Jon 20:17 - Nobonob Baibel

¹⁷ Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Jon 20:17 Referans Kwoze

Jon 16:28

Genab, da Mama toppanu uɗie, wanppa nemi daattem. Gemu am da wan imuppan ahe, eɗue Mama toppa gokkul,” awa aum.

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.

Jon 17:11

Gemu da wanppa tuɗitten ii daapa. Da na gumitte gottem, amge dahilad imu ag tuɗidna, wan imuppa ⌊danab ag oolagppa genab ii dootteb ele oolagppa⌋ daaglag. O Mame Oppiaawak Ele, da na ele laippu daattep, amubia ag laippu daaglagnu, na na oninppa, onin na da meɗame amu, na amuppa dabmadakkutnu ool daatte.

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.

Jon 14:6

A amu, Jesus Nug nob ma aum. “Da am ⌊Kayak gumitta ukkaknu⌋ ib. Laa ele amu, da am doyak diig genabibnu diig, amu da bau dayaknu diig ele. Danab nug Kayak gumitta gokkunu amu, daib nug ehanidppi gokkunu elele daattem.

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.

2 Korint 6:18

geha da ag Mamelag daakkul; ag am da bekkalad aɗelad daaglag. Da Naɗi Dakka Ɠagattag Oh Ele, da anam awe attem.”

Rom 8:29

Aɗinu? Danab aun aɗi ag Kayaknu oolag mauhkku amu, Nug ag anukka doyattom. Nug doyattom amunu, Nug ag kuɗum Nug Bekka ele oh daan, Bekka Nug ag oolagppa ag awalag nid naanaeg daakkunu, ag Bekka daatte bia daaglagnu, Kayak Nug maittaknab amu awom.

Jon 17:25

O Mame tutukkunab, wanppan danab ah wannu kobol dim lamadtteb ele ag na ii dooidtteb, amge da na dooidttem, amu dahilad imu ag na da meiɗe uɗimi amu dootteb.

Matyu 28:7

Anttoya am paha goya, nuhikkud ippunittak awak danab amelagppa, ‘Nug moɗppanu eɗua hibaittom! Nug anuqa Galili gotte, ag Nug appa anidkkulag!’ aoya aiɗ. Antteɗ! Da aa amelahppa iikku ami!” awa aum.

Matyu 12:50

Aɗinu? Danab laa nug da Mamel, hab attan daatte, nug nuhig dabmak dim lamidtte, nug am da anil, da amal, da appinal ele,” awa aum.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.

Jon 20:27

Nug anam awowa, Nug Tomas amegppa aum. “Na eppen doɗoppa da eppel nakok aɗan, amenppa ele da eppel antte! Na eppen bahin, da qettil ele nakok aɗe! Na ooppa genab ii doyak danab bia aib heme. Iitta! Na ootppa genab doye!” awa aum.

Jon 17:5

O Mame, anukka wan ii dayeye, da na ele daaɗɗa, da binal amahlak oppiaawak ele daaiyi uɗiom amu, gemu na binal amahlak oppiaawak ele amuib eɗun meɗakkutnu oɗ medattem.

Jon 14:28

‘Da ag uuatte ukkoya, da eɗuen ag gumatte uɗikkul,’ ai dooppig. Ag genab dahilnu oolag mauhlolob, ag da Mame toppa gokkulnu amu, ag amunu oolag gamag ahalo. Aɗinu? Mame Nug am Naɗi, Nug da eɗilak.

Jon 14:2

Da Mamel laug am oo kuɗum ele, amu da laa ahilagnu bappaidkkulnu gottem. Anam laa ii daalo amu, da ag amelagppa alom.

Jon 13:3

Jesus Nug Mameg keeke oh Nug eppegppa meum doya, Nug Kayak toppanu uɗiom, Nug eɗua Kayak toppa gokkunu ele doyom

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Jon 7:33

Uɗieg am Jesus Nug aum. “Da haen tutuib ag ele dayota, da eɗuen, laa Nug da meiɗe uɗimi ele amu, nuhigppa gokkul.

Luk 10:4

Ag men doɗo inaknu hogot, oiyaknu battam, baelag gaɗa ele amu aib aoppig. Ag gonana, ibppa laa ele nai mattiglagnu haen aib kakidppig.

Esekiel 37:27

Anam dayeb, dahil dayaknu aben ag oolagppa daakku. Dayebeb, da ahilag Kayak daakkul, ag dahilad danab ah daaglag.

Esekiel 36:28

Da anam ehanadppi, ag ag mamelkad aɗi da ag wan mattami amu, ag wan amuppa daaglag. Ag dahilad danab ah daappeg, da ahilag Kayak daakkul.

Jeremaia 32:38

Ag dahilad danab ah daaglag, da ahilag Kayak daakkul.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Sam 89:26

Nug dahilnu akku. ‘Na am da Mamel. Na am dahil Kayak. Na am dahil kekeɗ niɗamanu ehanittak daattem. Na am dahil padal mepanu ehanittak daattem.’

2 King 7:9

Dimppa amu ag akka akka nai inam madippig. “Ig hettem amu, ig tutukku ii hettem. Gemu am ig Israel, ihinigppa deɗ ena daye, ig gota, laa amelagppa mattignignu ii hettem. Ig keeke anidmut imu, ig gemu gota, ii awota, ig butti buttua aam beeb gota akkunignu ameg mak hekkunig dayeb amu, ig bu aognig amunu, ig gemu gota, king aɗi amelagppa apput doyeg!” akka akka anam aon appig. Ag anana, ag ahan goppig.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Sam 48:14

Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Sam 22:22

Na anam heppe amu, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.

2 King 4:29

Elisa nug nai amu doya malowa, aria nug Gehasi amegppa inam aum. “Ahan bappaidna, dahil dudqak hokkat amu aon, eppenppa aɗan, na paha Sunem gokkut. Amu na gonana, ibppa danab laa anidna, aib na nug humidme. Am danab laa nug na humitteb amu, na nai nuhig aib nob meme. Na ah imu laugppa tutukku gona, na dahil dudqak hokkat amu nid nakok iɗuppa me!” awa aum.

Hibru 11:16

amge anam am iitta. Ag appalag ena dimppanu, hab aabppa amunuib dabmeppig amunu Kayak Nug, “Da ahilag Kayak,” akkunu amu uɗa ii nette. Iitta. Nug aab enanag, ag daaglagnu babaittom daatte.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Mak 12:26

Amge danab mauhna, eɗun hibaittaknu, keeke amunu amu ag Moses nug Kayak naippa nai laa yom amu ag iite ebqeppig? Haen amu aab ewewe, ad nakok ewa iitta ii meeme, Moses nug andette, Kayak Nug Moses amegppa a, nug Kayak oɗe inam yom. ‘Da am Abrahamnu Kayak, Aisaknu Kayak amu Jakopnu Kayak ele,’ awa aum.