Jon 20:29 - Nobonob Baibel

²⁹ Nug anam a amu, Jesus nug amegppa aum. “Na amu amenppanab da aniɗna, na ootppa genab doome. Laa ag da ii aniɗna, oolagppa genab dootteb amu, ag itittak ena aoppig daatteb,” awa aum.

Jon 20:29 Referans Kwoze

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

2 Korint 5:7

Aɗinu? Ig Nug ele ouqak daagnig, nai amunu amu gemu ig dayak amunab ii anidttem, amge gemu oittem imuppa am ig geha Nug ele daagnignu, ig oonigppa genab doot oittem.

Hibru 11:1

Danab nug ooppa genab doyak ele amu, nug aɗi keeke aokkunu dabmak aɗa daatte ele, nug genabnab genab aokkunuib dabmette; nug ii aomanu nakok laa ii dabmette. Amu ele nug keeke amegppa ii anidtte ele, nug anamib genab anidkkunu dabmette.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

Luk 1:45

Naɗi a, na ootppa genab doome amunu, na Naɗinu itittak ena aome daattem. Nug aum amu, amuam genab anam bekku.” Elisabet nug anam aum.

Jon 4:48

Jesus Nug nug amegppa inam aum. “Da heppi, ag Kayak dabmettaknu kobol danab haknu elele iitta digdig ii anidkkulag amu, ag oolagppa genab iinab dooglag,” awa aum.

Jon 20:8

Anam antte amu, ippunittak awak danab nug tatam moɗppa ukkom ele, nug ele ooppa noa antta, nug ooppa genab doyom.

Hibru 11:39

Ooppa genab doyak danab amu ag Kayaknu oolagppa genab doon, ag Kayak noobppa onig ena aoppig, amge ag oolagppa laa nug Kayak keeke ena madakkunu nai qakka aum amu, ag wan imuppa daappig haenppa ii aoppig.

Matyu 13:16

Aria, Jesus nai amu mattia mala, Nug nai baula tuɗitta aum. “Anam, amge ag itittak ena aoppig daatteb! Aɗinu? Ag amelagppa keeke anidtteb, daulagppa nai dootteb, amu ag oolag maidtte.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.