daakkunu, da mettid lag imu dahilnu tituana meɗak daakkunu aakku hemi. Danab nug baekkudppa ele laulagppa daatteb, danab nug lag amu dabmedette, aguppa daakkunu oo huana hette, amubia da lag imunu hanhan dookkul.

2 Stori 6:6

Amge gemu da Jerusalem, da onil aguppa daakkunu tituanen, da na Dawit, da na dahilad danab ah, am Israel danab ah, da na ag gumadkkutnu da na tituanidmi,’ awa aum.

1 Stori 22:1

Amu Dawit nug aum. “Yawe Kayak laug am iguppanab daakkuoitte. Manaknu ofa haknu qaɗab, Israel danab ah ag amuppa doɗ manadna, Kayak mettaglag ele iguppa daakkuoitte,” awa aum.

1 Stori 21:26

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Nug anam ha, nug Yawe unuqitte, Yawe doya he, aab aɗu habppannu manaknu ofa haknu qaɗabppa neum.

1 King 9:3

Am Yawe Nug Solomon amegppa inam aum. “Da nahip unuqittak, oot ohppa oɗ meɗak ele na da amelppa ame amu, da doomi. Am da na mettid lag imu, na buume amu, da lag amu dahilnu tituana meɗak daakkunu aakku hemi. Haen oh da onil aguppa daakku. Danab nug baekkudppa ele laulagppa daatteb, danab nug lag amu dabmedette, aguppa daakkunu oo huana hette, amubia da lag imunu hanhan dookkul.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Jon 4:12

Ig alanig Jakop, nug le moɗ imu mekkom. Nug, nug bekkod, amu nuhikkud makau sipsip ele ag anukka le imu ladappig, amu na nug eɗidttemte? Iitta!” awa aum.