Jon 3:9 - Nobonob Baibel

⁹ Jesus anam a amu, Nikodemus oɗeppa awa aum. “Keeke amu nug attemun anam bekku?” awa aum.

Jon 3:9 Referans Kwoze

Jon 6:60

Aria Jesus Nug anam mattie, nuhig ippunittak awak danab kuɗum ag nai mattiom amu doona amu ag appig. “Nai umuam uug elenab; aun nug dookkunu elele?” aon appig.

Jon 6:52

Jesus Nug anam a amu, Juda laala ag akka akka aeg ona aeg do nai mattin, “Attemnab danab imu nukka nuhig teppu ig mekkeb lakkunig?” aon appig.

Luk 1:34

Anam a amu, Maria engel amegppa aum. “Keeke amuam attemutai bekku? Da danab ii awen, ah makkun daattem,” awa aum.

Aisaia 42:16

Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa.

Jon 3:4

Jesus anam a amu, Nikodemus nug amegppa aum. “Danab nug kaino daatte amu, nug attemun eɗua bau menuak aokku? Nug baula anig ooppa nob, anig nug eɗua menukkunu elelete?” awa aum.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Jon 3:8

Ulah nug adekkuppanu uɗia, atten gotte amu, na ii doottem, nug ukkak nuhigib dim lamidtte. Na nuhig oqotti aakkuib doottem. Amubia danab ah Kayak Ouɗippa bau menuak aotteb ele amu, danab ag amunu diig oh anidna, oolag maidkkunu elele iitta,” awa aum.

Jon 3:10

Nug anam a, Jesus baula Nikodemus oɗeppa awa aum. “Na am Israel dilag ippunittak danab okkai laa, amu attemun na keeke imu ii doottem?