Jon 4:1 - Nobonob Baibel

¹ Haen amuppa ɗo gumak danab-Parasia ag, “Jesus Nug ippunittak awaknu danab aokkunu Jon eɗitta, danab ah kuɗum diia layadtte,” nai anam dooppig.

Jon 4:1 Referans Kwoze

Jon 3:26

Ag anam hena amu, Jonnu ippunittak awak danab ag gona, Jon amegppa inam appig. “Ippunittak danab, danab laa Nug na ele anukka Jodan le laihppa daayya, na nuhignu mattime ele, danab amu Nug danab layattette, danab ah oh nuhigppaib gotteb,” aon appig.

Jon 3:22

Anam matti malaeh, dimppa Jesus Nug nuhikkud ippunittak awak danab ele ag Jerusalemnu ahan, Juda wanppa aben laih gona, Nug ag ele deɗ laala daanna, danab ah layattom.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

1 Korint 15:47

Adam tatamnu amu, Kayak Nug wan awa danab amu heum. Adam dimnu amu hab aabppanu uɗiom.

1 Korint 2:8

Wannu haen imuppan ikki danab oolagppanu laa nug doyak dabmak ena ele amunu diig pehettak ii doyom. Iitta. Ag doolob amu, ag Naɗi, Nug binag amahlak oppiaawak ele, ag Nug emaitakppa ii atullob.

Aposel 10:36

Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.

Revelesen 19:16

Lamen elab nuhigppa amu nug tuɗippa ele onig imu yaak ele dayom. “Nug am king dilag King, amu naɗi dilag Naɗi.”

Jems 2:1

O lailad, ag Naɗi ihinig Jesus Kristus, Nug binag amahlak oppiaawak ele amu, ag nuhignu oolagppa genab dootteb amunu, ag danab onilag okkai ele amuib atognoadna, danab onilag iitta ele am keeke hamu bia anadkkulagnu aib heppig.

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Luk 19:34

Aon aeg amu aa apiɗ. “Naɗi Nug nuhignu uɗatab ele,” aoya apiɗ.

Luk 19:31

Aa anam hebepeɗ, danab laa, ‘Aɗinu aa donki amu uhuqttep?’ awa oɗ mateb amu, aa inam aiɗ! ‘Naɗi Nug nuhignu uɗat ele.’ Aa anam aiɗ!” awa aum.

Luk 1:76

Sekaraia nug anam ana, nug nai baula tuɗitta aum. “O nid dahil, na Naɗinu ib bappaidkkutnu, na Kayak, Nug danab nuhikkud hipunin uhuqa mettak ibppa eɗua diikkunu ippunadkkutnu amu na Naɗi noob aon, anuqna gokkut amunu ag nahipnu, ‘Nug am Kayak Attannab Laa Oh Eɗattaknu propet,’ aon akkulag

Luk 7:13

Haen Jesus Nug ah amu antta, nuhignu oo bodoetta le me, Nug ah amu amegppa aum. “Na aib gaame,” awa aum.

Luk 7:19

aa goya Jesus inam oɗ mettaglahnu aum. “Danab laa uɗikkunu aeg doomut am na aakkute o iitta ig laate ameg mekkunig?” Nug anam amelahppa ana, nug he gopiɗ.

1 Korint 1:17

Kristus Nug da danab layadkkulnu meiɗe ii uɗimi. Iitta. Da Nai Ena mehuqkkulnu he uɗimi. Amge da wan imuppan doyak danab nai maditteb bia, da nai ii mehuqmi. Am da nai anam, ag maditteb bia mehuqlom amu, Kristusnu ad emaitak am keeke hamu bia daalo amunu, da amubia ii hemi.