Jon 20:28 - Nobonob Baibel

²⁸ Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Jon 20:28 Referans Kwoze

Jon 1:1

Kayak Nug keeke oh digma heum, haen amu ii nak amu Kristus, Nug onig laa Nai Kayak Ippunigtte, Nug dayom. Nug Kayak noobppa dayom amge anamib iitta, Nug ele Kayak dayom.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Matyu 14:33

Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Luk 24:52

Nug anam he, ag maɗoɗppan gamag ahak naɗi ele Nug binag mena, ag eɗun Jerusalem goppig.

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Jon 20:16

Anam a amu, Jesus eɗua, ah onig diia, “Maria,” awa aum. Anam a amu, Maria nug eɗua Hibru naippa, “Rabonai,” awa aum. Amu diig am, “Ippunittak danab.”

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Sam 45:6

“O Kayak, ɗo maɗoɗ na kalame ele am hanhan daakku. Ao, nahip ɗo maɗoɗppa amu, nai doya mala hettoɗia epeɗia elele mettak kobol am anuqak daakku.

Sam 45:11

Na am ah iɗun tuqaknab, amu ⌊Israel⌋ dilag king nug amunu enanagnab dootte. Nug am nahip naɗi amunu na nug binag okkai mette!

Jon 20:27

Nug anam awowa, Nug Tomas amegppa aum. “Na eppen doɗoppa da eppel nakok aɗan, amenppa ele da eppel antte! Na eppen bahin, da qettil ele nakok aɗe! Na ooppa genab ii doyak danab bia aib heme. Iitta! Na ootppa genab doye!” awa aum.

Jon 20:29

Nug anam a amu, Jesus nug amegppa aum. “Na amu amenppanab da aniɗna, na ootppa genab doome. Laa ag da ii aniɗna, oolagppa genab dootteb amu, ag itittak ena aoppig daatteb,” awa aum.