Jon 3:32 - Nobonob Baibel

³² Laa Nug hab attannu neum amu, keeke Nug doya malom, keeke Nug anttom ele, Nug amunu maditte, amge laala ag oolagppa genab ii dootteb.

Jon 3:32 Referans Kwoze

Jon 3:11

Genabnab genab da na amenppa attem. Keeke ig doottem ele amu, ig amunu mehuqttem, keeke ig anidttem ele amu, ig amunu madittem, amge ihinig mattiak amu ag ii aotteb.

Jon 15:15

Maɗi nid nug danab okkai nuhig aɗi hette amu, nug ii dootte amunu, da baula ahilagnu maɗi nid ii attem. Iitta. Da ahilagnu da lailad attem. Aɗinu? Da Mamel keeke oh da amelppa a doomi, amu da amu oh mattiyi ag dooppig.

Jon 1:11

Nug keeke heumppa na dayom, amge danab ag Nug ɗo ii mettan ii aoppig.

Jon 8:26

Da epeɗiak danab nug danab hettoɗiakppa epeɗitte, amubia da ag epeɗiadkkulnu nai kuɗum madikkulnu elele, amge laa Nug da meiɗe uɗimi ele, Nug genabib maditte, da nuhigppa nai aomi amu, da wanppan danab ah amelagppa amuib madittem,” awa aum.

Jon 5:20

Mama Nug dahilnu oo mauhtte amunu, keeke oh Nug hette ele, Nug da ippuniɗom. Nug geha uɗat kuɗum okkainab, keeke amu oh eɗittak ele, ag ottaina dabmak kuɗum aoglagnu ippuniɗkku.

Jon 3:33

Amge danab nug nuhig mattiak doya dabmedatte ele amu, nug Kayak Nug doyak diig genabib diig daatte, nug amu ooppa ɠagattag genab dootte danab ah ippunadtte.

Jon 3:26

Ag anam hena amu, Jonnu ippunittak awak danab ag gona, Jon amegppa inam appig. “Ippunittak danab, danab laa Nug na ele anukka Jodan le laihppa daayya, na nuhignu mattime ele, danab amu Nug danab layattette, danab ah oh nuhigppaib gotteb,” aon appig.

Aisaia 53:1

Aun nug ihinig nainu ooppa genab doyom? Ao, aun nug Yawe Nug nuhig ɠagattag ippunitte, danab amu nug amunu tutukku dabmaama anttom?

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Matyu 7:8

Aun nug Kayak unuqidtte, nug aotte. Aun nug maditte, nug anidtte. Aun nug od qeqaltte, Kayak Nug od matultte.

Jon 18:37

Jesus anam a amu, Pailat nug Jesus amegppa aum. “Na anam attem amunu, na aakku king daattem,” awa aum. Nug anam a amu, Jesus Nug aum. “Na dahilnu, ‘Na am king daattem,’ mattina attem amu na tutukku attem. Da anil nug da doyak diig genabib mehuqeqe oikkulnu menuiɗom. Ge, diig amunu da wanppa uɗimi. Laa oh ag doyak diig genabib dim lamidtteb amu, ag dahil nai dootteb,” awa aum.