Jon 3:17 - Nobonob Baibel

¹⁷ Kayak Nug, Nug Bekka wan imuppa me uɗiom, amge Nug wanppan danab ah epeɗiadkkunu me ii uɗiom. Iitta. Kayak Nug nuhigppa wanppan danab ah eɗua diiadkkunu me uɗiom.

Jon 3:17 Referans Kwoze

1 Jon 4:14

Mame Nug Bekka, wan imuppan danab oh eɗua diiadkkunu me uɗiom, amu ig Nug Bekka anidta, ig amunu iikku madittem.

Luk 19:10

Anam ana, Nug nai tuɗitta aum. “Danab Bekkalag da amu, da danab ag padal meppig daatteb ele, da ag eɗuen diiadkkulnu uɗimi,” awa aum.

Jon 6:57

Mame, Nug bauklel daatte ele, Nug da meiɗe uɗimi amu, da nuhigppa bau daattem amubia, aun nug da laiɗtte amu, nug dahilppa bau daatte.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

Jon 6:29

Aeg am Jesus oɗelagppa awa aum. “Kayaknu uɗat am iikku. Ag Kayak Nug laa me uɗiom ele, ag nuhignu oolagppa genab dooglagnu daatte,” awa aum.

Jon 20:21

Ag anam doyeg amu, Jesus baula amelagppa aum. “Ag maɗoɗ ele dayeg! Mame Nug da meiɗe uɗimi, amubia da ele ag maatti gotteb,” awa aum.

1 Jon 2:2

Nug ad emaitakppa mana mettak bia dayaya, ihinig eheɗ haknu nob nau Nug tiigppa iitta mekkunu he elele mettom. Amge Nug ihinignuib anam ii heum. Iitta. Nug danab ah wan atu ohppa daatteb ele amu, Nug amu dilagnu ele heum.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Jon 11:42

Da doottem, na dahil unuqittak haen oh doottem, amge da danab ah daatteb imu dilag dabmein heina, nai imu na amenppa ami. Amuppa ag na da meiɗe uɗimi amu, ag oolagppa genab dooglag,” awa aum.

Jon 7:29

Da Nug doottem. Da Nug ele daaɗa, Nug da meiɗe uɗimi,” awa aum.

Jon 5:45

Da ag Mame noobppa naippa yaaladkkulnu aib dabmeppig. Danab nug ag naippa yaaladkku ele am Moses. Danab amunu amu ag, ‘Nug ig ehanigkku,’ aon atteb.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Jon 8:42

Aeg am Jesus amelagppa aum. “Ag Mamelag genab Kayaklob, ag dahilnu oolag mauhlo. Aɗinu? Da Kayak ele daaɗa uɗimi. Da dahil maittakppa ii uɗimi. Iitta. Kayak Nug da meiɗe uɗimi.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 17:8

Nai oh na da meɗame ele amu, da ag mattai aoppig. Da nahip-ppanu uɗimi amu, ag genab dootteb; na da meiɗe uɗimi, ag amu ele oolagppa genab dootteb.

Jon 10:36

amunu aɗinu ag dahilnu, ‘Nug Kayaknu dabittak nai maditte,’ atteb? Kayak Nug da tituaniɗa, meiɗe wanppa uɗimi. Nug anam heum, amu anukka Nug wan imuppan danab laa dilag, ‘Ag am Kayak ganiappud,’ aum amunu, ‘Da am Kayak Bekka,’ haen da ami am, aɗinu ag amunu, ‘Nug Kayak aben aokkunu hette,’ aon appig.

Jon 5:36

Amge keeke laa ele, Mame Nug da meiɗe uɗimi amu ippunadtte. Keeke amuam Jonnu nai eɗidtte. Keeke amuam uɗat da hettem imu. Da Mamel Nug da amu hein malakkulnu meiɗe uɗien hettem.

Jon 17:21

O Mame, na dahilppa daattem, da nahip-ppa daattem, amubia ag oh laippu daaglagnu unuqidttem. Amu laa ele, wanppan danab ah wannu kobol dim lamadtteb ele ag na da meiɗe uɗimi oolagppa genab dooglagnu amu, dahilad ag ihinihppa daaglagnu ool daatte.

Jon 5:38

Ele amu, nuhig nai ag oolagppa ii daatte. Aɗinu? Ag laa Nug me uɗiom ele, ag nuhignu oolagppa genab ii dootteb.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Luk 9:56

Daulah bate amu, ag ahan aab nakok laappa goppig.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Jon 6:38

Aɗinu? Da hab attannu wanppa uɗimi amu, da dahil dabmaknab awak dim lamidkkulnu ii uɗimi. Iitta. Da am laa, Nug da meiɗe uɗimi ele, da nuhig dabmaknab awak dim lamidkkulnu uɗimi.

Jon 8:11

Anam a amu ah nug aum. “Naɗi, laippu laa anam ii heum,” awa aum. A amu Jesus aum. “Da ele na nob nau aokkutnu ii apa; na gona hipunin baula aib heme,” awa aum.))

Jon 17:18

Na wan imuppa meiɗe uɗie, wanppan danab ah oolagppa dayeye oimi, amubia da ag maatti, ag ele wanppan danab ah oolagppa daan oiglagnu gotteb.

Jon 17:23

Dahilad ag oolag laippunab daaglagnu, laippunab dayak amuppa ag wanppan danab ah na da meiɗe uɗimi, na dahilnu oot mauhom, gemu ele mauhtte, amubia na dahilad, ahilagnu ele oot mauhom, gemu ele mauhtte ippunadppeg dooglagnu, da ahilagppa daakkul, na dahilppa daakkut.

Jon 17:25

O Mame tutukkunab, wanppan danab ah wannu kobol dim lamadtteb ele ag na ii dooidtteb, amge da na dooidttem, amu dahilad imu ag na da meiɗe uɗimi amu dootteb.

Matyu 18:11

((Aɗinu? Danab Bekkalag da amu da danab hipuninppa nauhppig amu, ag eɗue diiadkkulnu uɗimi.))