Jon 21:23 - Nobonob Baibel

²³ Jesus anam a amu nug laikkud oolagppa ippunittak awak danab amuam ii mauhmanu nai anam naɗi meum, amge Jesus Nug, “Danab amu nug ii mauhma,” ii aum. Iitta! Nug, “Da nug bau anam dayebeb, da eɗue uɗikkulnu ool daatte dayeb amu, amuam nahip keekete?” aakkuib aum.

Jon 21:23 Referans Kwoze

Job 33:13

Aɗinu na Nug amegppa naittuɗ hena, Nug danab dilag nai doya, nob ii medattenu attem?

Duteronomi 29:29

Yawe, ihinig Kayak, Nug haen gemunu keeke, o butti aɗinu keeke amu, Nug amunu diignu doyak tutukku oh ig ii mekkom, amge ig, amu ig buɗunkad ele ɗo mekkom, Nug ig amu dim lamittaknu haknunab anak nai ihinignu aum.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Aposel 6:3

amunu, O lainkad, ig inam hekkunig. Ag oh oolagppanu ag danab eblaih aɗit laa, danab ah ag danab amunu ena elele dootteb, ag Kayak Ouɗi aoppig, ag doyak dabmak ena ele amu, ag danab eblaih aɗit amubia anatteg! Danab amu ig uɗat amu madapput, ag hekkulag.

Aposel 28:14

Aab amuppa am ig Kristen laala anattut, ig deɗ eblaih aɗit ag ele dayota, ig ahat Rom tekkunignu ⌊baenigppa⌋ gomut.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

1 Korint 11:26

Amu genab, ag hanhan Jesus eɗua ii nak haen imuppa, bret imu wain imu ele lanana, ag Naɗi Jesus mauhomnu nai amu mehuqtteb.

Jems 5:7

O lailad, diig amunu ag oolag bodoettak ele daan, Naɗi eɗua uɗikkunu haen ameg meig! Antteg! Dad mameg nug ee meu ena okkunu ameg ma dayaya, nug oo bodoettak ele gu tatamnu, gu dimnu ele ameg mette.

Revelesen 2:25

Iitta. Amge ag keeke aoppig amu, ag amu ɠagattag aɗan daappeg ukkeb, da eɗue uɗikkul.