Jon 21:15 - Nobonob Baibel

¹⁵ Ag ee lana malona daaegeg, Jesus Nug Pita oɗ mettom. “Saimon, Jon bekka, na imu eɗattak dahilnu oot mauhttete?” awa aum. Anam a amu Pita aum. “Naɗi na doottem. Da nahipnu ool mauhtte,” awa aum. Pita anam a amu Jesus aum. “Na dahil sipsip nakkud bekkadna meɗe!” awa aum.

Jon 21:15 Referans Kwoze

Rom 15:1

Ig danab ig oonigppa genab ɠagattag doottem ele, ihinig uɗat am danab ag oolagppa genab ɠagattag ii dootteb ele ag ehanadkkunignu daatte. Ag akka ahilag uug maoglagnu elele iitta amunu, ig ehanadta, uug ahilag maotu! Amu ig ikka ig aɗi hekkunignu oonig daatte amu, ig ihinig dabmak amuib aib dim lamidta oimut.

1 Jon 4:19

Kayak Nug tatam ihinignu oo mauhom amunu, ig oo mauhak kobolppa oittem.

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

Epesus 6:24

Amu Kayaknu ehanittak okkai Nug hamu megatte amu, amuam danab oh ag ihinig Naɗi Jesus Kristusnu ii daye daye oolag mauhtte ele, am ahilagppa dayaɗ!

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

Jon 16:27

Iitta! Mame Nug nukka ahilagnu oo mauhtte. Aɗinu? Ag dahilnu oolag mauhtte, amu ag ele da am Kayak toppanu uɗimi oolagppa genab dootteb.

Jeremaia 3:15

Da Sion omalatten uɗien, da ag, Israel, da ag gumak danab, sipsip gumak danab bia, da gumak danab ena, ag da ool hette bia oolag hekku, da ag maadppi, ag gumadkkulag. Ag doyak ena, diignu doyak tutukku ele aɗan, ag gumadkkulag.

Esekiel 34:23

amu da geha king laippu laa, dahil maɗi nid Dawit, ag madappi, nug ag atognoadkku. Nug geha sipsip gumak danab laa, nug nuhikkud sipsip gumadtte, amubia ag gumadkku.

1 Pita 2:25

Anukka ag am sipsip hetteb, amubia ag ib ettan goppig, amge gemu ag eɗun ahilag gumak danab, sipsip gumak danab bia daatte, ahilag okkai, Nug ag atognoadtte ele amu, ag Nug gumidna uɗippig.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Luk 22:32

amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

Rom 14:1

Aria, danab laa nug ooppa genab doyak nuhig ɠagattag iitta dayeb amu, ag nug aon tamaniak ahilag ooppa omalna noig! Amge ag dabmak laala, dabmak amuam keeke anuqaknu iitta, danab oh ag amunu ele dabmak laippu ii aotteb amu, ag nug ele amunu aib nai appeg ona appeg doum.

Matyu 16:17

Pita a amu, Jesus Nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom

Jeremaia 23:4

Amu da Yawe, da geha gumak danab huu bau laa otiadppi, ag geha danab ah dahilad, ag sipsip bia amu, ag ag ena gumadkkulag. Ag ena gumadppeppeg, ag keeke laanu ii baɗamna. Keeke laa heeb, ag baɗak eheɗ nau ii doomna. Am geha ag oolagppa laippu laa ii padal mema; iitta,” awa atte.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

1 Pita 2:2

Amu ag danab laa nug ee enanag laa lana enanag dootte, amubia ag Naɗinu enanag doona, ag Nug bekkod daatteb amunu, ag ena mekkulagnu, nid yuɗ ag huh aoglagnu oolag okkainab daatte amubia, ag Kayak nai, ag amu dooglagnu oolag dayaɗ!

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Jon 21:12

Anam daye amu Jesus amelagppa aum. “Dona ee laig!” awa aum. Ippunittak awak danab laippu laa nug Jesus ena ii doomanu oɗ metta, “Na aun?” anam laa ii aum. Ag dooppig, Nug am Naɗi.

Jon 21:7

Anam daye amu ippunittak awak danab laa, Jesus nuhignu oo huanak mauhttom ele amu, nug Saimon Pita amegppa aum. “Umu am Naɗi,” awa aum. Anam a, Saimon Pita nug uɗat haaha, ulahnu lamen uɗa dayom ele amu, haen nug, “Umu am Naɗi,” nai amu doya, nug ulah lamen awa ma, oola leppa noum.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

1 Korint 8:11

Na anam hekkut amu doyak nahip am danab laa, nug Kristusnu ooppa genab dootte amge ɠagattag iitta, Kristus nug danab amu eɗua aokkunu mauhom ele amu, nahip doyak he, ib eheɗppa gotte.

Jon 8:42

Aeg am Jesus amelagppa aum. “Ag Mamelag genab Kayaklob, ag dahilnu oolag mauhlo. Aɗinu? Da Kayak ele daaɗa uɗimi. Da dahil maittakppa ii uɗimi. Iitta. Kayak Nug da meiɗe uɗimi.

Mak 14:29

Nug anam a amu Pita nug Jesus amegppa aum. “Danab laa oh ag nahipnu uug doon, uuidna oolna gokkulagtai, amge da am anam ii hepa!” awa aum.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Genesis 33:13

Awa a amu, Jakop nug aum. “O naɗi dahil, na doottem. Nid naunau dahilad ag ɠagattagnab iitta, amu ele, da sipsip, makau ele ag nalkad yuɗ ele huh latteb amunu, da dabmatte aute aokkuloitte. Ig deɗ laippuib doɗ huanak lamadpput amu, doɗ amu oh ag mauhkkulag.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

2 Samuel 7:20

O Naɗi Yawe, na da, nahip maɗi nid, na da dooiɗttem amunu, da, Dawit, da na amenppa aɗi nai laa madikkulnu daatte? Iitta.

Jon 13:37

Anam a amu Pita nug aum. “Naɗi attemun? Da geha imu na dim lamidkkulnu elele iittate? Da geha na ehanitten, da nahip aben awen mauhkkul amunu amu, da uugnab laa ii doottem,” awa aum.

Jon 1:42

Anam ana amu Andru nug Saimon omala, Jesus toppa ukkom. Ukke Jesus antta, amegppa aum. “Saimon, Jon bekka, nahipnu ag geha Sipas akkulag,” awa aum. (Grik naippa Sipas eɗuak am Pita.)

Matyu 26:35

Am Pita nug aum. “Iitta! Da na ele mauhkkunih dayeb amu, da amunu uug ii doottem, amge da nahipnu, ‘Da Nug ii doottem,’ ii apa! Iittanab iitta,” awa aum. Nug anam a amu, ippunittak awak danab laa oh ele ag anam appig.

Matyu 26:33

Amge Pita nug oɗeppa awa aum. “Danab laa oh ag nahipnu uug doon, uuidna oolna gokkulagtai, amge da am anam ii hepa,” awa aum.

Aposel 20:29

Amu da doottem, da ag uuatten goppi, dimppa hambuppuak ippunittak danab, ag wulp bia, geha ag tamaniak oolagppa bena heppeg nauhkkulagnu hekkulag.

Esekiel 46:24

Danab amu nug ippuniɗa, nug da amelppa aum. “Danab ag Yawenu mettid lag, amuppa nuhig ɗo maɗoɗnu uɗat hetteb ele amu, ag ee hak aben imu ohppa danab ah ag doɗ main Kayak mettaglag, ag iguppa ee amu maiglag, o battiglag,” awa aum.